កីឡា

ក្រុមបាល់បោះពិការជិះរទេះនារីកម្ពុជាសង្ឃឹមឈ្នះថៃថ្ងៃស្អែក

បានផុស

៣ years មុន

នៅ

ថ្ងៃសៅរ៍ ៣០ កក្កដា ២០២២

ដោយ

ប្រធានក្រុមកីឡាបាល់បោះពិការជិះរទេះនារីកម្ពុជា អាន ស៊ីណែត សង្ឃឹមឈ្នះក្រុមនារីថៃ នៅព្រឹត្តិការណ៍អាស៊ានប៉ារ៉ាហ្គេម លើកទី១១ ឆ្នាំ២០២២ ទីក្រុងសូឡូ ប្រទេសឥណ្ឌូនេស៊ី បន្ទាប់ពីទទួលបានជ័យជម្នះលើក្រុមនារីឡាវ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាការិនី អាន ស៊ីណែត បាននិយាយថា ៖«ខ្ញុំមានអារម្មណ៍សប្បាយចិត្តយ៉ាងខ្លាំង។ មុនដំបូង យើងបានស្ទាបស្ទង់សិន ដល់ពេលចុះសម្រុកទៅ ឃើញថា យើងធ្វើបានល្អ»។

ប្រធានក្រុមរូបនេះបាននិយាយថា ៖«ក្រុមនារីថៃ និងហ្វីលីពីន មើលទៅកម្រិតសមត្ថភាពរបស់ពួកគេ យើងអាចសង្ឃឹមយកឈ្នះបាន។ សមត្ថភាពរបស់ថៃប្រហាក់ប្រហែលនឹងយើងដែរ។ ចាំមើលស្អែកប្រកួតជាក់ស្តែង យើងដឹងហើយ។ ខ្ញុំរំពឹងថា ស្អែកនឹងនឹងឈ្នះថៃ។ បើក្រុមនារីហ្វីលីពីនវិញ យើងអាចស៊ីបាន ប៉ុន្តែគ្រាន់តែថា នឹងខំប្រឹងអស់ពីសមត្ថភាព»។

៖«ខ្ញុំសង្ឃឹមថា អាចនឹងឈ្នះមេដាយមាស។ ខ្លួនខ្ញុំផ្ទាល់ក៏ដូចជាក្រុមទាំងមូលនឹងខំប្រឹងឲ្យអស់ពីសមត្ថភាពនៅថ្ងៃស្អែកដើម្បីយកជ័យជម្នះជូនជាតិមាតុភូមិ»។

ប្រភេទកីឡាបាល់បោះពិការជិះរទេះនារីនេះមានប្រទេស៤ចូលរួមប្រកួតគឺកម្ពុជា ឡាវ ហ្វីលីពីន និងថៃ។ ការប្រកួតដំណាក់កាលទី១វិលជុំសន្សំពិន្ទុពោលគឺក្រុមទាំង៤ត្រូវប៉ះគ្នាទាំងអស់។ បន្ទាប់មក ក្រុមលេខ១ត្រូវប្រកួតជាមួយក្រុមលេខ២ដើម្បីដណ្តើមមេដាយមាស និងក្រុមលេខ៣ត្រូវប្រកួតជាមួយក្រុមលេខ៤ដើម្បីដណ្តើមមេដាយសំរឹទ្ធ។ កាលពីព្រឹកមិញនេះ ក្រុមនារីកម្ពុជាបានប្រកួតឈ្នះក្រុមនារីឡាវដោយលទ្ធផល ១១-៥ សម្រាប់វិញ្ញាសានារី៣ទល់៣ ខណៈក្រុមនារីថៃបានឈ្នះក្រុមនារីហ្វីលីពីនដោយលទ្ធផលតដៃមិនរួច១១-០។ ការប្រកួតសន្សំពិន្ទុបន្ទាប់ ក្រុមនារីកម្ពុជាត្រូវជួបក្រុមនារីថៃ និងហ្វីលីពីន នៅថ្ងៃទី៣១ ខែកក្កដា ឆ្នាំ២០២២៕

អត្ថបទ៖ វីរបុត្រ

Related Topics: