អតីតនាយករដ្ឋមន្រ្តីកម្ពុជា បង្ហាញ​កម្មវិធី​បណ្តាញ​សង្គមថ្មី ​អភិវឌ្ឍ​ដោយអ្នកជំនាញខ្មែរ មាន​មុខងារ និង​សុវត្ថិភាពខ្ពស់

អតីតនាយករដ្ឋមន្រ្តីកម្ពុជា សម្តេចតេជោ ហ៊ុន សែន បាន​បង្ហាញ​កម្មវិធី​បណ្តាញ​ទំនាក់ទំនង​សង្គម​ថ្មី​មួយដែលអភិវឌ្ឍ​ដោយ​អ្នកជំនាញខ្មែរ ដែលមានលក្ខណៈស្តង់ដារបរទេស​រួមទាំងមុខងារ​ប្រើប្រាស់​ប្រកប​ដោយ​​សុវត្ថិភាព​ខ្ពស់។

CoolApp ជាបណ្តាញទំនាក់ទំនងសង្គម Chat លើកដំបូងរបស់កម្ពុជា ដែលមានលក្ខណៈស្តង់ដារបរទេសដូច Telegram និង WhatsApp បច្ចុប្បន្នបានដាក់ដំណើរការនៅលើ​ App Store និង Play Store។ នេះបើតាម​សម្តេចតេជោ ហ៊ុន សែន​ រៀបរាប់ពី​កម្មវិធី​ CoolApp ​អភិវឌ្ឍ​ដោយ​អ្នកជំនាញខ្មែរដែលទើបចេញរូបរាងនៅពេលនេះ។

CoolApp មានលក្ខណៈស្តង់ដារដូចអន្តរជាតិ ធ្វើឡើងដោយក្រុមអ្នក​បច្ចេកទេសខ្មែរជាច្រើននាក់ ដែលជាអ្នកជំនាញផ្នែកបច្ចេកវិទ្យា IT។ កម្មវិធីទំនាក់ទំនងឆាត CoolApp នេះ ចំណាយពេលជាង ៣ ឆ្នាំ ចាប់តាំងពីឆ្នាំ ២០២១ មកដល់ឆ្នាំ ២០២៤នេះ។

CoolApp មានមុខងារជាច្រើនរួមមាន Chat និង Call និង Video Call ដោយប្រើប្រាស់តាមស្តង់ដារអន្តរជាតិ ទិន្នន័យ Data និង Call ស្ថិតក្នុងលក្ខណៈ Encryption និងសុវត្ថិភាពទាំងអស់ ដោយប្រើប្រាស់ប្រព័ន្ធ Internet Local (Dix) ដែលធ្វើឲ្យ Call ស្តាប់សំឡេងច្បាស់ និង Chat ផ្ញើរូបភាព វិដេអូ មានភាពរហ័ស ព្រោះ Internet មិនចេញទៅក្រៅប្រទេស។

បណ្តាញទំនាក់ទំនងសង្គមឆាត CoolApp ជាមោទនភាពរបស់ជាតិ ដែលជា​កម្មវិធីដំបូងជារបស់ខ្មែរ និងប្រើប្រាស់ក្នុងដែនសុវត្ថិភាពរបស់ខ្មែរ។ សម្តេច​តេជោ​បន្ថែម។

ទាញយកសម្រាប់អ្នកប្រើប្រាស់ឧកបរណ៍ខាងក្រោម៖

1. iOS version (iPhone & iPad)

2. Android version

3. Desktop version

4. Mac iOS