ចរាចរណ៍
ម៉ូតូ ២ គ្រឿង ជិះបុករថយន្ត ១ គ្រឿង កំពុងឆ្លងផ្លូវ ពេញទំហឹង ស្លាប់ ២ នាក់ និងរងរបួស ២ នាក់
ម៉ូតូហុងដាឌ្រីម ២ គ្រឿង ជិះបុករថយន្តឡិចស៊ីស ៣៣០ ១ គ្រឿង កំពុងបើកឆ្លងផ្លូវពេញទំហឹង បណ្ដាលឱ្យមនុស្ស ២ នាក់ ស្លាប់នៅនឹងកន្លែង រីឯ ២ នាក់ទៀត រងរបួសធ្ងន់ និងស្រាល។
ហេតុការណ៍នេះបានកើតឡើងកាលពីវេលាម៉ោង ៩ និង ១០ នាទី យប់ ថ្ងៃទី ២៥ ខែធ្នូ ឆ្នាំ ២០២៤ នៅតាមបណ្ដោយផ្លូវ ៩២ កែងផ្លូវ ១០១៥ ស្ថិតក្នុងសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។
ក្នុងចំណោមជនរងគ្រោះទាំង ៤ នាក់ មានម្នាក់ឈ្មោះ ម៉ន ពៅ ភេទប្រុស អាយុ ២២ ឆ្នាំ មុខរបរ ជាងដែក ស្រុកកំណើតនៅភូមិស្អំ ឃុំក្រែក ស្រុកពញាក្រែក ខេត្តត្បូងឃ្មុំ (ស្លាប់)។ ចំណែក ៣ នាក់ផ្សេងទៀត មិនមានអត្តសញ្ញាណនោះឡើយ។
តាមប្រភពពីកន្លែងកើតហេតុបាននិយាយថា នៅមុនពេលកើតហេតុ គេឃើញរថយន្តម៉ាកឡិចស៊ីស ៣៣០ ពណ៌ស ពាក់ស្លាកលេខភ្នំពេញ 2AP-2098 បើកតាមបណ្ដោយផ្លូវ ៩២ ទិសដៅពីកើតទៅលិច ក្នុងល្បឿនយ៉ាងលឿន លុះមកដល់ត្រង់ចំណុចផ្លូវបំបែកជាបួន រថយន្តខាងលើបានបើកឆ្លងផ្លូវ ទិសដៅពីជើងទៅត្បូង ចូលផ្លូវ ១០១៥។ ស្របពេលនោះ ក៏មានម៉ូតូហុងដាឌ្រីមចំនួន ២ គ្រឿង បុកពេញទំហឹង ដោយ ១ គ្រឿង ជិះគ្នា ២ នាក់ មានស្លាកលេខភ្នំពេញ 1JE-2135 ខ្ទាតបោកទៅនឹងចិញ្ចើមផ្លូវ និងចង្ក្រានអាំងសាច់ ដែលទុកចោល បណ្តាលឱ្យបាត់បង់ជីវិតទាំង ២ នាក់ តែម្ដង។ ចំណែកម៉ូតូ ១ គ្រឿង ពណ៌ស ពាក់ស្លាកលេខភ្នំពេញ 1KG-5315 ជិះគ្នា ២ នាក់ រងរបួសធ្ងន់ម្នាក់ និងស្រាលម្នាក់។
ប្រភពបានបន្តថា ភ្លាមៗ រថយន្តបង្កខាងលើ បានបើករត់ពីកន្លែងកើតហេតុ ប៉ុន្តែត្រូវបានប្រជាពលរដ្ឋនាំគ្នាដេញឃាត់យកមកកន្លែងកើតហេតុវិញ ប្រគល់ឱ្យសមត្ថកិច្ចនគរបាលនាំទៅប៉ុស្តិ៍នគរបាលផងដែរ។ ដោយឡែកជនរងគ្រោះរងរបួស ត្រូវបានរថយន្តសង្គ្រោះរបស់មន្ទីរពេទ្យបង្អែកខណ្ឌសែនសុខ ដឹកយកទៅសង្គ្រោះបន្ទាន់នៅមន្ទីរពេទ្យព្រះកុសុមៈ។
ក្រោយកើតហេតុសមត្ថកិច្ចមូលដ្ឋាន សហការជាមួយ ជំនាញ នៃការិយាល័យចរាចរណ៍ផ្លូវគោករាជធានី ដើម្បីនាំយករថយន្តបង្ក និងអ្នកបើកបរ រួមទាំងម៉ូតូជនរងគ្រោះ យកទៅរក្សាទុក រង់ចាំដោះស្រាយថ្ងៃក្រោយ។
ចំណែកសពម្នាក់ដែលមានសាច់ញាតិ សមត្ថកិច្ចនគរបាល បានធ្វើលិខិតប្រគល់សពជូនក្រុមគ្រួសារយកទៅធ្វើបុណ្យតាមប្រពៃណីនៅស្រុកកំណើត។ រីឯសពម្នាក់ទៀត មិនមានសាច់ញាតិ សមត្ថកិច្ចបានឲ្យរថយន្តដឹកយកទៅតម្កល់នៅវត្តទឹកថ្លា សង្កាត់ទឹកថ្លា ដើម្បីរង់ចាំសាច់ញាតិមកទទួល៕
អត្ថបទ ៖ សំណាង
រដ្ឋាករទឹកប្រកាសពីស្ថានភាព ទឹកល្អក់កករ នៅសង្កាត់មួយចំនួនក្នុងរាជធានីភ្នំពេញ
តំណាងដ៏ខ្ពង់ខ្ពស់ សម្តេចមហាបវរធិបតីនាយករដ្ឋមន្ត្រី និងលោកជំទាវបណ្ឌិត ប្រគេនបច្ច័យសាងសង់ខ្លោងទ្វារវត្តឥន្ទរិទ្ធី (ហៅវត្តបារាយណ៍)
ក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
ស្ទឹងសង្កែនៅប៉ែកខាងក្រោមរីងស្ងួត និងកំពុងប្រែក្លាយជាផ្លូវរទេះ
សហជីពធំៗពីរបន្ថែមទៀត ប្រកាសគាំទ្រយ៉ាងពេញទំហឹងចំពោះការបង្កើតច្បាប់ដាក់ក្រុមប្រឆាំងជ្រុលនិយម ទៅជាក្រុមភេរវករ
ក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
សមត្ថកិច្ចកម្ពុជា បញ្ជូនបុរសជនសង្ស័យបាញ់សម្លាប់ លោក លិម គិមយ៉ាទៅឱ្យភាគីថៃ
កំពុងភ្លើងឆេះព្រៃធ្ងន់ធ្ងរផង, រដ្ឋកាលីហ្វ័រញ៉ា ស្រាប់តែកើតរញ្ជួយដីផ្ទួនៗទៀត
ស្ទឹងសង្កែនៅប៉ែកខាងក្រោមរីងស្ងួត និងកំពុងប្រែក្លាយជាផ្លូវរទេះ
ត្រឹម ៥ ថ្ងៃ ផ្លូវ ៦០ ម៉ែត្រ ឆក់យកជីវិតមនុស្ស ៤ នាក់ ក្នុងហេតុការណ៍ គ្រោះថ្នាក់ចរាចរណ៍ ២ ករណី ផ្សេងគ្នា
-
ព័ត៌មានជាតិ២ ថ្ងៃ agoមេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
-
ចរាចរណ៍៦ ថ្ងៃ agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ព័ត៌មានជាតិ៣ ថ្ងៃ agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ចរាចរណ៍១ ថ្ងៃ agoករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
-
ព័ត៌មានជាតិ១ ថ្ងៃ agoអ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ
-
ព័ត៌មានជាតិ៣ ថ្ងៃ agoសមត្ថកិច្ចកម្ពុជា នឹងបញ្ជូនជនដៃដល់បាញ់លោក លិម គិមយ៉ា ទៅឱ្យថៃវិញ តាមសំណើររបស់នគរបាលថៃ ស្របតាមច្បាប់ បន្ទាប់ពីបញ្ចប់នីតិវិធី
-
ព័ត៌មានជាតិ២ ថ្ងៃ agoក្រសួងការពារជាតិកំពុងពិនិត្យករណីអ្នកលក់អនឡាញយកឡានសារ៉ែនបើកផ្លូវទៅចូលរួមមង្គលការ
-
ចរាចរណ៍៦ ថ្ងៃ agoសមត្ថកិច្ច បានឃាត់ខ្លួនអ្នកបើករថយន្តបុកតារារ៉េបម្នាក់ យកទៅសួរនាំអនុវត្តតាមនីតិវិធី