ព័ត៌មានជាតិ
បច្ចេកវិទ្យាគមនាគមន៍មិនអាចខ្វះបាន ចំពេលកម្ពុជាបម្លែងខ្លួនទៅជាសេដ្ឋកិច្ចឌីជីថល
រដ្ឋលេខាធិការក្រសួងប្រៃសណីយ៍ និងទូរគមនាគមន៍ខេត្តសៀមរាប លោក ខាយ ឃុនហេង បានលើកឡើងថា បច្ចុប្បន្ននេះបច្ចេកវិទ្យាគមនាគមន៍ និងព័ត៌មាន នៅតែបន្តជាចលករសំខាន់មួយ រហូតដល់ថ្ងៃអនាគត ព្រោះការរីកចម្រើននៃវិស័យគមនាគមន៍នេះ គឺស្របពេលដែលកម្ពុជាបានកំពុងប្រឹងប្រែងបម្លែងខ្លួនឯងទៅជាសេដ្ឋកិច្ចឌីជីថល។
នៅក្នុងវគ្គបណ្ដុះបណ្ដាលពង្រឹងសមត្ថភាពមន្ត្រីរាជការរបស់មន្ទីរប្រៃសណីយ៍និងទូរគមនាគមន៍នាថ្ងៃទី២៥ ខែមេសា ឆ្នាំ២០២៣ នៅខេត្តសៀមរាប ថ្លែងឡើងចំពោះមុខមន្ត្រីប្រមាណជា ១៤ ខេត្ត លោក ខាយ ឃុនហេង បានមានប្រសាសន៍ថា រាជរដ្ឋាភិបាលកម្ពុជាបានទទួលស្គាល់នូវការរីកចំរើនដ៏ខ្លាំងក្លានៃបច្ចេកវិទ្យា ក៏ដូចជាការវិវឌ្ឍនៃទីផ្សារនិងសេដ្ឋកិច្ចនៅក្នុងវិស័យបច្ចេកវិទ្យាគមនាគមន៍ និងព័ត៌មាន ដែលបានជំរុញនូវផលិតភាព ដែលអាចធ្វើឱ្យប្រសើរឡើងនូវការរស់នៅរបស់ប្រជាជនកម្ពុជា។
បើទោះបីជាបច្ចុប្បន្ននេះ សកលលោកបានកំពុងរងការគំរាមកំហែងតាមប្រព័ន្ធអ៊ីនធឺណិតកាន់តែមានភាពស្មុគស្មាញ ហើយប៉ះពាល់កាន់តែធ្ងន់ធ្ងរ និងមិនមាននរណាម្នាក់អាចគេចផុតពីការវាយប្រហារតាមប្រព័ន្ធអ៊ីនធឺណិតបានឡើយ ដូច្នេះ ធនធានមនុស្សដែលមានសមត្ថភាពនាពេលនេះត្រូវប្រឹងប្រែងធ្វើយ៉ាងណាឱ្យកាន់តែមានភាពប្រសើរឡើង ដើម្បីឆ្លើយតបទៅនឹងហានិភ័យដែលកំពុងកើតមានកាន់តែច្រើននៅលើអ៊ីនធឺណិតក្នុងពេលបច្ចុប្បន្ន។
ជាមួយគ្នានោះ លោក យុន លីនណេ អភិបាលរងខេត្តសៀមរាបបានគូសបញ្ជាក់ថា វិស័យប្រៃសណីយ៍ និងទូរគមនាគមន៍ក្នុងខេត្ត មានការរីកចម្រើនគួរឱ្យកត់សម្គាល់ នឹងជាវិស័យមួយដ៏សំខាន់មិនអាចខ្វះបាន ហើយក៏ជាចលករដើម្បីឈានទៅរដ្ឋាភិបាលឌីជីថលផងដែរ។
ចំពោះ វិស័យសេវាទូរស័ព្ទមានវិសាលភាពគ្របដណ្ដប់ទូទាំងខេត្តសៀមរាប ក្នុងនោះសេវាទូរស័ព្ទ និងអ៊ីនធឺណិត ក៏ទទួលបានការគាំទ្រពីមជ្ឈដ្ឋានប្រជាពលរដ្ឋទូទៅ ដោយនៅក្នុងក្រុងសៀមរាបខ្សែអ៊ីនធឺណិតបានដាក់ចូលក្នុងបំពង់ក្រោមដីនៅលើផ្លូវសំខាន់ៗ។
យ៉ាងណាលោកអភិបាលរងខេត្តសៀមរាបបានលើកឡើងនៅការខ្វះចន្លោះនៃប្រព័ន្ធគ្រប់ដណ្ដប់លើសេវាទូរស័ព្ទ នៅតាមតំបន់មួយចំនួនក្នុងខេត្តសៀមរាប ដែលពុំទាន់មានសេវាទូរស័ព្ទ និងអ៊ីនធឺណិតគ្រប់គ្រាន់ គឺផ្នែកខ្លះនៃស្រុកនិងតំបន់ទេសចរណ៍ ដោយខេត្តសៀមរាប ជាគោលដៅទេសចរណ៍ដ៍សំខាន់ក្នុងចំណោមខេត្តនានានឹងស្របពេល ដែលបច្ចេកវិទ្យាមានការរីកចំរើនសេវាទូរស័ព្ទ និងសេវាអ៉ីនធឺណេតពិតជាមានសារសំខាន់មិនអាចខ្វះបាន៕
-
ព័ត៌មានអន្ដរជាតិ៥ ថ្ងៃ ago
ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?
-
ចរាចរណ៍៤ ថ្ងៃ ago
ករណីបុករះស្លាប់៤នាក់នៅស្ពានអាកាសឫស្សីកែវ មានម្នាក់ជានិស្សិតពូកែជំនាញស្ថាបត្យកម្ម និងនគរូបនីយវិទ្យា
-
ជីវិតកម្សាន្ដ៣ ថ្ងៃ ago
លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស សុំឲ្យគ្រប់គ្នាអហោសិកម្ម
-
ព័ត៌មានអន្ដរជាតិ៣ ថ្ងៃ ago
យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន
-
ព័ត៌មានជាតិ៥ ថ្ងៃ ago
គម្រោងទឹកស្អាតធំបំផុតចាយទុនជាង ១០០ លានដុល្លារនៅបាក់ខែង គ្រោងចាប់ផ្តើមសាងសង់
-
ព័ត៌មានជាតិ១ សប្តាហ៍ ago
ក្រុមហ៊ុនស្វីសមួយ សន្យានាំយកបច្ចេកវិទ្យាទំនើបឈានមុខគេ ដើម្បីចូលរួមអភិវឌ្ឍវិស័យកសិកម្មកម្ពុជា
-
ព័ត៌មានជាតិ៥ ថ្ងៃ ago
ទឹកស្ទឹងសង្កែខាងក្រោមទំនប់សាលាតាអន រីងគោក ពលរដ្ឋប្រឈមការដឹកជញ្ជូនបើកបរកាណូតមិនបាន
-
ព័ត៌មានជាតិ២ ថ្ងៃ ago
មន្រ្តីក្រសួងបកស្រាយវីដេអូរថភ្លើងបើកលើផ្លូវជាតិ ពលរដ្ឋសង្ស័យបើកខុសបច្ចេកទេស