ព័ត៌មានជាតិ
ខេត្តបន្ទាយមានជ័យ កសិករធ្វើស្រូវបានផលខ្ពស់ តែតម្លៃស្រូវ ចុះថោក
បន្ទាយមានជ័យ ៖ កសិករធ្វើស្រែក្នុងមូលដ្ឋាន ខេត្តបន្ទាយមានជ័យ បានត្អូញត្អែរឿងតម្លៃស្រូវឆ្នាំនេះ ចុះថោកខ្លាំងជាងឆ្នាំមុន ខណៈផលស្រូវទទួលបានទិន្នផលច្រើនគួសម។
កសិករឈ្មោះ ផេង វឌ្ឍនា រស់នៅភូមិអន្លុងថ្ងាន់ ឃុំបត់ត្រង់ ស្រុកមង្គលបូរី ខេត្តបន្ទាយមានជ័យ បានឱ្យដឹងនៅថ្ងៃទី០៣ ខែសីហា ឆ្នាំ២០២១ នេះថា ការធ្វើស្រែឆ្នាំនេះ ដោយសារតែមានទឹកស្រោចស្របគ្រប់គ្រាន់ ធ្វើឱ្យដំណាំស្រូវទទួលបានទិន្នផលខ្ពស់ តែអ្វីដែលជាបញ្ហាសម្រាប់កសិករនោះ គឺតម្លៃស្រូវឆ្នាំនេះបានធ្លាក់ចុះថោកខ្លាំង ដោយស្រូវសើមប្រភេទ៥៤ មានតម្លៃត្រឹមតែ៥៤០០បាត (ប្រាក់ថៃ) ក្នុង១តោន, ស្រូវសើមប្រភេទសែនក្រអូប មានតម្លៃ ៧៥០០បាត (ប្រាក់ថៃ) ក្នុង១តោន ។ ដោយឡែកកាលពីឆ្នាំទៅ ស្រូវសើមប្រភេទ៥៤ មានតម្លៃ៦២០០បាត (ប្រាក់ថៃ) ក្នុង១តោន, ស្រូវសើមប្រភេទសែនក្រអូប មានតម្លៃ ៨២០០បាត (ប្រាក់ថៃ) ក្នុង១តោន។
កសិករដដែលបញ្ជាក់ថា ការធ្លាក់ចុះខ្លាំងនៃតម្លៃស្រូវនេះ ធ្វើឱ្យកសិករប្រឈមនឹងការខាត់ខ្លាំង ព្រោះការធ្វើស្រែត្រូវចំណាយគ្រប់សព្វទាំងការភ្ជួររាស់, ជី, ថ្នាំ និងពូជស្រូវជាដើម។ តែបើតម្លៃស្រូវចុះថោក គួរតែតម្លៃជី, ថ្នាំ, និងពូជស្រូវ ចុះថោកដូចគ្នា ទើបកសិករអាចទូទាត់ក្នុងការចំណាយបាន និងមិនទទួលរងការបង់ខាតច្រើន ។
លោក ប៉ាង វណ្ណាសេដ្ឋ ប្រធានមន្ទីរកសិកម្មខេត្តបន្ទាយមានជ័យ បានឱ្យដឹងថា បរិមាណធ្វើស្រែរបស់បងប្អូនប្រជាកសិករ ទូទាំងខេត្តបន្ទាយមានជ័យ សម្រាប់ឆ្នាំ២០២១នេះ សរុបមានប្រមាណជាង ៥ម៉ឺនហិចតា កទិន្នផលក្នុងឆ្នាំនេះជាមធ្យមទទួលបានទទួលបាន ជាង៤តោន ក្នុង១ហិចតា។
ចំពោះបញ្ហាតម្លៃស្រូវចុះថោកជាឆ្នាំមុន បើតាមកលោកប្រធានមន្ទីរដោយសារប្រជាពលរដ្ឋសម្រុកធ្វើស្រូវប្រភេទ៥៤ នេះច្រើនពេក ម្យ៉ាងទៀតវាជាបញ្ហារបស់ឈ្មួញប្រមូលទិញ៕
អត្ថបទ៖ ពៅ
-
ព័ត៌មានអន្ដរជាតិ៦ ថ្ងៃ ago
ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?
-
ជីវិតកម្សាន្ដ៤ ថ្ងៃ ago
លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស សុំឲ្យគ្រប់គ្នាអហោសិកម្ម
-
ចរាចរណ៍៥ ថ្ងៃ ago
ករណីបុករះស្លាប់៤នាក់នៅស្ពានអាកាសឫស្សីកែវ មានម្នាក់ជានិស្សិតពូកែជំនាញស្ថាបត្យកម្ម និងនគរូបនីយវិទ្យា
-
ព័ត៌មានអន្ដរជាតិ៣ ថ្ងៃ ago
យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន
-
ព័ត៌មានជាតិ៦ ថ្ងៃ ago
គម្រោងទឹកស្អាតធំបំផុតចាយទុនជាង ១០០ លានដុល្លារនៅបាក់ខែង គ្រោងចាប់ផ្តើមសាងសង់
-
ព័ត៌មានជាតិ៣ ថ្ងៃ ago
មន្រ្តីក្រសួងបកស្រាយវីដេអូរថភ្លើងបើកលើផ្លូវជាតិ ពលរដ្ឋសង្ស័យបើកខុសបច្ចេកទេស
-
ព័ត៌មានជាតិ៦ ថ្ងៃ ago
ទឹកស្ទឹងសង្កែខាងក្រោមទំនប់សាលាតាអន រីងគោក ពលរដ្ឋប្រឈមការដឹកជញ្ជូនបើកបរកាណូតមិនបាន
-
ព័ត៌មានជាតិ១ សប្តាហ៍ ago
ក្រុមហ៊ុនឡូជីស្ទីកលំដាប់ពិភពលោក មានកប៉ាល់ដឹកទំនិញជាង៦០០ គ្រោងពង្រីកការវិនិយោគនៅកម្ពុជាបន្ថែម