បច្ចេកវិទ្យា
អាមេរិក ជំរុញ កូរ៉េខាងត្បូង កុំឲ្យលក់បន្ទះឈីបទៅ ចិន
កាសែត Financial Times បានរាយការណ៍កាលពីថ្ងៃអាទិត្យថា សហរដ្ឋអាមេរិកបានស្នើឲ្យកូរ៉េខាងត្បូងជំរុញក្រុមហ៊ុនផលិតបន្ទះឈីបរបស់ខ្លួនកុំឲ្យបំពេញចន្លោះទីផ្សារណាមួយនៅក្នុងប្រទេសចិន ប្រសិនបើទីក្រុងប៉េកាំងហាមឃាត់ការលក់បន្ទះឈីបរបស់ក្រុមហ៊ុន Micron Technology Inc ។
ទីក្រុងវ៉ាស៊ីនតោនបានស្នើឲ្យក្រុងសេអ៊ូលលើកទឹកចិត្តដល់ក្រុមហ៊ុន Samsung Electronics និង SK Hynix ឲ្យផ្អាកការលក់ទំនិញទៅកាន់ចិន ប្រសិនបើក្រុមហ៊ុន Micron ត្រូវបានហាមឃាត់ដោយក្រុងប៉េកាំង ។
ពាក់ព័ន្ធនឹងបញ្ហានេះដែរ និយតករពិភពទំនាក់ទំនងចិន Cyberspace បាននិយាយកាលពីខែមីនាថា នឹងធ្វើការត្រួតពិនិត្យសុវត្ថិភាពនៃផលិតផលរបស់ក្រុមហ៊ុន Micron ដែលបានលក់នៅក្នុងប្រទេស ខណៈក្រុមហ៊ុនផលិតបន្ទះឈីបមួយនេះក៏បានឲ្យដឹងដែរថា ខ្លួនកំពុងសហការជាមួយរដ្ឋាភិបាល ហើយប្រតិបត្តិការនៅក្នុងប្រទេសចិន គឺកំពុងដំណើរការធម្មតា ។
ទោះជាយ៉ាងណា សេតវិមានមិនបានធ្វើអត្ថាធិប្បាយលើរបាយការណ៍នេះនោះទេ ប៉ុន្តែបានលើកឡើងថា រដ្ឋបាលលោក Joe Biden និងលោក Yoon Suk Yeol បានខិតខំប្រឹងប្រែងសម្របសម្រួលការវិនិយោគក្នុងផលិតផលបន្ទះឈីប (Semiconductor) ដើម្បីធានាសុវត្ថិភាពបច្ចេកវិទ្យាសំខាន់ៗ និងដោះស្រាយការដាក់កំហិតសេដ្ឋកិច្ចជាដើម ។
គួរបញ្ជាក់ថា ក្នុងបញ្ហាជាមួយចិននេះដែរ, រដ្ឋបាលលោក Biden បានហាមឃាត់យ៉ាងតឹងរ៉ឹងមិនឲ្យក្រុមហ៊ុនអាមេរិកលក់បន្ទះឈីបដល់ចិនឡើយ ដោយបារម្ភខ្លាចចិនយកទៅអភិវឌ្ឍន៍កម្មវិធីយោធា ។ លើសពីនេះ អាមេរិកក៏បានចុះបញ្ជីខ្មៅលើក្រុមហ៊ុនបច្ចេកវិទ្យាចិនមួយចំនួន ដូចជា Yangtze Memory Technologies Co Ltd ជាដើម ៕
ប្រែសម្រួលដោយ ៖ នាង រតនៈ
ប្រភព ៖ CNA
ចុចអាន ៖ អតីតឧត្តមសេនីយ៍ អាមេរិក ថា រដ្ឋបាលលោក បៃដិន គួរតែស្ដាប់សត្រូវ ដូចជា ចិន និងរុស្ស៊ី
-
ព័ត៌មានអន្ដរជាតិ៥ ថ្ងៃ ago
ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?
-
ជីវិតកម្សាន្ដ៤ ថ្ងៃ ago
លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស សុំឲ្យគ្រប់គ្នាអហោសិកម្ម
-
ចរាចរណ៍៥ ថ្ងៃ ago
ករណីបុករះស្លាប់៤នាក់នៅស្ពានអាកាសឫស្សីកែវ មានម្នាក់ជានិស្សិតពូកែជំនាញស្ថាបត្យកម្ម និងនគរូបនីយវិទ្យា
-
ព័ត៌មានអន្ដរជាតិ៣ ថ្ងៃ ago
យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន
-
ព័ត៌មានជាតិ៦ ថ្ងៃ ago
គម្រោងទឹកស្អាតធំបំផុតចាយទុនជាង ១០០ លានដុល្លារនៅបាក់ខែង គ្រោងចាប់ផ្តើមសាងសង់
-
ព័ត៌មានជាតិ២ ថ្ងៃ ago
មន្រ្តីក្រសួងបកស្រាយវីដេអូរថភ្លើងបើកលើផ្លូវជាតិ ពលរដ្ឋសង្ស័យបើកខុសបច្ចេកទេស
-
ព័ត៌មានជាតិ៦ ថ្ងៃ ago
ទឹកស្ទឹងសង្កែខាងក្រោមទំនប់សាលាតាអន រីងគោក ពលរដ្ឋប្រឈមការដឹកជញ្ជូនបើកបរកាណូតមិនបាន
-
ព័ត៌មានជាតិ១ សប្តាហ៍ ago
ក្រុមហ៊ុនឡូជីស្ទីកលំដាប់ពិភពលោក មានកប៉ាល់ដឹកទំនិញជាង៦០០ គ្រោងពង្រីកការវិនិយោគនៅកម្ពុជាបន្ថែម