កីឡា
គន្លឹះខាន់៤រវាងជំនួបខ្សែក្រវាត់ Adriano ប៉ះ Johnson ដើម្បីឈ្នះរៀងៗខ្លួន
ទីបំផុតការទន្ទឹងរង់ចាំបានមកដល់ហើយសម្រាប់ជំនួបដណ្តើមខ្សែក្រវាត់ពិភពលោករវាង Adriano Moraes និង Demmetrious Johnson នៅព្រឹត្តិការណ៍ ONE on TNT I ថ្ងៃព្រហ្បតិ៍ ទី៨ ខែមេសា វេលាម៉ោង៧:៣០នាទីព្រឹក។
ជំនួបនេះមានគន្លឹះសំខាន់៤ដែលម្នាក់ៗមានអាចយកឈ្នះរៀងៗខ្លួន។ ទី១៖ DJ មានកម្លាំងវ៉ៃសកម្មគ្រប់៥ទឹកមិនចេះអស់ក្រៅពីបច្ចេកទេសច្បាស់ៗ Johnson នឹងមានអត្រាបំលាស់ទីលឿនជាងអធិរាជសង្វៀន។ ម្ចាស់ខ្សែក្រវាត់ពិភពលោក ONE Flyweight World Grand Prix Champion ល្បីល្បាញខាងសកម្មខ្លាំងនៅលើសង្វៀន បើទោះជាវ៉ៃ៥ទឹកពេញក៏មិនចេះស្ងប់ស្ងាត់ដែរ។
ការវ៉ៃសកម្មខ្លាំងពេញ៥ទឹកហាក់ដូចជារឿងធម្មតាសម្រាប់ Johnson ពីព្រោះគាត់ធ្លាប់វ៉ៃខ្សែក្រវាត់ដែលមាន៥ទឹករហូតដល់១០ដងឯណោះ ដូច្នេះជារឿងសាមញ្ញសម្រាប់គាត់ទៅហើយ។
អ្នកវិភាគនិយាយថា កម្លាំងស៊ុហ្វរហ័សយ៉ាងសកម្មអាចជាសម្ពាធធ្ងន់លើម្ចាស់ខ្សែក្រវាត់ដែលខានឡើងសង្វៀនយូរ បើទោះជាវ័យក្មេងជាង Johnson ក៏ដោយ។
ទី១៖«ខ្ញុំនឹងព្យាយាមធ្វើឲ្យល្អបំផុតដើម្បីឲ្យប្រាកដថា នឹងធ្វើឲ្យដៃគូរបស់ខ្ញុំវេទនាតាមក្បាច់ខ្ញុំគ្រប់នាទី»។
ទី២៖ Moraes មានអាវុធវ៉ៃចេញបានឆ្ងាយ
Moraes ត្រូវបានអ្នកវិភាគមើលឃើញថា ចំណុចមានប្រៀបគឺអាវុធដៃ និងជើង ដោយសាររូបគេមានកម្ពស់ខ្ពស់ជាង។ រូបគេនឹងព្យាយាមវ៉ៃជំហរឈរពីចម្ងាយដែលនឹងធ្វើឲ្យដៃគូពិបាកខ្លាំង។
តាមពិតទៅ ថ្វីបើរូបគេមានកណ្តាប់ដៃ និងទាត់ជាចំណុចមានប្រៀបខ្លាំង ប៉ុន្តែរូបគេក៏មិនចាញ់ប្រៀបក្បាច់ក្រោមប៉ុន្មានឡើយ។ រូបគេជាជើងខ្លាំងជំនាញជឺជីតស៊ូម្នាក់ដែលមានខ្សែក្រវាត់ខ្មៅដូច្នេះគេអាចកំដដៃគូលេងបានសម្រាប់ក្បាច់ក្រោម។
ទី៣៖ DJ ប្រើប្រាជ្ញាលើសង្វៀន
Johnson ជាជើងខ្លាំងចាស់វស្សាសំបូរបទពិសោធន៍ច្រើនលើសង្វៀនពិភពលោក និងត្រូវបានគេដឹងថា គាត់មានជំនាញគុនចម្រុះសំបូរបែបជាង “Mikinho’” ហើយក៏មានល្បឿនលឿនថែមទៀត។
កីឡាករអាមេរិករូបនេះបានដឹងក្បាច់ដៃគូរួចជាមុន និងរើសបម្រះបានលឿនជាងដៃគូ។ គេតែងតែឃើញថា ដៃគូឃើញចន្លោះប្រហោង ប៉ុន្តែមិនទាន់នឹងក្តោបយកឱកាសទាំងនោះផង ត្រូវបាន Johnson រើបម្រះចេញបាន។
គេអាចនិយាយបានថា កីឡាករម្នាក់តែងតែប្រើប្រាជ្ញានៅក្នុងជំនាញគុនចម្រុះដែលកម្រមានដៃគូណាម្នាក់ចាប់រូបគេបានណាស់។ DJ ពិតជាជឿជាក់លើសមត្ថភាពរបស់ខ្លួនណាស់រាល់ការប្រកួតម្តង។
ទី៤៖ Mikinho ពូកែក្បាច់ពស់
ដូចគេនិយាយតៗគ្នាអីចឹង កីឡាករប្រេស៊ីលកម្រមើលទៅមានក្បាច់មិនស្រួលលើឆាកអន្តរជាតិណាស់។ បើទោះជាគាត់កម្រផ្តួលដៃគូ ប៉ុន្តែគ្រប់ការប្រកួតឈ្នះលើសលប់។
កីឡាករប្រេស៊ីលរូបនេះពូកែក្បាច់លូន និងដោះខ្លួនណាស់ ជាពិសេសក្បាច់អោបពីក្រោយ ហើយរកចន្លោះសម្លាប់ដៃគូវិញ។ ជាពិសេសរូបគេក៏មានចលនាលឿនចេញពីក្រោមឡើងលើដែលកម្រមានដៃគូណាម្នាក់មានឱកាសកៀបសង្កត់រូបគេជាប់ណាស់។
ដោយសារជំនាញនេះហើយទើបគេហៅថា Adriano ជាពស់ពិឃាតដែលយកឈ្នះដៃគូជាច្រើននាក់ហើយ៕
ដោយ ៖ កម្ពុជាថ្មី
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ