ហ្វេសប៊ុករងការចោទប្រកាន់ថា បានបំប៉ោងចំនួនអ្នកមើល ការផ្សព្វផ្សាយពាណិជ្ជកម្ម
Connect with us
Helistar Cambodia - Helicopter Charter Services

ព័ត៌មានជាតិ

ហ្វេសប៊ុករងការចោទប្រកាន់ថា បានបំប៉ោងចំនួនអ្នកមើល ការផ្សព្វផ្សាយពាណិជ្ជកម្ម

បានផុស

នៅ

ក្រុមហ៊ុនជាច្រើនមិនថាតូចឬធំនោះទេ បានចំណាយលុយជាច្រើនរៀងរាល់ឆ្នាំ ដើម្បីផ្សព្វផ្សាយពាណិជ្ជកម្មជាមួយនឹងក្រុមហ៊ុនហ្វេសប៊ុក ដោយសង្ឃឹមថាផលិតផលឬសេវាកម្មរបស់ពួកគេនឹងត្រូវបានមើលឃើញពីសំណាក់មហាជនដែលអាចក្លាយជាអតិថិជនរបស់ពួកគេ ដែលនេះធ្វើឲ្យក្រុមហ៊ុនហ្វេសប៊ុករកចំណូលបានរាប់ពាន់លានដុល្លារពីការផ្សព្វផ្សាយពាណិជ្ជកម្មនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
Are These Common Mistakes Killing Your Facebook Reach? | BusinessCollective

បើតាមការផ្សព្វផ្សាយរបស់សារព័ត៌មាន Financial Times កាលពីពេលថ្មីៗនេះបានឲ្យដឹងថា ក្រុមហ៊ុនហ្វេសប៊ុកបានរងការចោទប្រកាន់នៅក្នុងពាក្យបណ្ដឹងមួយថា បានបំប៉ោងចំនួនអ្នកមើលក្នុងការផ្សព្វផ្សាយពាណិជ្ជកម្ម (Potential Reach) ដើម្បីរកចំណូលពីការផ្សព្វផ្សាយពាណិជ្ជកម្មឲ្យបានកាន់តែច្រើន។នៅក្នុងការចោទប្រកាន់នេះពួកគេបានបង្ហាញសាររវាងអ្នកគ្រប់គ្រងធំៗនៅក្នុងក្រុមហ៊ុនទាក់ទងនឹងការបំប៉ោងទិន្នន័យនេះ។ បុគ្គលិកផ្នែកគ្រប់គ្រងម្នាក់បានផ្ញើសារស្នើសុំឲ្យមានការកែតម្រូវ ដោយបន្ថយចំនួនអ្នកមើលព្រោះវាខុសគ្នាខ្លាំងពេក ប៉ុន្តែត្រូវបានអ្នកគ្រប់គ្រងឆ្លើយតបវិញថា ការផ្លាស់ប្ដូរនេះនឹងធ្វើឲ្យពួកគេខាតបង់ចំណូលជាច្រើន។

15 Smart Tips to Increase Facebook Organic Reach in 2019. | Falcon.io

នៅក្នុងពាក្យបណ្ដឹងនេះក៏បានបង្ហាញផងដែរថា ពេលខ្លះក្រុមហ៊ុនហ្វេសប៊ុកបានផ្ដល់ទិន្នន័យដែលមានចំនួនអ្នកមើលច្រើនជាងចំនួនអ្នករស់នៅក្នុងតំបន់នោះទៅទៀត។ នេះមិនមែនជាលើកទីមួយទេដែលក្រុមហ៊ុនហ្វេសប៊ុកបានរងការចោទប្រកាន់ទាក់ទងនឹងការបំប៉ោងទិន្នន័យនោះ កាលពីឆ្នាំ ២០១៩ ក្រុមហ៊ុនបានយល់ព្រមបង់ទឹកប្រាក់ចំនួន ៤០លានដុល្លារទាក់ទងនឹងការបំផ្លើសចំនួនអ្នកមើលវីដេអូផ្សព្វផ្សាយពាណិជ្ជកម្មអស់រយៈពេលពីរឆ្នាំ រួចមកហើយផងដែរ៕

ប្រភព៖ នាយកដ្ឋានប្រឆាំងបទល្មើសបច្ចេកវិទ្យា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services