ការអនុវត្តច្បាប់ចរាចរណ៍ផ្លូវគោក​ រយៈពេល ២៤ថ្ងៃ រកឃើញយានយន្តល្មើសជាង ៧ពាន់គ្រឿង

តាមរបាយការណ៍ពីនាយកដ្ឋាននគរបាលចរាចរណ៍ និងសណ្តាប់ធ្នាប់សាធារណៈ ស្តីពីការរឹតបន្តឹងច្បាប់ស្តីពីចរាចរណ៍ផ្លូវគោក បានឱ្យដឹងថា ការអនុវត្តច្បាប់ចរាចរណ៍ផ្លូវគោក​ រយៈពេល ២៤ថ្ងៃ រកឃើញយានយន្តល្មើសសរុប ៧ ៧០៩គ្រឿង។

បើតាមរបាយការណ៍ នៅថ្ងៃទី២៤ ខែឧសភា ឆ្នាំ២០២៤ ចំនួនគោលដៅសរុប ៤៥គោលដៅ មានយានយន្តចូលគោលដៅចំនួន ៤៧១គ្រឿង រថយន្តធំ ៣០គ្រឿង រថយន្តតូច ១៦៨គ្រឿង និងម៉ូតូ ២៧៣គ្រឿង។ ក្នុងនោះ រកឃើញយានយន្តល្មើសសរុបចំនួន ៣១៤គ្រឿង  រថយន្តធំ ៥គ្រឿង រថយន្តតូច ១១២គ្រឿង និងម៉ូតូចំនួន ១៩៧គ្រឿង ត្រូវបានផាកពិន័យតាមអនុក្រឹត្យលេខ ៣៩.អនក្រ.បក នៅទូទាំងប្រទេស។

ចំណែក លទ្ធផលរយៈពេល ២៤ថ្ងៃ គិតចាប់ពីថ្ងៃទី១-២៤ ខែឧសភា ឆ្នាំ២០២៤ យានយន្តចូលគោលដៅចំនួន ៩ ០៥៦គ្រឿង រថយន្តធំ ១៧២គ្រឿង រថយន្តតូច ២ ៥២០គ្រឿង ម៉ូតូ ៦ ៣៦៤គ្រឿង។ ក្នុងនោះ រកឃើញយានយន្តល្មើសសរុបចំនួន ៧ ៧០៩គ្រឿង មានរថយន្តធំ ៧៥គ្រឿងរថយន្តតូច ២ ០៣៧គ្រឿង និងម៉ូតូ ៥ ៥៩៧គ្រឿង ត្រូវបានផាកពិន័យតាមអនុក្រឹត្យ លេខ ៣៩.អនក្រ.បក នៅទូទាំងប្រទេស។

របាយការណ៍ដដែល បានវាយតម្លៃថា ការអនុវត្តតាមអនុក្រឹត្យថ្មី ក្នុងការផាកពិន័យយានយន្តល្មើសបានដំណើរការទៅយ៉ាងល្អប្រសើរទទួលបានការគាំទ្រ ពិសេសអ្នកប្រើប្រាស់ផ្លូវទាំងអស់ បានចូលរួមគោរពច្បាប់ចរាចរណ៍យ៉ាងល្អប្រសើរ៕