សន្តិសុខសង្គម
លោក គួច ចំរើន៖ កាស៊ីណូ និងអាជីវកម្មណាបង្កឱ្យមានបទល្មើស ប្រឈមនឹងការបិទ ដកអាជ្ញាបណ្ណ
អាជ្ញាធរខេត្តព្រះសីហនុបានដាក់បទបញ្ជាដាច់ណាត់ថា ទីតាំងកាស៊ីណូ និងអាជីវកម្មទាំងឡាយណាដែលរកឃើញមានបទល្មើសផ្សេងៗ នោះនឹងត្រូវប្រឈមនឹងការបិទផ្អាកអាជីវកម្ម និងដកអាជ្ញាប័ណ្ណជាស្ថាពរ លែងឱ្យប្រកបរបររកស៊ីតទៅទៀត។
នៅក្នុងកិច្ចប្រជុំគណៈបញ្ជាការឯកភាពរដ្ឋបាលខេត្ត នៅថ្ងៃទី ២ ខែសីហានេះ លោក គួច ចំរើន អភិបាល នៃគណៈអភិបាលខេត្ត និងជាប្រធានគណៈបញ្ជាការឯកភាពរដ្ឋបាលខេត្តព្រះសីហនុ មានប្រសាសន៍ថា គណៈបញ្ជាការរដ្ឋបាលខេត្ត បានដាក់ចេញនៅវិធានការដាច់ណាត់ ចំពោះទីតាំងកាស៊ីណូ និងទីតាំងអាជីវកម្មផ្សេងទៀត។ ក្នុងករណីដែលរកឃើញមានការបាញ់សម្លាប់ ការចាប់បង្ខាំង ការប្រើប្រាស់គ្រឿងញៀន និងបទល្មើសផ្សេងៗ នោះអាជ្ញាធរខេត្តនឹងធ្វើការបិទផ្អាកអាជីវកម្ម និងស្នើសុំគោលការណ៍ទៅរាជរដ្ឋាភិបាល ដើម្បីដកអាជ្ញាប័ណ្ណជាស្ថាពរ លែងឱ្យប្រកបរបររកស៊ីនៅក្នុងខេត្តព្រះសីហនុតទៅទៀត។
លោកអភិបាលខេត្តបានបន្តថា ដោយឡែកចំពោះជនល្មើសដែលឃាត់ខ្លួនបាន នឹងបញ្ជូនទៅផ្តន្ទាទោសតាមច្បាប់នៃព្រះរាជាណាចក្រកម្ពុជា ដោយគ្មានការលើកលែងឡើយ។
ការដាក់ចេញបទបញ្ជាដាច់ណាត់នេះបានធ្វើឡើង បន្ទាប់ពីមានករណីការបាញ់សម្លាប់ជនជាតិចិនចំនួន ២ នាក់ នៅក្នុងកាស៊ីណូ តុងហ្វាងប៉ាលីរិន ស្ថិតក្នុងភូមិ២ សង្កាត់២ ក្រុងព្រះសីហនុ កាលពីយប់ថ្ងៃទី ៣០ ខែកក្កដា ឆ្នាំ២០២២ កន្លងមក។
យោងតាមរបាយការណ៍របស់សមត្ថកិច្ច បានបញ្ជាក់ថា ក្រោយកើតហេតុភ្លាមៗ កម្លាំងសមត្ថកិច្ចខេត្ត បានចុះធ្វើអន្តរាគមន៍ដល់កន្លែងកើតហេតុ និងតាមប្រមាញ់ស្រាវជ្រាវរកជនបង្ក។ ជាលទ្ធផលគិតត្រឹមម៉ោងនេះ កម្លាំងគណៈបញ្ជាការរដ្ឋបាលខេត្ត បានឃាត់ខ្លួនជនសង្ស័យមួយចំនួនយកមកធ្វើសាកសួរតាមនីតិវិធី និងបន្តតាមស្រាវជ្រាវរកជនដៃដល់ផ្សេងទៀតមកផ្តន្ទាទោសតាមច្បាប់ឱ្យខានតែបាន។
សូមជម្រាបជូនថា ការសន្និដ្ឋានជំហ៊ានដំបូង ករណីបាញ់សម្លាប់គ្នានេះ គឺពាក់ព័ន្ធនឹងទំនាស់ជំពាក់ប្រាក់៕
អត្ថបទ៖ សំអឿន
-
ព័ត៌មានជាតិ១៩ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ