Connect with us

ចរាចរណ៍

ម្ចាស់ហ្វេសប៊ុកមួយទម្លាយពីការលាក់បាំងព័ត៌មាននៃការក្រឡាប់រថយន្តសង្គ្រោះរបស់មន្ទីរពេទ្យបង្អែកខេត្តរតនគិរី បណ្ដាលឲ្យគ្រូពេទ្យពីរនាក់របួសធ្ងន់

បានផុស

នៅ

យោងតាមគណនីហ្វេសប៊ុកឈ្មោះ គ្រួសារយើង បានសរសេរថា មានករណីបិទបាំងព័ត័មានក្នុងវិស័យសុខាភិបាល ខេត្តរតនគិរី ១-មានករណីគ្រោះថ្នាក់ចរាចរណ៍រថយន្តសង្គ្រោះបន្ទាន់នៃមន្ទីរពេទ្យបង្អែកខេត្តរតនគិរី កាលពីថ្ងៃទី៥ ខែឧសភា ឆ្នាំ២០២៤ នៅវេលាម៉ោង២១និង១៥នាទី ត្រង់ចំណុច អូរត្រាវ នៅតាមបណ្តោយផ្លូវជាតិលេខ៧៨ ស្ថិតក្នុងភូមិ ភ្នំ សង្កាត់យក្ខឡោម ក្រុងបានលុង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រភពអ្នកបើកបររថយន្ដសង្គ្រោះមានឈ្មោះ អ៊ន ប៊ុនហ៊ី បើកបរក្នុងស្ថានភាពស្រវឹង ទៅយកអ្នកជំងឺនៅមណ្ឌលសុខភាពសាមគ្គី ស្រុកអូរជុំ បង្កឲ្យមានការគ្រោះថ្នាក់ក្រឡាប់រថយន្តជាច្រើនត្រឡប់ បណ្តាលឲ្យរថយន្តមានការខូចខាតយ៉ាងដំណំ និងបណ្តាលឲ្យអ្នកគ្រូពេទ្យឆ្មបចំនួនពីរនាក់បានរងរបួសធ្ងន់។

អ្នកគ្រូពេទ្យឆ្មបដែលរងរបួសក្នុងហេតុការណ៍នេះមានឈ្មោះ ទូច លក្ខណា ភេទស្រី បុគ្គលិកផ្នែកសម្ភព និងរោគស្ត្រី បានបាក់ដើមដៃ និងផ្នែកដទៃទៀត នៃរាង្គកាយ។ ឈ្មោះ អ៊ង គឹមលី ភេទស្រី បាក់ឆ្អឹងដងកាំបិត និងផ្នែកដទៃទៀត នៃរាង្គកាយ ជាបុគ្គលិកផ្នែកសម្ភព និងរោគស្រ្តី ដោយសភាពអ្នកជំងឺធ្ងន់ធ្ងរពេក ជនរងគ្រោះម្នាក់ត្រូវបានដឹកបញ្ជូនទៅសង្គ្រោះបន្តនៅរាជធានីភ្នំពេញ។ និងម្នាក់ទៀតបញ្ជូនទៅសង្គ្រោះនៅគ្លីនិកឯកជនមួយក្នុងទីរួមខេត្តរតនគិរី ដោយលាក់បាំងមិនឲ្យបែកធ្លាយចេញមកខាងក្រៅ។

ម្ចាស់គណនីហ្វេសប៊ុកខាងលើបានបន្តថា លោក អ៊ន ប៊ុនហ៊ី ជាតៃកុងរថយន្តសង្គ្រោះ មុនទៅយកអ្នកជំងឺ ហើយក៏ត្រូវបានប្រធានមណ្ឌលសុខភាពហៅទូរស័ព្ទមក ស្នើសុំរថយន្ដសង្រ្គោះពីមន្ទីរពេទ្យបង្អែកខេត្ត ដើម្បីមកយកអ្នកជំងឺ សម្រាលកូនពុំរួច។ ភ្លាមនោះ លោក ណុប តាំងអូន ជាអនុប្រធានមន្ទីរពេទ្យ ក៏ចាត់ឲ្យលោក អ៊ន ប៊ុនហ៊ី ទៅយកអ្នកជំងឺទាំងខ្លួនស្រវឹងស្រាទៅហើយ។

ការបញ្ជាបែបនេះគឺជាកំហុសមួយធ្ងន់ធ្ងរណាស់ទៅហើយ កំហុសមួយទៀត ក្រោយពីដឹងថា រថយន្ដសង្គ្រោះក្រឡាប់ហើយនោះ គឺការបំបាត់ភស្តុតាងហើយបានជួលរថយន្ដស្ទូច ទៅស្ទូចយករថយន្ដសង្គ្រោះចេញពីកន្លែងកើតហេតុទាំងយប់​ ទៅលាក់ទុកនៅក្នុងយានដ្ឋានជួសជុលមួយកន្លែងក្នុងទីរួមខេត្ត ដោយពុំរំខានដល់សមត្ថកិច្ចជំនាញ អាជ្ញាធរមូលដ្ឋានដើម្បីធ្វើការវ៉ាស់វែង និងធ្វើកំណត់ហេតុឡើយ។

តាមម្ចាស់គណនីហ្វេសប៊ុកបន្ថែមថា ករណីនេះត្រូវធ្លាយព័ត៌មានដល់ថ្នាក់ដឹកនាំមន្ទីរសុខាភិបាលខេត្ត ក៏បានកោះហៅប្រជុំបន្ទាន់ និងសម្រេចបញ្ឈប់តៃកុងរថយន្ដនោះតែម្ដង ប៉ុន្តែត្រូវលោកវេជ្ជបណ្តិត អូន សាវុធ ប្រធានមន្ទីរពេទ្យបង្អែកខេត្តបដិសេធ។

លោកវេជ្ជបណ្ឌិត អូន សាវុធ ប្រធានមន្ទីរពេទ្យបង្អែកខេត្តរតនគីរី បានឲ្យ កម្ពុជាថ្មី ដឹងតាមប្រព័ន្ធតេលេក្រាមនៅព្រឹកថ្ងៃទី៤ មិថុនានេះថា ករណីគ្រោះថ្នាក់ចរាចរណ៍នេះពិតជាបានកើតឡើងមែន អំឡុងពេលបំពេញភារកិច្ចទៅយកអ្នកជំងឺមានផ្ទៃពោះ នៅមណ្ឌលសុខភាពសាមគ្គី កាលពីថ្ងៃទី៥ ខែឧសភា ឆ្នាំ២០២៤ វេលាម៉ោងប្រមាណ២០និង៣០នាទី
ក្រោយពេលកើតហេតុភ្លាមៗនោះ លោករួមជាមួយអនុប្រធានមន្ទីរពេទ្យម្នាក់ទៀត បានចុះទៅដល់កន្លែងកើតហេតុផ្ទាល់ ដើម្បីត្រួតពិនិត្យមើលពីស្ថានភាពជាក់ស្ដែង។ លោកមន្ថែមថា បន្ទាប់ពីទៅដល់ទីនោះយើងឃើញថា មានភ្លៀងរលឹម ងងឹត ផ្លូវរាងកោង និងមានស្ថានភាពរអិល ហើយនៅក្បែរចំណុចកើតហេតុនោះ ក៏មានរថយន្ដរបស់ក្រុមហ៊ុនមួយ ក្រឡាប់នៅជិតនោះផងដែរ។

លោកវេជ្ជបណ្ឌិត អូន សាវុធ បន្តថា មួយវិញទៀតលោកបានសង្កេតមើលពីសភាពរបស់អ្នកបើករថយន្ដសង្គ្រោះ មិនបានឃើញ ឬសំគាល់ថា គាត់ស្ថិតក្នុងស្ថានភាពស្រវឹងទេ ហើយករណីនេះថ្នាក់ដឹកនាំមន្ទីរពេទ្យបានរាយការណ៍ជូន ថ្នាក់ដឹកនាំមន្ទីរសុខាភិបាល និងថ្នាក់ដឹកនាំខេត្តភ្លាមៗរួចហើយដែរ។ ចំពោះអ្នកបើកបររថយន្ត អនុគណៈកម្មការវិន័យរបស់មន្ទីរពេទ្យ ក៏មានវិធានការរដ្ឋបាលរួចហើយផងដែរ ដោយឲ្យមកបំពេញការងារផ្នែកសន្តិសុខ និងអនាម័យ នៃមន្ទីរពេទ្យវិញ​ និងផ្អាកមិនឲ្យបើករបររថយន្តសង្រ្គោះទៀតឡើយ។

ទាក់ទិនករណីខាងលើនេះ​​​ជាមេរៀន និង​បទពិសោធន៍​​​សម្រាប់​ថ្នាក់​ដឹន​នាំ​មន្ទីរពេទ្យ ពិសេស​អ្នក​បើក​រថយន្ត​សង្រ្គោះ​ទាំង​ឡាយ​ឱ្យ​​មាន​​ការប្រុង​ប្រយ័ត្ន​ និង​កុំ​បើក​បរ​​ក្នុង​ស្ថានភាពស្រវឹង​បែប​ ព្រោះ​អាយុជីវិត​មិន​មាន​​លក់​នៅ​លើ​ទីផ្សារទេ​។ ​​

អត្ថបទ៖ វុទ្ធឦសាន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤ នាទី មុន

ក្រុមហ៊ុនជប៉ុន MIRARTH Green Tech បើកសម្ពោធរោងចក្រនៅខេត្តកំពង់ធំដែលអាចកែច្នៃគ្រាប់ស្វាយចន្ទី១៥០០តោនក្នុងមួយឆ្នាំ

ព័ត៌មានជាតិ៥ នាទី មុន

កម្ពុជា-គុយបា កំពុងគិតគូរអាហារូបករណ៍សម្រាប់យុវជនសិក្សា​ជំនាញបច្ចេកវិទ្យា នវានុវត្តន៍ សុខភាព និងកីឡា

កីឡា១១ នាទី មុន

ក្រុង​ប៉ារីស បង្កើនវិធានការ​ទប់​ស្កាត់​ឧក្រិដ្ឋកម្មអំឡុងកីឡាអូឡាំពិក

សេដ្ឋកិច្ច១១ នាទី មុន

មន្ត្រីជាន់ខ្ពស់​អះអាងថា ​កម្ពុជា​ត្រូវត្រៀមខ្លួន​ដោះស្រាយ​បញ្ហាប្រឈម​កង្វះថាមពលអគ្គិសនី​នៅ ​៣ ឆ្នាំ ខាងមុខ​

ព័ត៌មានជាតិ១៥ នាទី មុន

បេសកកម្មការទូតឯកអគ្គរដ្ឋទូតហ្វាំឡង់ ៤ឆ្នាំនៅកម្ពុជា បានរួមចំណែកដល់ការអភិវឌ្ឍសេដ្ឋកិច្ច-សង្គម

សន្តិសុខសង្គម២៤ ម៉ោង មុន

នាយកកំពង់ចម្លងភ្នំពេញ អរិយក្សត្រ សម្រេចបញ្ឈប់អ្នកបើកបរស្រឡាងម្នាក់ក្រោយបែកធ្លាយកាយវិការយកជើងបញ្ជាចង្កូត

សន្តិសុខសង្គម២០ ម៉ោង មុន

អគ្គិភ័យឆេះហាងលក់កាហ្វេ និងឆេះរាលដល់បន្ទប់ជួល និងអគារមួយខ្នងទៀតនៅសៀមរាប

ព័ត៌មានជាតិ១៧ ម៉ោង មុន

ស្អែកព្រឹកប្រមុខការពារជាតិអាមេរិក នឹងបំពេញទស្សនកិច្ចនៅកម្ពុជា ហើយនឹងចេញទៅវិញនៅពេលរសៀល

សេចក្ដីជូនដំណឹង១៩ ម៉ោង មុន

ឯកឧត្តម ឃួង ស្រេង និងឯកឧត្ដម ម៉ប់ សារិន ផ្ញើសារលិខិតគោរពជូនពរ ឯកឧត្ដមអភិសន្តិបណ្ឌិត ស សុខា ក្នុងឱកាសចម្រើនជន្មាយុ

សេដ្ឋកិច្ច៦ ម៉ោង មុន

​កសិដ្ឋានគិរីសួគ៌​ មានសមត្ថភាពផលិតទឹកដោះគោស្រស់​ដល់ ១ ម៉ឺន ៥ ពាន់លីត្រ ​ក្នុងមួយថ្ងៃ​

Sokha Hotels

ព័ត៌មានពេញនិយម