ចរាចរណ៍
ស្លាប់៥នាក់របួសធ្ងន់ស្រាល១៤នាក់ ក្នុងករណីគ្រោះថ្នាក់ចរាចរណ៍កាលពីថ្ងៃពុធម្សិលមិញ
លោកឧត្តមសេនីយ៏ឯក ឆាយ គឹមខឿន អ្នកនាំពាក្យអគ្គស្នងការនគរបាលជាតិបានឲ្យដឹងនៅថ្ងៃនេះថា នៅថ្ងៃទី២០ ខែមករា ឆ្នាំ២០២១នេះមានករណីគ្រោះថ្នាក់ចរាចរណ៍ចំនួន០៨លើក ស្លាប់ចំនួន៥នាក់ របួសចំនួន១៤នាក់ ក្នុងនោះរបួសធ្ងន់ចំនួន០៥នាក់ ដែលករណីគ្រោះថ្នាក់ចរាចរណ៍នេះ បានកើតឡើងនៅតាមរាជធានីខេត្តចំនួន០៥។
ចំណែករយៈពេល២០ថ្ងៃ ដោយគិតចាប់ពីថ្ងៃទី០១ ដល់ថ្ងៃទី២០ ខែមករា ឆ្នាំ២០២១នេះ មានករណីគ្រោះថ្នាក់ចរាចរណ៍កើតឡើងចំនួន១៨៧លើក ធ្វើឲ្យមនុស្សស្លាប់ចំនួន១០៣នាក់ របួសចំនួន២៦៨ នាក់ របួសធ្ងន់ចំនួន១៦៨នាក់។ រយៈពេល២០ថ្ងៃដើមខែមករានេះដែរ មានយានយន្តល្មើសចំនួន១៨៧០២ គ្រឿង ត្រូវបានពិនិត្យនិងពិន័យ ក្នុងនោះម៉ូតូចំនួន១៣៨៤៣គ្រឿង និងរថយន្តគ្រប់ប្រភេទចំនួន៤៨៥៩ គ្រឿង ក្នុងនោះរថយន្តតូចចំនួន៣៨៧៥ គ្រឿង និងរថយន្តធំចំនួន៩៨៤ គ្រឿង។
សម្រាប់ថ្ងៃទី២០ ខែមករា នេះដែរ នគរបាលចរាចរណ៍ទូទាំងប្រទេសបានត្រួតពិនិត្យ និងផាកពិន័យយានយន្តសរុបចំនួន១០៧៧គ្រឿង មានម៉ូតូចំនួន៧៨៩ គ្រឿង និងរថយន្តគ្រប់ប្រភេទចំនួន២៨៨ គ្រឿង នេះបើតាមការបញ្ជាក់ពីលោកឧត្តមសេនីយ៏ឯក ឆាយ គឹមខឿន។
ក្នុងចំណោមម៉ូតូល្មើសទាំង៧៨៩ គ្រឿងនោះ បើកបរដោយអត់មួកសុវត្ថិភាពចំនួន៦៦៦នាក់, បើកបរល្មើសសញ្ញាចំនួន៥៥គ្រឿង, បត់ជែង០៩ គ្រឿង, ស្រវឹងចំនួន១០ នាក់, បើកបរដោយអត់ស្លាកលេខចំនួន២៧ គ្រឿង និងបើកបរប្រើទូរស័ព្ទចំនួន២២ នាក់។
ចំណែករថយន្តទាំង២៨៨គ្រឿងនោះ មានរថយន្តតូចចំនួន២៤២គ្រឿង និងរថយន្តធំចំនួន៤៦គ្រឿង ហើយក្នុងចំណោមយានយន្តទាំងនោះ មានល្មើសល្បឿនចំនួន១៩ គ្រឿង, អត់មានប័ណ្ណបើកបរចំនួន១៥នាក់, ល្មើសញ្ញាចំនួន២៣គ្រឿង, បត់ជែងចំនួន២គ្រឿង, បើកបរអត់ដាក់ខ្សែក្រវ៉ាត់ចំនួន១៨៤នាក់, លើសចំណុះចំនួន០៣ គ្រឿង, បើកបរក្នុងស្ថានភាពស្រវឹងចំនួន០២ នាក់, អត់ស្លាកលេខចំនួន០៣ គ្រឿង និងបើកបរប្រើទូរសព្ទចំនួន៣៧ នាក់៕
អត្ថបទ ៖ កោះកែវ
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង