ព័ត៌មានអន្ដរជាតិ
អ៊ីស្រាអែល បន្ថយដៃនៅហ្គាហ្សា ងាកទៅប្រយុទ្ធជាមួយ ក្រុមហេសបូឡា នាព្រំដែនលីបង់ វិញ
ក្នុងបទសម្ភាសលើកដំបូងទៅកាន់ប្រព័ន្ធផ្សព្វផ្សាយក្នុងស្រុកចាប់តាំងពីសង្គ្រាមជាមួយក្រុមហាម៉ាសផ្ទុះឡើងកាលពីថ្ងៃទី៧ខែតុលាឆ្នាំ២០២៣មក ប្រធានាធិបតីអ៊ីស្រាអែលលោក Benjamin Netanyahu បានប្រកាសថា កងទ័ពរបស់លោកនឹងបន្ថយដៃនៅទីក្រុង Rafah ហើយងាកទៅពង្រឹងកម្លាំងនៅព្រំដែនភាគខាងជើងជាប់ប្រទេសលីបង់វិញ ដើម្បីប្រយុទ្ធជាមួយក្រុមហេសបូឡា ដែលកំពុងធ្វើទុក្ខបុកម្នេញយ៉ាងខ្លាំង។

ម្យ៉ាងវិញទៀត ការបន្ថយដៃនេះ ក៏មានគោលបំណងដើម្បីដាក់ចេញនូវផែនការ សម្រាប់រៀបចំអនាគតតំបន់ហ្គាហ្សាក្រោយសង្គ្រាមផងដែរ។
ទោះបីជាយ៉ាងណាក៏ដោយ លោកបញ្ជាក់ថា នេះមិនមែនជាការបញ្ចប់សង្គ្រាមទេ គ្រាន់តែមិនវាយខ្លាំងដូចមុនប៉ុណ្ណោះ។ វាក៏ជាការការពារខ្លួនដែរ ហើយបើកផ្លូវឲ្យជនភៀសសឹក វិលត្រលប់មកផ្ទះសម្បែងរបស់ពួកគេវិញ។

ប្រជាជនអ៊ីស្រាអែលរាប់ម៉ឺននាក់នៅតាមព្រំដែនភាគខាងជើង ត្រូវរត់ភៀសខ្លួនដោយការប្រយុទ្ធគ្នាសឹងរាល់ថ្ងៃរវាងកងកម្លាំងអ៊ីស្រាអែល និងចលនាសកម្មប្រយុទ្ធហេសបូឡា។
ក្រុមប្រដាប់អាវុធគាំទ្រដោយអ៊ីរ៉ង់មួយនេះ បានចាប់ផ្តើមវាយប្រហារប្រទេសអ៊ីស្រាអែល បន្ទាប់ពីក្រុមហាម៉ាស បើកប្រតិបត្តិការវាយឆ្មក់ឆ្លងដែនកាលពីឆ្នាំមុន ហើយឥឡូវ គេកំពុងបារម្ភថា សង្គ្រាម អ៊ីស្រាអែល-ហេសបូឡា នឹងរីករាលដាលកាន់តែធំឡើងៗ ដល់ដំណាក់កាលធ្ងន់ធ្ងរ។

តាមពិតទៅ ក្រុមហេសបូឡា គឺខ្លាំងជាងក្រុមហាម៉ាសទៅទៀត ហើយបើសង្គ្រាមធំកើតឡើងមែន ច្បាស់ណាស់វានឹងបណ្តាលឲ្យតំបន់មជ្ឈិមបូព៌ា ដើរកាន់តែជិតដល់មាត់ជ្រោះមរណៈជាក់ជាមិនខានឡើយ។
លើសពីនេះ ក្រុមហេសបូឡា បានគំរាមម្តងហើយម្តងទៀតថា ខ្លួននឹងបន្តប្រយុទ្ធជាមួយអ៊ីស្រាអែលដល់ក្ស័យ បើនៅតំបន់ហ្គាហ្សា គ្មានបទឈប់បាញ់ទេនោះ។ មិនត្រឹមប៉ុណ្ណឹង មេទ័ពហេសបូឡាលោក Hassan Nasrallah ក៏គំរាមអ៊ីស្រាអែលកាលពីសប្តាហ៍មុនដែរថា ក្រុមនេះមានអាវុធថ្មីនិងសមត្ថភាពចារកម្មខ្លាំងណាស់ អាចវាយកម្ទេចនិងបំផ្លាញអ៊ីស្រាអែល បានគ្រប់ពេល៕
អត្ថបទ៖ សុខ សុវណ្ណ
ចុចអាន៖ ប្រមុខ UN ព្រមានពីការប្រយុទ្ធគ្នាកាន់តែខ្លាំង រវាងអ៊ីស្រាអែលនិង ក្រុមហេសបូឡា

-
ព័ត៌មានអន្ដរជាតិ១៩ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?