សន្តិសុខសង្គម

ឃុំខ្លួនឃាតកសម្លាប់ប្រពន្ធ ហើយរត់ទៅអាមេរិក

បានផុស

១ year មុន

នៅ

ថ្ងៃចន្ទ ២៧ កុម្ភៈ ២០២៣

ដោយ

ភ្នំពេញ ៖ ចៅក្រមស៊ើបសួរសាលាដំបូងរាជធានីភ្នំពេញ លោក សុង ប៊ុណ្ណារិទ្ធ នៅថ្ងៃទី ២៧កុម្ភៈ ឆ្នាំ២០២៣ បានចេញដីកាសម្រេចឃុំខ្លួនឃាតកអនីតិជនមកពីសហរដ្ឋអាមេរិក ក្រោមការចោទប្រកាន់ពីបទ « ឃាតកម្មគិតទុកមុន » តាមមាត្រា២០០នៃក្រមព្រហ្មទណ្ឌ។

ជនត្រូវចោទដែលតុលាការឃុំខ្លួននេះឈ្មោះ MOUL NEATH KARL ភេទប្រុស អាយុ៧០ ឆ្នាំ ជាជាងជួសជុលរថយន្តនៅសហរដ្ឋអាមេរិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមមាត្រា២០០នៃក្រមព្រហ្មទណ្ឌ ដែលតុលាការបានចោទប្រកាន់ជនដៃដល់ ជននេះត្រូវប្រឈមមុខជាប់ពន្ធនាគារអស់មួយជីវិត។

លោក MOUL NEATH KARL ត្រូវបានចាប់ខ្លួននៅទីក្រុងបាងកក ប្រទេសថៃ ហើយបញ្ជូនមកកម្ពុជាវិញ បន្ទាប់ពីបានប្រព្រឹត្តអំពើឃាតកម្មសម្លាប់ប្រពន្ធដោយរូបភាពឃោរឃៅ កាលពីថ្ងៃទី ២៤កុម្ភៈ ថ្មីៗនេះ។

ជនរងគ្រោះឈ្មោះ កែវ ស្រីមុំ អាយុ៣៨ ឆ្នាំ ស្នាក់នៅក្នុងផ្ទះកើតហេតុ មានមុខរបរបើកហាងសាឡន ស្ថិតនៅផ្ទះមួយកន្លែងទៀតលេខ៥៧ ផ្លូវលំ ភូមិបុរី១០០ខ្នង សង្កាត់ទឹកថ្លា ខណ្ឌសែនសុខ រាជធានីភ្នំពេញ ៕

ដោយ ៖ មករា