Connect with us

ព័ត៌មានអន្ដរជាតិ

ចិន សម្រេចដកពន្ធស្រាពី អូស្ត្រាលី ដែលធ្លាប់រកាំរកូសកាល ៣ ឆ្នាំមុន

បានផុស

នៅ

ប្រទេសចិនកាលពីថ្ងៃព្រហស្បតិ៍បានប្រកាសនឹងដកពន្ធស្រាអូស្ត្រាលីដែលដាក់កាលពីជាង ៣ ឆ្នាំមុន ហើយនេះក៏ជាសញ្ញានៃភាពប្រសើរឡើងថែមមួយកម្រិតទៀតនូវទំនាក់ទំនងរវាងប្រទេសទាំងពីរ ។ នេះបើយោងតាមការចេញផ្សាយរបស់សារព័ត៌មាន AP កាលពីថ្ងៃទី២៨ ខែមីនា ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រសួងពាណិជ្ជកម្មចិនបាននិយាយថា ការសម្រេចចិត្តនេះនឹងចូលជាធរមាននៅថ្ងៃសុក្រនេះ ខណៈរដ្ឋាភិបាលអូស្ត្រាលីក៏បានស្វាគមន៍ចំពោះវិធានការនេះផងដែរ ដោយបាននិយាយនៅក្នុងសេចក្តីថ្លែងការណ៍មួយថា ពន្ធគយត្រូវបានដកចេញនៅក្នុងពេលវេលាដ៏សមស្របសម្រាប់ឧស្សាហកម្មស្រាអូស្ត្រាលី ។

ប្រទេសចិនបានដាក់ពន្ធលើស្រាអូស្ត្រាលីក្នុងឆ្នាំ ២០២០ អំឡុងពេលមានជម្លោះការទូតជុំវិញការគាំទ្ររបស់អូស្ត្រាលីសម្រាប់ការស៊ើបអង្កេតជាសកលអំពីប្រភពដើមនៃជំងឺកូវីដ ១៩ ខណៈនៅពេលនោះ ពន្ធលើស្រាអូស្ត្រាលីបានកើនឡើងលើសពី ២០០ ភាគរយ ។

ចាប់តាំងពីពេលនោះមក ផលិតផលស្រាអូស្ត្រាលីទទួលរងនូវផលប៉ះពាល់យ៉ាងខ្លាំងពីពន្ធគយ ដោយសារតែប្រទេសចិនគឺជាគោលដៅនាំចេញស្រាកំពូលរបស់អូស្ត្រាលី ខណៈតាមការប៉ាន់ស្មាន ពន្ធនេះទាញសេដ្ឋកិច្ចអូស្ត្រាលីឲ្យខាតបង់ដល់ទៅ ២០ ពាន់លានដុល្លារអូស្ត្រាលីស្មើរនឹង ១៣ ពាន់លានដុល្លារ ។

រដ្ឋាភិបាលអូស្រ្តាលីមុនៗបានដាក់របាំងពាណិជ្ជកម្មដើម្បីហាមឃាត់ការជ្រៀតជ្រែតពីបរទេស ជាពិសេសគឺការរាំងក្រុមហ៊ុនទូរគមនាគមន៍យក្សចិន Huawei មិនឲ្យដាក់ដំណើរការបណ្ដាញ 5G នៅក្នុងប្រទេសអូស្ត្រាលី ដោយសារតែការព្រួយបារម្ភអំពីសុវត្ថិភាព និងថែមទាំងអំពាវនាវឲ្យមានការស៊ើបអង្កេតឯករាជ្យពីជំងឺរាតត្បាតកូវីដ ១៩ ផងដែរ ។

ស្របពេលជាមួយគ្នានេះ ប្រទេសចិនក៏ខឹងសម្បារផងដែរចំពោះទំនាក់ទំនងសន្តិសុខកាន់តែស៊ីជម្រៅរបស់អូស្ត្រាលីជាមួយសហរដ្ឋអាមេរិក ជាពិសេសកិច្ចព្រមព្រៀង AUKUS ដែលសន្យានឹងផ្តល់ឲ្យអូស្ត្រាលីនូវនាវាមុជទឹកដំណើរការដោយបច្ចេកវិទ្យានុយក្លេអ៊ែររបស់សហរដ្ឋអាមេរិក ៕

អត្ថបទ ៖ ប៊ុន សុភាព

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣៦ នាទី មុន

លោក​ហេង សួរ និង​នាយិកា​ADB​ប្រចាំ​នៅ​កម្ពុជា​ពិភាក្សា​លើ​វឌ្ឍនភាព​ស្តីពី​ការអភិវឌ្ឍ​ជំនាញ​នៅ​កម្ពុជា

ព័ត៌មានជាតិ៤៥ នាទី មុន

ស្ដេចប្រដាល់ហ្វីលីពីន សន្យានៅចំពោះមុខសម្ដេចធិបតី ថា នឹងជួយលើកស្ទួយគុនខ្មែរ

សេចក្ដីជូនដំណឹង១ ម៉ោង មុន

កម្មការិនីរោងចក្រកាត់ដេរម្នាក់នៅស្រុកអង្គស្នួល ខេត្តកណ្តាល ឈ្នះរង្វាន់១២៥លានរៀលពីភេសជ្ជៈប៉ូវកម្លាំង ខារ៉ាបាវ

ព័ត៌មានជាតិ៤ ម៉ោង មុន

UPDATE៖ ករណីឡានទំនើបបុកម៉ូតូ បណ្តាលឱ្យបុរសម្នាក់ស្លាប់ គ្រួសាររងគ្រោះប្ដឹងឱ្យសមត្ថកិច្ចជួយរកយុត្តិធម៌

ព័ត៌មានជាតិ៤ ម៉ោង មុន

បង្កើតផ្លូវថ្មីតភ្ជាប់ពីផ្លូវជាតិលេខ១ រហូតដល់គល់ស្ពានព្រែកប្រា-ចាក់អង្រែ

Sokha Hotels

ព័ត៌មានពេញនិយម