រថយន្តកាមរីហាយប្រ៊ីដ ពន្លះរបាំងថ្មពុះចែកទ្រូងផ្លូវ បណ្ដាលឲ្យក្រឡាប់ផ្ងារជើង
Connect with us
Helistar Cambodia - Helicopter Charter Services

ចរាចរណ៍

រថយន្តកាមរីហាយប្រ៊ីដ ពន្លះរបាំងថ្មពុះចែកទ្រូងផ្លូវ បណ្ដាលឲ្យក្រឡាប់ផ្ងារជើង

បានផុស

នៅ

រថយន្តកាមរីហាយប្រ៊ីដមួយគ្រឿង ត្រូវបានម្ចាស់បើកបរក្នុងល្បឿនលឿនមិនប្រយ័ត្ន រេចង្កូតទៅបុករបាំងថ្មពុះចែកទ្រូងផ្លូវយ៉ាងពេញទំហឹង បណ្ដាលឲ្យក្រឡាប់ផ្ងារជើងច្រងាងៗ តែសំណាងល្អមិនមានមនុស្សរងរបួសឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះ បានកើតឡើងកាលពីវេលាម៉ោង ១រំលងអធ្រាត្រ ឈានចូលថ្ងៃទី២៣ ខែតុលា ឆ្នាំ២០២១ នៅក្បែរស្តុបបូកគោ តាមបណ្ដោយផ្លូវម៉ៅសេទុង កែងផ្លូវលេខ១០៥ ក្នុងសង្កាត់សង្កាត់បឹងត្របែក ខណ្ឌចំការមន រាជធានីភ្នំពេញ។

យោងតាមប្រភពព័ត៌មាន ពីកន្លែងកើហេតុបានឲ្យដឹងថា មុនពេលកើតហេតុ គេឃើញរថយន្តម៉ាកកាមរីហាយប្រ៊ីដ ពណ៌ស ពាក់ស្លាកលេខ ភ្នំពេញ 2AE-8191 បើកបរតាមបណ្ដោយផ្លូវម៉ៅសេទុង ពីលិចទៅកើតក្នុងល្បឿនលឿន  ខណៈមកដល់ចំណុចកើតហេតុ ក៏ជ្រុលចង្កូតទៅបុករបាំងថ្មពុះចែកទ្រូងផ្លូវពេញទំហឹង បណ្ដាលឲ្យរថយន្តបង្កក្រឡាប់ផ្ងារជើងតែម្ដង។ រីឯរបាំងថ្មខូចខាតអស់ពីរផ្ទាំង ហើយខណៈនោះក៏ឃើញមានមនុស្សប្រុស ៣នាក់ និងស្រីម្នាក់ លូនចេញពីក្នុងរថយន្ត ដោយមានរងរបួសស្រាល។

ក្រោយកើតហេតុ អ្នកបើករថយន្តបង្ក និងអ្នករួមដំណើរ បានចាកចេញពីកន្លែងកើតហេតុ ដោយទុករថយន្តឲ្យសមត្ថកិច្ចជំនាញ ធ្វើការវាស់វែងយកទៅរក្សាទុក នៅការិយាល័យចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ រង់ចាំដោះស្រាយ នាពេលក្រោយ៕ 

អត្ថបទ៖ សុខា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services