Connect with us

នយោបាយ

ទូតរុស្ស៊ី ថា ៦៨ឆ្នាំនៃទំនាក់ទំនងការទូតកម្ពុជា-រុស្ស៊ី គឺបានផ្តល់ទំនុកចិត្តគ្នាទៅវិញទៅមក

បានផុស

នៅ

លោក អាណាតូលី បូរ៉ូវីក (Anatoly Borovik) ឯកអគ្គរដ្ឋទូតរុស្ស៊ីប្រចាំនៅកម្ពុជា បានលើកឡើងថា រយៈពេល៦៨ឆ្នាំ នៃទំនាក់ទំនងការទូតរវាងប្រទេសកម្ពុជា និងប្រទេសរុស្ស៊ី គឺល្អ ជិតស្និទ្ធ និងបានផ្តល់ទំនុកចិត្តគ្នាទៅវិញទៅមក ដែលនៅតែជាមូលដ្ឋាននៃការអភិវឌ្ឍជាលំដាប់នូវអន្តរកម្មទ្វេភាគី។ នេះបើតាមខ្លឹមសារផ្សព្វផ្សាយរបស់រដ្ឋសភាតាមបណ្តាញសង្គមនៅថ្ងៃទី១១ ខែមិថុនា ឆ្នាំ២០២៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការលើកឡើងបែបនេះរបស់ ឯកអគ្គរដ្ឋទូតរុស្ស៊ីប្រចាំនៅកម្ពុជា ក្នុងឱកាសសម្តេចរដ្ឋសភាធិបតី ឃួន សុដារី ប្រធានរដ្ឋសភានៃព្រះរាជាណាចក្រកម្ពុជា នៅរាត្រីថ្ងៃទី១១ ខែមិថុនា ឆ្នាំ២០២៤ បានអញ្ជើញចូលរួមប្រារព្ធកម្មវិធីអបអរសាទរទិវាបុណ្យជាតិនៃសហព័ន្ធរុស្ស៊ី ដែលរៀបចំឡើងដោយស្ថានទូតសហព័ន្ធរុស្ស៊ី ប្រចាំនៅព្រះរាជាណាចក្រកម្ពុជា នៅសណ្ឋាគារសូហ្វីតែលភ្នំពេញភូគីត្រា។

ក្នុងឱកាសនេះ អាណាតូលី បូរ៉ូវីក (Anatoly Borovik) ឯកអគ្គរដ្ឋទូតរុស្ស៊ីប្រចាំនៅកម្ពុជា បានលើកឡើងថា ទិវានៃប្រទេសរុស្ស៊ីជានិមិត្តរូបនៃសាមគ្គីភាពរបស់ប្រជាពលរដ្ឋរុស្ស៊ី ដែលបង្ហាញពីការប្តេជ្ញារួមរបស់ពួកគេចំពោះទំនៀមទម្លាប់ និងគោលការណ៍ណែនាំអប់រំសីលធម៌ សេចក្តីគោរពមរតកដ៏រុងរឿងរបស់បុព្វបុរសរបស់ពួកគេ ការដំណើរបន្តគ្នាមិនដាច់ជំនាន់ និងសម័យកាល។ បន្ថែមពីនេះ លោកបញ្ជាក់ថា កម្ពុជា-រុស្ស៊ី បានពង្រឹងអន្តរកម្មនយោបាយ និងទំនាក់ទំនងអន្តរសភា និងអន្តរគណបក្ស។ ប្រទេសរុស្ស៊ី ចាត់ទុកការពង្រឹងទំនាក់ទំនងពាណិជ្ជកម្ម និងសេដ្ឋកិច្ចជាចំណុចដ៏សំខាន់មួយនៅក្នុងការកសាងកិច្ចសន្ទនារុស្ស៊ី-កម្ពុជា។

តាមខ្លឹមសារដដែលបានឱ្យដឹងថា ទិវាបុណ្យជាតិរុស្ស៊ី បានប្រារព្ធធ្វើឡើងនៅក្នុងបរិយាកាសអធិកអធមនិងស្និទ្ធស្នាលជាទីបំផុត ដោយមានវត្តមានថ្នាក់ដឹកនាំស្ថាប័ននីតិប្បញ្ញត្តិ នីតិប្រតិបត្តិនិងប្រធានស្ថាប័ននានារបស់កម្ពុជាចូលរួម ជាមួយវត្តមាន ភ្ញៀវជាតិ អន្តរជាតិជាច្រើនទៀត។

រដ្ឋសភាកម្ពុជា ក៏បានបញ្ជាក់ដែរថា ក្នុងឱកាសខួបអនុស្សាវរីយ៍លើកទី៣៤ នៃទិវាឯករាជ្យជាតិសហព័ន្ធរុស្ស៊ី សម្ដេចរដ្ឋសភាធិការធិបតី ឃួន សុដារី ប្រធានរដ្ឋសភាកម្ពុជា ក៏បានផ្ញើសារលិខិតអបអរជូនប្រធានរដ្ឋសភាឌូម៉ានៃសហព័ន្ធរុស្ស៊ី ដោយបានរំឭកពីភាពជាដៃគូល្អរវាងប្រទេសកម្ពុជា-រុស្ស៊ី ថែមទៀតផង។ ទន្ទឹមនេះ រដ្ឋសភាកម្ពុជាបានវាយតម្លៃខ្ពស់ចំពោះភាពជាដៃគូល្អជាមួយនឹងសហព័ន្ធរុស្ស៊ី និង សូមអបអរសាទរនូវសមិទ្ធផលដែលទទួលបានរវាងប្រទេសទាំងពីរ និងស្ថាប័ននីតិប្បញ្ញត្តិទាំងពីរ។

ក្នុងសារលិខិតសម្តេចរដ្ឋសភាធិបតី បានបញ្ជាក់បន្ថែមថា នឹងប្តេជ្ញាពង្រឹងបន្ថែមនូវចំណងមិត្តភាពយូរអង្វែង រួមទាំងកិច្ចសហប្រតិបត្តិការគ្រប់ជ្រុងជ្រោយ រវាងប្រទេសទាំង២ ដោយស្វែងរកកាលានុវត្តភាពថ្មីៗ ដើម្បីផ្តល់ជាប្រយោជន៍ទៅវិញទៅមកដល់ប្រជាជនប្រទេសទាំង២៕  

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង៤ ម៉ោង មុន

BizKhmer Digital Media និង U.S.R.V. ចាប់ដៃគ្នាជួយអាជីវកម្មចិន ពង្រីកទីផ្សារឌីជីថលក្នុងប្រទេសកម្ពុជា

សន្តិសុខសង្គម៤ ម៉ោង មុន

ប្តី​ប្រពន្ធ​ឌុប​គ្នា​ទៅ​មន្ទីរពេទ្យ ដើម្បី​សម្រាល​មិនទាន់​ដល់​ផង ប្រពន្ធ​ក៏​សម្រាល​លើ​ម៉ូតូ​ផ្អើល​ប្រជាពលរដ្ឋ​ជួយ​

ព័ត៌មានជាតិ៥ ម៉ោង មុន

អាជ្ញាធរ៖ ជិត២ឆ្នាំហើយ លោក ខឹម វាសនា នៅតែប្រើលេស«ទឹកលិចលោក» ប្រមូលសាវ័កឱ្យទៅនៅចម្ការក្បែរភ្នំគូលែន

ព័ត៌មានជាតិ៥ ម៉ោង មុន

កម្ពុជា-KOICA អនុវត្តគម្រោងកសាងសមត្ថភាពលើវបច្ចេកវិទ្យាព័ត៌មាន និងសារគមនាគមន៍ ក្នុងការអប់រំបច្ចេកទេស និងវិជ្ជាជីវៈ

ព័ត៌មានជាតិ៧ ម៉ោង មុន

ភ្លៀងធ្លាក់ខ្លាំង ធ្វើឲ្យស្ថានភាពទឹកទន្លេមេគង្គក្រចេះបន្តហក់ឡើង តែមិនទាន់ដល់កម្រិតប្រកាសអាសន្ន

Sokha Hotels

ព័ត៌មានពេញនិយម