ចរាចរណ៍
រដ្ឋមន្ត្រីទេសចរណ៍ជំរុញខេត្តជាប់តំបន់ឆ្នេរ គ្រប់គ្រងគោលដៅតាមស្ដង់ដារ SOP ឱ្យហ្មត់ចត់
រដ្ឋមន្ត្រីក្រសួងទេសចរណ៍បានជំរុញឱ្យរដ្ឋបាលខេត្តជាប់តំបន់ឆ្នេរ បន្តយកចិត្តទុកដាក់លើការគ្រប់គ្រងគោលដៅទេសចរណ៍សុវត្ថិភាព តាមស្ដង់ដារបច្ចុប្បន្នភាពវិធានសុវត្ថិភាពទេសចរណ៍ និងនីតិវិធីប្រតិបត្តិស្ដង់ដាអប្បបរមា (SOP) តាមគន្លងប្រក្រតីភាពថ្មី ឱ្យបានហ្មត់ចត់ ដើម្បីជំរុញចលនាទេសចរណ៍ក្នុងស្រុក និងត្រៀមទទួលទេសចរអន្តរជាតិនាពេលខាងមុខ។
ការថ្លែងរបស់លោក ថោង ខុន រដ្ឋមន្ត្រីក្រសួងទេសចរណ៍ បានធ្វើឡើងក្នុងកិច្ចប្រជុំឆ្លងសេចក្ដីព្រាង ផែនការមេអភិវឌ្ឍវិស័យទេសចរណ៍ខេត្តកែប ឆ្នាំ២០២១-២០៣៥ នៅសាលាខេត្តកែប នៅព្រឹកថ្ងៃទី១ តុលា ឆ្នាំ២០២១នេះ។
ក្នុងឱកាសនោះលោករដ្ឋមន្ត្រី ថោង ខុន បានជំរុញឱ្យអភិបាលខេត្តកែប អភិបាលខេត្តកំពត ព្រមទាំងរដ្ឋបាលខេត្តជាប់តំបន់ឆ្នេរទាំងបួន ត្រូវវាយតម្លៃគោលដៅទេសចរណ៍សុវត្ថិភាពឲ្យបានច្បាស់លាស់ ទៅតាមសូចនាករទាំង៤ ដែលក្រសួងទេសចរណ៍ បានដាក់ចេញមានដូចជា អត្រាចាក់វ៉ាក់សាំងបង្ការមេរោគកូវីដ-១៩ អត្រាឆ្លងជំងឺកូវីដ-១៩ ការគ្រប់គ្រងគោលដៅទេសចរណ៍សុវត្ថិភាព និងការអនុវត្តស្តង់ដាបច្ចុប្បន្នភាព វិធានសុវត្ថិភាពទេសចរណ៍ និងនីតិវិធីប្រតិបត្តិស្ដង់ដារអប្បបរមា (SOP) តាមគន្លងប្រក្រតីភាពថ្មី។
លោកបានណែនាំបន្តអនុវត្តវិធានការ ៣ការពារ ៣កុំ ឱ្យបានហ្មត់ចត់ ពង្រឹងការពាក់ម៉ាស់ លាងដៃនឹងទឹកអាល់កុល រក្សាគម្លាតសុវត្ថិភាពជាការចាំបាច់ ហើយការធ្វើដូច្នេះទើបប្រជាជនកម្ពុជាអាចរៀនរស់បានជាមួយដំណាក់កាលវិបត្តិកូវីដបាន មានន័យថា អាចធ្វើអាជីវកម្មបានផង ការពារទប់ស្កាត់ការចម្លងមេរោគកូវីដបានផង។
សូមបញ្ជាក់ថា កាលពីថ្ងៃទី០១ ខែកញ្ញា ឆ្នាំ២០២១ កន្លងទៅក្រសួងទេសចរណ៍បានប្រកាសដាក់ឱ្យអនុវត្តបទដ្ឋានគតិយុត្តិ “ការធ្វើបច្ចុប្បន្នភាពនៃកាអនុវត្តវិធាន សុវត្ថិភាពទេសចរណ៍ និងនិតិវិធីស្តង់ដារប្រតិបត្តិអប្បបរមា (SOP) តាមគន្លងប្រក្រតីភាពថ្មី” សម្រាប់អាជីវកម្មទេសចរណ៍ធំៗចំនួន៤ ដែលកំពុងធ្វើសកម្មភាព រួមមាន អាជីវកម្មសេវាកម្មស្នាក់នៅទេសចរណ៍ អាជីវកម្មភោជនីយដ្ឋាន-អាហារដ្ឋានទេសចរណ៍ រមណីយដ្ឋានទេសចរណ៍ និងសហគមន៍ទេសចរណ៍ និងអេកូទេសចរណ៍ ដើម្បីរក្សាបាននូវស្ថិរភាពអាជីវកម្ម និងធានាបាននូវសុវត្ថិភាពជូនដល់ភ្ញៀវទេសចរជាតិ-អន្តរជាតិ។
បើតាមលោករដ្ឋមន្ត្រី ថោង ខុន រាជរដ្ឋាភិបាលកម្ពុជានឹងប្រកាសបើកទទួលទេសចរអន្តរជាតិជាផ្លូវការនាពេលឆាប់ៗខាងមុខនេះ៕
អត្ថបទ៖ កោះកែវ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ