អត្ត​ព​លិ​ក​កម្ពុជា​ នឹង​ទទួល​បាន​វ៉ាក់សាំង​ការពារ​មេរោគ​កូ​វីដ​-១៩
Connect with us
Helistar Cambodia - Helicopter Charter Services

កីឡា

អត្ត​ព​លិ​ក​កម្ពុជា​ នឹង​ទទួល​បាន​វ៉ាក់សាំង​ការពារ​មេរោគ​កូ​វីដ​-១៩

Published

on

​​លោក វ៉ា​ត់ ចំរើន អគ្គលេខាធិការ​គណៈ​កម្មាធិកា​រ​ជាតិ​អូឡាំពិក​កម្ពុជា និង​ជា​អគ្គលេខាធិការ​គណៈ​កម្មាធិកា​រ​ជាតិ​រៀបចំ​ប្រកួត​កីឡា SAE GAMES 2023 បាន​មានប្រសាសន៍ថា លោក​តាំង​នាម​ឲ្យ​កីឡាករ​-​កីឡាការិនី​កម្ពុជា សូម​ថ្លែងអំណរគុណ​យ៉ាង​ជ្រាលជ្រៅ​បំផុត​ចំពោះ​សម្តេច​តេ​ជោ​ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា ដែល​តែងតែ​គិតគូរ​ដល់​អត្ត​ព​លិ​ក ដោយ​ក្នុងចំណោម​ប្រជាជន​ចំនួន​៨០​ភាគរយ​នៅ​ទូទាំង​ប្រទេស ដែល​សម្តេច​ប្រកា​ស​នឹង​ផ្តល់​វ៉ាក់សាំង​ការពារ​ជំងឺ​កូ​វីដ​-១៩​ចាក់​ជូន ក្នុង​នោះ​ក៏មាន​កីឡាករ​-​កីឡាការិនី ​ផង​ដែរ។

​លោក​បាន​បន្តថា សម្តេច​តេ​ជោ​បានផ្តល់​វ៉ាក់សាំង​មេរោគ COVID-19 សម្រាប់​កីឡាករ​-​កីឡាការិនី ដែល​ជា​ក្រុម​ប្រឈម​ទៅ​នឹង​មេរោគ​នេះ ប្រឈម​នឹង​វិជ្ជាជីវៈ​ផ្នែក​ការងារ​កីឡា និង​ការហ្វឹកហាត់ ពីព្រោះ​អត្ត​ព​លិ​កម្ពុជា​ត្រូវការ​ហ្វឹកហាត់​ជាប់​លាប់ និង​ការ​ប្រមូល​ផ្តុំគ្នា ដូច្នេះ​ពួកគេ​ត្រូវ​ចៀស​ឲ្យ​ផុត​ពី​ហានិភ័យ​នៃ​ការឆ្លង​មេរោគ ត្រូវ​ការពារ​មុន​ទើប​ល្អ​ប្រសើរ។ ពួកគេ​មិន​ត្រឹមតែ​ហ្វឹកហាត់​ប្រមូល​ផ្តុំ​គ្នា​ក្នុង​ប្រទេស​ទេ ប្រសិនបើ​ក្រុម​កីឡាករ​-​កីឡាការិនី​ជម្រើស​ជាតិ​ទាំង​អស់​ទទួល​បាន​វ៉ាក់សាំង​មុន​កាន់តែ​ល្អ​ប្រសើរ ធ្វើឲ្យ​ពួកគេ​លែង​គិត​ពី​បញ្ហា​ឆ្លង​ទៀត លែង​មាន​ឧបសគ្គ​ខកខាន​ក្នុង​ការ​ហ្វឹកហាត់ ដើម្បី​រក្សា​គុណ​ផល​ត្រៀម​ព្រឹត្តិការណ៍​ការប្រកួត​កីឡា SEA GAMES។

​លោក​អគ្គលេខាធិការ​បា​ន​បន្ថែម​ទៀត​ថា ក្រុម​កីឡាករ​-​កីឡា​ការិនី​ជម្រើស​ជាតិ​ទាំង​អស់​ត្រៀមខ្លួន​សម្រាប់​ព្រឹត្តិការណ៍​ការប្រកួត​កីឡា SEA GAMES ២០២១ លើក​ទី​៣១ នៅ​ប្រទេស​វៀតណាម និង​ព្រឹត្តិការណ៍​ការប្រកួត​កីឡា SEA GAMES ២០២៣ លើក​ទី​៣២ ដែល​កម្ពុជា​ធ្វើជា​ម្ចាស់ផ្ទះ ជាពិសេស​អាច​ចេញទៅ​ចូលរួម​ប្រកួត និង ហ្វឹកហាត់​នៅ​ក្រៅ​ប្រទេស​ល្អ​ប្រសើរ​ថែមទៀត ហើយ​នៅ​ឆ្នាំ​ក្រោយនេះ កីឡាករ​-​កីឡាការិនី​កម្ពុជា​មួយ​ចំនួន​ ត្រូវ​ចេញទៅ​ចូលរួម​ព្រឹត្តិការណ៍​ការប្រកួត​កីឡា​អូឡាំពិក​ឆ្នាំ​២០២១​នៅ​ទីក្រុង​តូ​ក្យូ ប្រព្រឹត្តិ​នា​ខែសីហា និង SEA GAMES លើក​ទី​៣១ នៅ​ប្រទេស​វៀតណាម នា​ខែវិច្ឆិកា​ឆ្នាំ​២០២១​ខាងមុខ​៕

អត្ថបទ៖ ​វិ​សិទ្ធ

សូមចុចអាន៖ ​ប្រមុខ​សហព័ន្ធ​បាញ់​កាំភ្លើង​បង្ហាញ​ពី​ឆន្ទៈ​ដណ្ដើម​មេដាយ​នៅ​ស៊ី​ហ្គេម​ឆ្នាំ​២០២៣

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services