Connect with us

កីឡា

អតីតប្រធានបាល់ទាត់អេស្ប៉ាញ កំពុងត្រូវបានព្រះរាជអាជ្ញា ស្វែងរកការកាត់ទោសបន្ថែម

បានផុស

នៅ

ព្រះរាជអាជ្ញាប្រទេសអេស្ប៉ាញ បានស្នើសុំឱ្យមានការកាត់ទោសឱ្យជាប់ពន្ធនាគាររយៈពេល ២ឆ្នាំកន្លះលើអតីតប្រធានសហព័ន្ធកីឡាបាល់ទាត់អេស្ប៉ាញ លោក Luis Rubiales ដែលកំពុងស្ថិតក្នុងការកាត់ទោសពីបទ ថើបកីឡាការិនីអេស្ប៉ាញ Jenni Hermoso ដោយបង្ខំ នៅលើបបូរមាត់ បន្ទាប់ពីឈ្នះការប្រកួតជើង​ឯក​បាល់ទាត់នារីពិភពលោក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការថើបដោយបង្ខំ ដែលចាប់បាននៅលើកាមេរ៉ាផ្សាយផ្ទាល់ជុំវិញពិភពលោក បានបង្កឱ្យមានការខឹងសម្បារយ៉ាងខ្លាំង និងនាំទៅដល់ការព្យួរដោយស្ថាប័នគ្រប់គ្រងបាល់ទាត់ពិភពលោក FIFA។

ការជាប់ពន្ធនាគាររយៈពេល​២ឆ្នាំកន្លះគឺជាការកាត់ទោសទាមទារដោយរាជអាជ្ញាអេស្ប៉ាញសម្រាប់ លោក Luis Rubiales ដែលត្រូវបានចោទប្រកាន់ពីបទបំពានផ្លូវភេទ និងបង្ខិតបង្ខំលើកីឡាការិនី Jenni Hermoso បន្ទាប់ពីអេស្ប៉ាញឈ្នះការប្រកួតបាល់ទាត់នារីពិភពលោក។

ព្រះ​រាជអាជ្ញាក៏ចង់ឱ្យ លោក Rubiales បង់ប្រាក់សំណងដល់​កីឡាការិនី Hermoso យ៉ាងហោចណាស់ ៥០,០០០អឺរ៉ូ។ នេះបើយោងតាមឯកសារដែលបានផ្ញើទៅតុលាការជាតិរបស់ប្រទេសអេស្ប៉ាញ។

ក្នុងអំឡុងពេលនៃឧប្បត្តិហេតុ​កើតឡើងនៅថ្ងៃទី២០ ខែសីហា ឆ្នាំ២០២៣ បន្ទាប់ពីអេស្បាញ បានយកឈ្នះអង់គ្លេស វគ្គផ្តាច់ព្រ័ត្រ ដើម្បី​គ្រង​ជើងឯក World Cup នារី នៅអូស្ត្រាលី ដោយ លោក Rubiales បានកាន់ក្បាលរបស់ Hermoso ដោយដៃទាំងពីរហើយបានថើបនាងដោយបង្ខំនៅលើបបូរមាត់។

នៅក្រោមច្បាប់របស់អេស្ប៉ាញ ការថើបមិនយល់ស្របអាចត្រូវបានចាត់ថ្នាក់ថាជាការរំលោភបំពានផ្លូវភេទ ដែលជាប្រភេទនៃឧក្រិដ្ឋកម្ម​រួមបញ្ចូលគ្រប់ទម្រង់នៃអំពើហិង្សាផ្លូវភេទ៕

ប្រែសម្រួល៖ មន្នីរ័ត្ន
ប្រភព៖ Inside The Games

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ៣ ថ្ងៃ មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

ព័ត៌មានជាតិ៣ ថ្ងៃ មុន

បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»

ព័ត៌មានជាតិ៣ ថ្ងៃ មុន

កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា

សេដ្ឋកិច្ច៤ ថ្ងៃ មុន

មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ

Sokha Hotels

ព័ត៌មានពេញនិយម