សំណាងល្អមែន! បុរសម្នាក់បើករថយន្ត បុករបាំងថ្មធ្លាក់ចូលប្រឡាយ តែត្រូវពលរដ្ឋជួយ សង្គ្រោះទាន់
Connect with us
Helistar Cambodia - Helicopter Charter Services

ចរាចរណ៍

សំណាងល្អមែន! បុរសម្នាក់បើករថយន្ត បុករបាំងថ្មធ្លាក់ចូលប្រឡាយ តែត្រូវពលរដ្ឋជួយ សង្គ្រោះទាន់

បានផុស

នៅ

បុរសម្នាក់បើករថយន្ត ទាំងស្ថានភាពស្រវឹងស្រា ជ្រុលចង្កូតទៅបុករបាំងថ្មដាក់បាំង ប្រឡាយទឹកស្អុយ បណ្ដាលឲ្យធ្លាក់ទាំងរបាំងថ្ម និងរថយន្ត លិចចូលក្នុងប្រឡាយ តែត្រូវបានប្រជាពលរដ្ឋ ជួយសង្គ្រោះទាន់ពេលវេលា។ ហេតុការណ៍នេះ បានកើតឡើងកាលពីវេលាម៉ោង១ និង២០នាទីរំលងអាធ្រាត្រ ឈានចូលថ្ងៃទី២៣ ខែតុលា ឆ្នាំ២០​២១ ស្ថិតនៅតាមបណ្ដោយផ្លូវ១០៥ ក្នុងសង្កាត់បឹងត្របែក ខណ្ឌចំការមន រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមប្រភពព័ត៌មាន ពីកន្លែងកើតហេតុបានឲ្យដឹងថា មុនពេលកើតហេតុនោះ គឺគេឃើញរថយន្តបង្កម៉ាក  Range rover ពណ៌ស ពាក់ស្លាកលេខភ្នំពេញ 2AT-8678 បើកបរដោយបុរសម្នាក់ ធ្វើដំណើរតាមបណ្ដោយផ្លូវ១០៥ ទិស ដៅពីជើងមកត្បូងក្នុងល្បឿនលឿន ខណៈមកដល់ចំណុចកើតហេតុ ក៏រេចង្កូតមកឆ្វេងដៃទៅបុករបាំងថ្មដាក់បាំងប្រឡាយ បណ្ដាលឲ្យធ្លាក់ទាំងរបាំងថ្ម និងរថយន្ត បង្កចូលក្នុងទឹកស្អុយ ព្រមទាំងធ្វើឲ្យតៃកុងគាបជាប់ក្នុងរថយន្ត ហើយត្រូវបានប្រជាពលរដ្ឋចុះទៅស្រង់ និងជួយសង្គ្រោះទាន់ពេលវេលា សំណាងល្អក្នុងករណីនេះ មិនបង្កឲ្យមនុស្សរងរបួសនោះទេ។

ក្រោយកើតហតុ អ្នកបើកបររថយន្តបង្ក ត្រូវបានសមត្ថកិច្ចមូលដ្ឋានឃាត់ខ្លួន បញ្ចូនមកកាន់អធិការដ្ឋាននគរបាលខណ្ឌចំកាមន ដើម្បីសួរនាំ។ រីឯរថយន្តបង្ក ក៏ត្រូវសមត្ថកិច្ចទាក់ទងទៅរថយន្តស្ទួច ឲ្យមកស្ទួចយករថយន្តបង្កទៅរក្សាទុក រង់ចាំម្ចាស់ចូលខ្លួនដោះស្រាយតាមច្បាប់៕ ដោយ៖ សុខា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services