Connect with us

សន្តិសុខសង្គម

ស្រាវជ្រាវចាប់ខ្លួនក្រុមកាប់ប្លន់ និងអ្នកទទួល​ផល​ចោរកម្មសរុប០៩នាក់

បានផុស

នៅ

កម្លាំងសមត្ថកិច្ចធ្វេីការស្រាវជ្រាវ និងឃាត់ខ្លួនជនសង្ស័យចំនួន០៩នាក់បានជាបន្តបន្ទាប់ក្រោយពីពួកគេធ្វេីសកម្មភាពកាប់ប្លន់យកម៉ូតូជនរងគ្រោះបានសម្រេចមួយគ្រឿងកាលពីវេលាម៉ោង១និង២០នាទីរំលងអាធ្រាត្រឈានចូលថ្ងៃទី២៥ ខែឧសភា ឆ្នាំ២០២៣ នៅផ្លូវ38K ភូមិត្រពាំងជ្រៃ សង្កាត់កាកាបទី២ ខណ្ឌពោធិ៍សែនជ័យ កន្លងទៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជនរងគ្រោះឈ្មោះ ស័យ្យ ពន្លឺ ភេទប្រុសអាយុ២៦ឆ្នាំ មុខរបរដឹកអនឡាញ ស្នាក់នៅភូមិសាមគ្គី៣ សង្កាត់ត្រពាំងក្រសាំង ខណ្ឌពោធិ៍សែនជ័យ រាជធានីភ្នំពេញ។

សមត្ថកិច្ចបានឱ្យដឹងថា ក្រោយពីមានករណីកាប់វាយប្លន់យកម៉ូតូពីប្រជាពលរដ្ឋរដ្ឋរងគ្រោះ លោកវរសេនីយ៍ឯក ម៉ន វុធី អធិការនៃអធិការដ្ឋាននគរបាលខណ្ឌពោធិ៍សែនជ័យ ក្រោមការបញ្ជាផ្ទាល់ពីឯកឧត្តមឧត្ដមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ បានដឹកនាំកម្លាំងផ្នែកសហការជាមួយប៉ុស្តិ៍តាមដានស្រាវជ្រាវកំណត់ មុខសញ្ញាជនសង្ស័យ ។

សមត្ថកិច្ចបានបន្តថា រហូតដល់វេលាម៉ោង១១និង៣០នាទីយប់ថ្ងៃទី២៦ ខែឧសភា ឆ្នាំ២០២៣ កម្លាំងសមត្ថកិច្ចតាមចាប់ឃាត់ខ្លួនមុខសញ្ញា និងបក្ខពួកបានចំនួន៥នាក់ ស្ថិតនៅភូមិចំការឪឡឹក២ សង្កាត់កាកាបទី២ ខណ្ឌពោធិ៍ សែនជ័យ រាជធានីភ្នំពេញ ហេីយបាននាំខ្លួនជនសង្ស័យទាំងនោះមកសាកសួរ បន្ទាប់មកជនសង្ស័យក៏បានសារភាពនិងបន្តតាមចាប់បក្ខពួកចំនួន៣នាក់បន្ថែមទៀត នៅសង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ រហូតមកដល់ព្រឹកថ្ងៃទី៣០ ខែឧសភា ឆ្នាំ២០២៣នេះ ទេីបសមត្ថកិច្ចបន្តចុះចាប់អ្នកទទួលផលចោរកម្មម្នាក់ទៀតក្នុងមូលដ្ឋានខណ្ឌមានជ័យ ដកហូតម៉ូតូមួយគ្រឿងផងដែរ។

បច្ចុប្បន្ន ជនសង្ស័យត្រូវបានកម្លាំងសមត្ថកិច្ចកសាងសំណុំរឿងត្រៀមបញ្ជូនទៅតុលាការ៕

អត្ថបទ៖ សុខា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម