ព័ត៌មានជាតិ
៦ ខែ ឆ្នាំនេះ អគ្គិភ័យកើតឡើងជាង ៥០០ លើក បណ្ដាលឲ្យមនុស្សស្លាប់ ១៣ នាក់ និងរបួស ៣៦ នាក់
គ្រោះអគ្គិភ័យរយៈពេល ៦ ខែ ឆ្នាំ ២០២៤ នេះ បានកើតឡើងជាង ៥០០ លើក នៅទូទាំងប្រទេស បណ្ដាលឲ្យមនុស្សស្លាប់ ១៣ នាក់ របួស ៣៦ នាក់ និងបំផ្លាញផ្ទះជាង ៥០០ ខ្នង ព្រមទាំងអគារផ្សេងៗ មួយចំនួនទៀត។
លោក សុទ្ធ គឹមកុលមុនី អ្នកនាំពាក្យគណៈកម្មាធិការជាតិគ្រប់គ្រងគ្រោះមហន្តរាយ មានប្រសាសន៍នៅព្រឹកថ្ងៃទី ០៤ កក្កដា នេះថា រយៈពេល ៦ ខែ ឆ្នាំ ២០២៤ នេះ គ្រោះអគ្គិភ័យបានកើតឡើងចំនួន ៥១០ លើក បណ្តាលឲ្យខូចខាតផ្ទះ ៥២៧ ខ្នង ឆេះតូបផ្សារ ១០៥ តូប ឃ្លាំងទំនិញ ១២ រោងចក្រសិប្បកម្ម ១៩ អគាររដ្ឋបាល ១១ កន្លែង ស្លាប់មនុស្ស ១៣ នាក់ និងរបួស ៣៦ នាក់។
លោកបានបន្តថា ក្នុងចំណោមអគ្គិភ័យទាំង ៥១០ លើក ក្នុងនោះកើតនៅរាជធានីភ្នំពេញច្រើនជាងគេ មានរហូតដល់ទៅ ៨០ លើក បណ្តាលឲ្យខូចខាតផ្ទះ ១០០ ខ្នង តូបផ្សារ ១៨ ឃ្លាំងទំនិញ ៥ រោងចក្រសិប្បកម្ម ៥ ស្លាប់មនុស្ស ១ នាក់ និងរបួស ៨ នាក់។ ក្រៅពីនេះ ខេត្តដែលមានអ្នកស្លាប់ដោយអគ្គិភ័យរួមមាន ៖ កណ្តាល ១ នាក់ តាកែវ ១ នាក់ ស្វាយរៀង ២ នាក់ ក្រចេះ ១ នាក់ កំពង់ធំ ១ នាក់ កំពង់ឆ្នាំង ១ នាក់ បាត់ដំបង ១ នាក់ សៀមរាប ៣ នាក់ ព្រះវិហារ ១ នាក់។
លោកបានបន្តទៀតថា គ្រោះអគ្គិភ័យរយៈពេល ៦ ខែ ឆ្នាំនេះ បើប្រៀបធៀបទៅនឹងរយៈពេល ៦ ខែដូចគ្នាឆ្នាំ ២០២៣ កន្លងទៅ ឃើញថា មានការកើនឡើង ខណៈ ៦ ខែ ឆ្នាំមុន គ្រោះអគ្គិភ័យបានកើតឡើងចំនួន ៣៣៧ លើក បណ្តាលឲ្យឆេះផ្ទះចំនួន ៣៧២ ខ្នង តូបផ្សារ ៥៩ តូប ឃ្លាំងទំនិញ ៨ កន្លែង សាលារៀន ១ ខ្នង រោងចក្រសិប្បកម្ម ៦ កន្លែង អគាររដ្ឋបាល ៦ កន្លែង ស្លាប់មនុស្ស ១៤ នាក់ និងរបួស ២៧ នាក់។
បើតាម លោកឧត្ដមសេនីយ៍ឯក នេត វន្ថា ប្រធាននាយកដ្ឋាននគរបាលបង្ការពន្លត់អគ្គិភ័យ និងសង្គ្រោះ នៃអគ្គស្នងការដ្ឋាននគរបាលជាតិ ធ្លាប់បានបញ្ជាក់ឲ្យដឹងថា ដើមចមដែលនាំឲ្យមានគ្រោះអគ្គិភ័យកើតឡើង បណ្ដាលមកពីការឆ្លងចរន្តអគ្គិសនីចំនួន ៤១.៥៥ ភាគរយ, ប្រើប្រាស់ភ្លើងចំនួន ៣៨.២៤ ភាគរយ និងក្ដាប់មិនបានចំនួន ២០.២១ ភាគរយ៕
អត្ថបទ ៖ សំអឿន
-
ព័ត៌មានជាតិ១ សប្តាហ៍ agoប្រាសាទសក្ល នៅតែជាគោលដៅទាក់ទាញ សម្រាប់អ្នកស្រាវជ្រាវ និងភ្ញៀវទេសចរ ស្វែងយល់អរិយធម៌ខ្មែរ
-
ព័ត៌មានជាតិ៦ ថ្ងៃ agoអភិបាលរាជធានី ណែនាំឱ្យអាជ្ញាធរយកចិត្តទុកដាក់ខ្ពស់ចំពោះគ្រួសារយុទ្ធជនជួរមុខនៅក្នុងមូលដ្ឋាន
-
សន្តិសុខសង្គម៣ ថ្ងៃ agoជនដៃដល់ចាប់ជំរិតក្មេងស្រីអាយុ ៥ ឆ្នាំ ទុកពេលឲ្យឪពុកម្តាយ ១ ម៉ោង ជាថ្នូរដូរយកលុយ ១ ម៉ឺនដុល្លារ តែអកុសលក្មេងរងគ្រោះបានស្លាប់
-
ព័ត៌មានជាតិ១ សប្តាហ៍ agoក្រសួងវប្បធម៌ ព្រមានចាត់វិធានការច្បាប់លើជនដែលនៅតែបន្តកែច្នៃ ប្រើគ្រឿងលម្អយកគំរូគ្រឿងឥស្សរិយយស«ព្រះរាជមហាកណ្ឋាភណ្ឌគ្រងរាជសម្បត្តិ»
-
ព័ត៌មានជាតិ១ សប្តាហ៍ agoថៃលុបMoU 2001៖ សម្ដេចតេជោប្រាប់ថៃថា កុំបបួលកម្ពុជាចរចាទ្វេភាគីទៀត ត្រូវដឹកដៃគ្នាទៅរកយន្តការអន្តរជាតិ
-
ព័ត៌មានជាតិ១២ ម៉ោង agoសមត្ថកិច្ចខេត្តកំពតបង្ក្រាបទីតាំងប្តូរសម្បកបាវស្ករសអក្សរថៃនាំចូលពីថៃ ទៅជាបាវអក្សរវៀតណាម ដើម្បីបំភាន់ភ្នែកសមត្ថកិច្ច និងចលនាពហិការផលិតផលថៃ
-
ព័ត៌មានជាតិ៥ ថ្ងៃ agoក្រសួងសុខាភិបាល ត្រៀមបង្ការ និង ទប់ស្កាត់ការនាំចូលជំងឺឆ្លង ហាន់តា នៅអាកាសយានដ្ឋានអន្តរជាតិតេជោ
-
ព័ត៌មានជាតិ៥ ថ្ងៃ agoប្រព័ន្ធហ្វឹកហ្វឺនអាវុធជាអំណោយរបស់ឥណ្ឌា នឹងរួមចំណែកលើកកម្ពស់សមត្ថភាពកងទ័ពជើងគោកកម្ពុជា