កីឡា
សារ ទី ទុកការប្រកួតជាមួយ Kedah ក្នុងពាន AFC Cup យប់នេះ ជាការប្រកួតផ្ដាច់ព្រ័ត្រ
ខ្សែប្រយុទ្ធរបស់ក្លិបបាល់ទាត់វិសាខា កីឡាករ សារ ទី បានដាក់ការប្តេជ្ញាចិត្ត និងទុកការប្រកួតចុងក្រោយ AFC Cup របស់ខ្លួនយប់នេះទល់នឹង Kedah FC ជាការប្រកួតផ្ដាច់ព្រ័ត្រ។
ក្រុមរបស់កម្ពុជាថ្មីថ្មោងមួយនេះ ត្រូវការត្រឹមតែស្មើប៉ុណ្ណោះក្នុងការប្រកួតចុងក្រោយនៃពូល G ពានរង្វាន់ AFC Cup 2022 ទល់នឹងក្លិប Kedah Darul Aman FC របស់ម៉ាឡេស៊ី នាល្ងាចថ្ងៃទី៣០ ខែមិថុនា ឆ្នាំ២០២២ ដើម្បីបានកៅអីឡើងវគ្គពាក់កណ្ដាលផ្ដាច់ព្រ័ត្រ បន្ទាប់ពីនាំមុខក្រុមលេខ២ Bali United និង Kedah ៣ពិន្ទុដូចគ្នា។
ចំពោះការប្រកួតដ៏សំខាន់នេះ សារ ទី បានប្រាប់ ‘កម្ពុជាថ្មី’ ដូច្នេះថា៖ «សម្រាប់ការប្រកួតនេះទាំងថ្នាក់ដឹកនាំ ទាំងគ្រូ ទាំងកីឡាករទាំងអស់ យើងប្តេជ្ញាថានឹងយកឈ្នះឲ្យបាន។»
«វាជាការប្រកួតមួយដែលសំខាន់មែនទែន ដែលយើងត្រូវយកឈ្នះដើម្បីឈរលេខ១ ក្នុងពូល។ វាជាប្រកួតមួយដូចជាវគ្គផ្ដាច់ព្រ័ត្រអ៊ីចឹង។» សារ ទី បានបន្ថែម។
គួររំឮកថា សារ ទី បានបង្ហាញខ្លួនក្នុងព្រឹត្តិការណ៍ AFC Cup ២ប្រកួតរួចមកហើយ និងថែមទាំងរកគ្រាប់បាល់បាន ១គ្រាប់ទល់នឹង Kaya FC ដែលពេលនោះឈ្នះ ២-១ និងជួយឲ្យក្លិបទទួលបានលទ្ធផលឈ្នះទាំង ២ប្រកួត នាមជាកីឡាករបម្រុងក៏ដោយ។
បញ្ជាក់ថា ប្រសិនបើ វិសាខា ឈ្នះ ឬស្មើ Kedah យប់ម៉ោង៨៖០០នេះ គេនឹងបានឡើងទៅវគ្គពាក់កណ្ដាលផ្ដាច់ព្រ័ត្រ ប្រចាំតំបន់អាស៊ាន (ASEAN Zonal semi-finals) ដែលជាក្រុមដំបូងគេរបស់កម្ពុជា បានឡើងវគ្គនេះ៕
អត្ថបទ ៖ មន្នីរ័ត្ន
-
សេដ្ឋកិច្ច៦ ថ្ងៃ ago
ធនាគារ SinoPac ទិញយកគ្រឹះស្ថានមីក្រូហិរញ្ញវត្ថុអម្រឹតក្នុងទឹកប្រាក់ជាង៥០០លានដុល្លារ
-
ជីវិតកម្សាន្ដ១ សប្តាហ៍ ago
ក្រោយលែងលះ តារាហុងកុង Roger សល់ទ្រព្យ ១១ លានដុល្លារ ខណៈអតីតភរិយាចុះចេញតែខ្លួន
-
សេដ្ឋកិច្ច៣ ថ្ងៃ ago
គម្រោងសាងសង់ស្ពានតភ្ជាប់ពីខេត្តកំពង់ឆ្នាំង-កំពង់ធំ កំពុងរង់ចាំថវិកាពីចិន
-
ជីវិតកម្សាន្ដ១ សប្តាហ៍ ago
សារព័ត៌មានកូរ៉េលើកហេតុផល គ្មានអ្នកហ៊ានពហិការ ក្រោយ Lisa បង្ហាញស្នេហាជាមួយកូនសេដ្ឋី LV
-
ព័ត៌មានអន្ដរជាតិ៧ ថ្ងៃ ago
វិមានសេដ្ឋីកាស៊ីណូ ហុងកុង ធ្លាប់រស់ជាមួយភរិយាទីមួយ ដាក់លក់តម្លៃ ៣៨៣លានដុល្លារ ក្នុងន័យចែកទ្រព្យ
-
ព័ត៌មានជាតិ១ សប្តាហ៍ ago
ស្រុកចំនួន ៣ ក្នុងខេត្តបាត់ដំបងមានប្រភពទឹកធម្មជាតិទាក់ទាញទេសចរច្រើនជាងគេ
-
ព័ត៌មានអន្ដរជាតិ២ ថ្ងៃ ago
រុស្ស៊ី ផ្ទុះការវាយលុកដំណាក់កាលថ្មីលើ អ៊ុយក្រែន ប្រើទាំងរថពាសដែក ទម្លាក់គ្រាប់បែក និងបាញ់កាំភ្លើងធំ
-
សន្តិសុខសង្គម៦ ថ្ងៃ ago
ព័ត៌មានបឋម៖ អគ្គិភ័យកំពុងឆេះស្ថានីយប្រេងឥន្ធនៈនៅខេត្តព្រះវិហារ(មានវីដេអូ)