ចរាចរណ៍

រងរបួសធ្ងន់២នាក់ និងស្លាប់កុមារីម្នាក់ ខណៈរថយន្តដឹកកម្មករបុក នៅក្រុងស្វាយរៀង

បានផុស

១ ខែ មុន

នៅ

ថ្ងៃចន្ទ ១០ ឧសភា ២០២១

ដោយ

ករណីគ្រោះថ្នាក់ចរាចរណ៍មួយទាំងព្រឹកព្រលឹម បណ្តាលឲ្យកុមារីម្នាក់ស្លាប់ពេលបញ្ជូនទៅមន្ទីរពេទ្យបង្អែកខេត្តស្វាយរៀង និងមនុស្ស២នាក់ទៀតរងរបួសធ្ងន់ ករណីនេះបានកើងឡើងកាលពីវេលាម៉ោង៥:៤៥នាទីថ្ងៃទី១០ ខែឧសភា ឆ្នាំ២០២១ នៅលើផ្លូវជាតិលេខ០១ គីឡូម៉ែត្រលេខ ១២៥/១២៦ ស្ថិតក្នុងភូមិបាក់រនាស់ សង្កាត់សង្ឃ័រ ក្រុងស្វាយរៀង ខេត្តស្វាយរៀង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសមត្ថកិច្ចបានឲ្យដឹងថា នៅមុនពេលកើតហេតុមានម៉ូតូមួយគ្រឿង ម៉ាកWave ពណ៌ខ្មៅ គ្មានស្លាកលេខ បើកបរដោយឈ្មោះ លឹម វុទ្ធី ភេទប្រុស អាយុ៣៣ឆ្នាំ មុខរបរ កម្មករសំណង់ រស់នៅភូមិបឹង ឃុំអង្គតាសូ ស្រុកស្វាយជ្រំ បើកបរពីជើងទៅត្បូង មានពាក់មួកសុវត្ថិភាព រងរបួសធ្ងន់។ អ្នកធ្វើដំណើរជាមួយមួយរួមមាន៖ ១. ឈ្មោះ ម៉ុញ ចាន់ធួន ភេទស្រី អាយុ៣០ឆ្នាំ មុខរបរកម្មករសំណង់ រស់នៅភូមិឃុំជាមួយគ្នា មិនពាក់មួកសុវត្ថិភាព រងរបួសធ្ងន់, ២. កុមារី លឹម ពិសី ភេទស្រី អាយុ០៥ឆ្នាំ រស់នៅភូមិឃុំជាមួគ្នា មិនពាក់មួកសុវត្ថិភាព ( រងរបួសធ្ងន់ ស្លាប់ពេលបញ្ជូនទៅមន្ទីរពេទ្យបង្អែកខេត្តស្វាយរៀង)។ ប្រភពបានបន្តទៀតថា លុះមកដល់ចំណុចកើតហេតុខាងលើ ត្រូវបានរថយន្ដដឹកកម្មករកម្មការិនី ម៉ាកហ៊ីយ៉ាន់ដាយ ពណ៌ខៀវ ពាក់ស្លាកលេខ ភ្នំពេញ 3B-3047 បានបុកម៉ូតូរងគ្រោះខាងលើ ពីក្រោយយ៉ាងពេញទំហឹងបណ្តាលឲ្យមានអ្នកស្លាប់ និងរងរបួសធ្ងន់។

ក្រោយពីបន្តបង្កហេតុរួច អ្នកបើកបរមិនស្គាល់អត្តសញ្ញាណ បានរត់គេចខ្លួនពីកន្លែងកើតហេតុបាត់ បន្សល់ទុករថយន្ដនៅកន្លែងហេតុ។ បច្ចុប្បន្នវត្ថុតាង បានរក្សាទុកនៅអធិការក្រុងស្វាយរៀង ដើម្បីស្រាវជ្រាវរកម្ចាស់យកមកដោះស្រាយគ្នាតាមផ្លូវច្បាប់ រីឯអ្នករបួស សម្រាកព្យាបាលនៅមន្ទីរពេទ្យបង្អែកខេត្តស្វាយរៀង ចំណែកក្មេងស្រីខាងលើ ត្រូវក្រុមគ្រួសារយកទៅធ្វើបុណ្យតាមប្រពៃណី៕