កីឡា

សហព័ន្ធចេញបញ្ជីឈ្មោះកីឡាករ U-22 កម្ពុជា ៣០ នាក់ ចូលហ្វឹកហាត់ត្រៀមស៊ីហ្គេម ២០២៣

បានផុស

២ សប្តាហ៍ មុន

នៅ

ថ្ងៃចន្ទ ២០ កុម្ភៈ ២០២៣

ដោយ

សហព័ន្ធកីឡាបាល់ទាត់កម្ពុជា បានធ្វើការកោះហៅកីឡាករ ចំនួន ៣០ នាក់ ចូលក្រុមជម្រើសជាតិអាយុក្រោម ២២ ឆ្នាំ (U-22) ដើម្បីចូលរួមបោះជំរំហ្វឹកហាត់ត្រៀមប្រកួតព្រឹត្តិការណ៍កីឡាអាស៊ីអាគ្នេយ៍ លើកទី ៣២ ឆ្នាំ ២០២៣ ដែលគ្រោងធ្វើនៅខែឧសភាខាងមុខនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករទាំង ៣០ នាក់ មានមកពីក្លិបចំនួន ១០ នៃលីគកំពូល និងលីគទី ២ កម្ពុជា រួមមាន វិសាខា ៥ នាក់, ភ្នំពេញក្រោន ៣ នាក់, បឹងកេត ៥ នាក់, ព្រះខ័នរាជស្វាយរៀង ៦ នាក់, ណាហ្គាវើលដ៍ ៤ នាក់, សមាគមកីឡាបាល់ទាត់ ខ.ភ.ម ២ នាក់, អង្គរថាយហ្គឺ ១ នាក់, សូលទីឡូអង្គរ ១ នាក់, អគ្គិសនីកម្ពុជា ១ នាក់ និងព្រៃវែង ១ នាក់។

បញ្ជីឈ្មោះមានដូចខាងក្រោម ៖

កីឡាករទាំង ៣០ រូប នឹងចាប់ផ្ដើមហ្វឹកហាត់ពីថ្ងៃទី ២៧ ខែកុម្ភៈ ឆ្នាំ ២០២២ តទៅ ដល់ថ្ងៃទី ១៥ ខែមិនា សម្រាប់ដំណាក់កាលទី ១ ដើម្បីប្រកួតក្នុងកីឡាអាស៊ីអាគ្នេយ៍ ពីថ្ងៃទី ០៥ ខែឧសភា ដល់ថ្ងៃទី ១៧ ខែឧសភា ឆ្នាំ ២០២៣។

បញ្ជាក់ថា លើកទី ៣២ ដែលកម្ពុជាធ្វើជាម្ចាស់ផ្ទះ នឹងចាប់ផ្ដើមពីថ្ងៃទី ០៥ ដល់ថ្ងៃទី ១៧ ខែឧសភា ឆ្នាំ ២០២៣។ សម្រាប់ប្រភេទកីឡាបាល់ទាត់ នឹងចាប់ផ្ដើមមុនពិធីបើក ៦ ថ្ងៃ ដោយសារត្រូវប្រកួតយូរថ្ងៃ ពោលគឺនឹងប្រកួតពីថ្ងៃទី ២៩ ខែមេសា ឆ្នាំ ២០២៣៕

អត្ថបទ ៖ មន្នីរ័ត្ន