កីឡាករ៣រូប ឈ្នះពានធំៗ ក្នុងព្រឹត្តិការណ៍ យូរ៉ូ

អ្នកចាំទីក្រុមអាហ្ស៊ូរីអ៊ីតាលី Gianluigi Donnarumma ត្រូវបាន Uefa ជ្រើសរើសជា កីឡាករល្អបំផុត ប្រចាំព្រឹត្តិការណ៍ Euro 2020។

អ្នកចាំទីវ័យ ២២ ឆ្នាំរូបនេះ បានជួយសង្គ្រោះបាល់ប៉េណាល់ទី២គ្រាប់ ក្នុងការប្រកួតអ៊ីតាលី យកឈ្នះតោកំណាចអង់គ្លេស នៅពហុកីឡដ្ឋាន Wembley ដោយជួយប្រទេស ឲ្យគ្រងជើងឯកពានរង្វាន់ទ្វីបអឺរ៉ុបជាលើកដំបូង ចាប់តាំងពីឆ្នាំ១៩៦៨មក។

Donnarumma បានសង្គ្រោះបាល់របស់ Jadon Sancho និង Bukayo Saka ហើយបានក្លាយជាអ្នកចាំទីទី២ ដែលឈ្នះពានរង្វាន់នេះ បន្ទាប់ពី Peter Schmeichel របស់ដាណឺម៉ាក ធ្វើបានក្នុងឆ្នាំ ១៩៩២។

ចំណែកខ្សែបម្រើក្រុមគោជល់អេស្ប៉ាញ Pedri បានជាប់ឈ្មោះជា កីឡាករវ័យក្មេង លេងល្អជាងគេបំផុតប្រចាំ Tournament។

រីឯ Cristiano Ronaldo ឈ្នះពានកីឡាករស៊ុតបញ្ចូលទីបានច្រើនជាងគេ ដោយរកបាន៥គ្រាប់។ ខ្សែប្រយុទ្ធរបស់សាធារណៈរដ្ឋឆែក Patrik Schick ក៏រកបាន ៥គ្រាប់ដូចគ្នាដែរប៉ុន្តែ Ronaldo របស់ព័រទុយហ្គាល់ លើសគ្រាប់បាល់បញ្ជូន បាន១គ្រាប់៕

ប្រែសម្រួល៖ Vann Vann

ប្រភព៖ BBC

ចុចអាន៖ អបអរសាទរ អ៉ីតាលី គ្រង ជើង ឯក EURO 2020 ក្រោយឈ្នះអង់គ្លេស