ចរាចរណ៍
រថយន្តក្រឡាប់នៅស្រុកអារញ្ញ មានពលករខ្មែររបួសធ្ងន់ ៨ នាក់ និងស្លាប់ ១ នាក់
ប្រទេសថៃ ៖ យ៉ាងហោចណាស់ក៏មានពលករខ្មែរម្នាក់ដែរ ដែលបានស្លាប់ភ្លាមៗ ក្នុងចំណោមពលករខ្មែររងរបួសធ្ងន់-ស្រាល ទាំង ៨ នាក់ បន្ទាប់ពីមានករណីក្រឡាប់រថយន្តមួយគ្រឿង ទៅក្នុងប្រឡាយ នាស្រុកអារញ្ញប្រាថេត។
យោងតាមការផ្សាយរបស់គេហទំព័រមួយចំនួនក្នុងប្រទេសថៃបានបញ្ជាក់ថា កាលពីវេលាម៉ោង ៧ និង ៥០ នាទីយប់ ថ្ងៃទី ២៥ ខែតុលា ឆ្នាំ ២០២២ មានករណីគ្រោះថ្នាក់ចរាចរណ៍មួយបានកើតឡើងដោយខ្លួនឯង នៅត្រង់ចំណុច បានខ្លងវួ ឃុំខ្លងថាប់ចាន់ថន ស្រុកអារញ្ញប្រាថេត ខេត្តស្រះកែវ។
នៅក្នុងហេតុការណ៍នេះគេសង្កេតឃើញថា អ្នកបើកបររថយន្តដែលជាជនជាតិថៃ ត្រូវបានរថយន្តកៀបជាប់ ដែលតម្រូវឲ្យសមត្ថកិច្ចប្រើប្រាស់ឧបករណ៍ដើម្បីកាត់តួរថយន្តយកមនុស្សចេញ ព្រមទាំងមានស្នាមរបួសយ៉ាងធ្ងន់ធ្ងរផងដែរ។
ដោយឡែកអ្នកជិះខាងក្រោយចំនួន ៨ នាក់ សុទ្ធសឹងជាពលករខ្មែរបម្រុងចូលទៅធ្វើការក្នុងប្រទេសថៃ បានរបួសធ្ងន់ ៧ នាក់ និងស្លាប់មនុស្សប្រុសម្នាក់ ដោយសារតែក្បាលមានការប៉ះទង្គិចខ្លាំងបណ្ដាលឲ្យបែក។
សមត្ថកិច្ចបានអះអាងថា នេះគឺជាការលួចដឹកពលករខ្មែរខុសច្បាប់ចូលទៅក្នុងប្រទេសថៃ ដោយគ្មានការអនុញ្ញាត ដូច្នេះត្រូវប្រើល្បឿនលឿន ក្នុងគោលបំណងគេចឲ្យផុតពីភ្នែកសមត្ថកិច្ច ហើយក៏មានការជ្រុលចង្កូតធ្លាក់ផ្លូវបែបនេះ។ បច្ចុប្បន្នពលករខ្មែរទាំងអស់ ត្រូវបានបញ្ជូនទៅកាន់មន្ទីរពេទ្យស្រុកអារញ្ញហើយ៕
អត្ថបទ ៖ សោ និយមរ័ត្ន
-
ព័ត៌មានអន្ដរជាតិ១៤ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ