Ronaldo បានបង្ហាញមិត្តរួមក្រុម ១១ នាក់ល្អបំផុត មាន​ទាំង Rooney

ខ្សែប្រយុទ្ធឆ្នើមរបស់ Al-Nassr កីឡាករ Cristiano Ronaldo គឺមិនបានលាក់បាំងនោះទេ ក្នុងការបង្ហាញឈុតមិត្តរួមក្រុមក្នុងជម្រើស ១១ នាក់ដំបូង ដែល​ខ្លួនចាត់ទុកជាកីឡាករល្អបំផុត។

គិតត្រឹមបច្ចុប្បន្ន Ronaldo ធ្លាប់បានប្រកបអាជីពនៅក្លិបជាច្រើន ដូចជា Sporting Cp, Manchester United, Real Madrid, Juventus និងចុងក្រោយនេះនៅ Al-Nassr។ ជាមួយគ្នានេះ គាត់បានលេងជាមួយកីឡាករឆ្នើមៗជាច្រើនផងដែរ ប៉ុន្តែចុងក្រោយ កីឡាករទាំង ១១នាក់ ដែលគាត់សម្រេចចិត្តជ្រើសរើស ជាមិត្តរួមក្រុមល្អបំផុត គឺសុទ្ធតែជាកីឡាករលំដាប់កំពូល ខណៈរឿង​ចាប់អារម្មណ៍ គឺតំបន់ប្រយុទ្ធខាងលើមាន Gareth Bale, Karim Benzema និង Wayne Rooney។

ខាងក្រោមនេះ គឺជាឈ្មោះកីឡាករទាំង ១១ នាក់តាមតួនាទីនីមួយៗ ដែលប្រធានក្រុមជម្រើសជាតិ ព័រទុយហ្គាល់ វ័យ ៤០ ឆ្នាំ ជ្រើសរើសជាកីឡាករល្អបំផុត៖

-អ្នកចាំទី៖ Iker Casillas (Real Madrid)

-ខ្សែការពារ៖ Sergio Ramos (Real Madrid), Rio Ferdinand (Manchester United), Giorgio Chiellini (Juventus), Marcelo (Real Madrid)

-ខ្សែបម្រើ៖ Toni Kroos (Real Madrid), Luka Modric (Real Madrid), Paul Scholes (Manchester United)

-ខ្សែប្រយុទ្ធ៖ Gareth Bale (Real Madrid), Karim Benzema (Real Madrid), Wayne Rooney (Manchester United)

ប្រែសម្រួលអត្ថបទ៖ សេម កុសល
ប្រភព៖ GiveMeSport