ចរាចរណ៍

រថយន្ដពីរគ្រឿងបុកគ្នាក្រឡាប់ផ្ងារជើងកៀបជាប់អ្នកបើកបរក្នុងកាប៊ីន

បានផុស

៣ years មុន

នៅ

ថ្ងៃពុធ ៣១ មីនា ២០២១

ដោយ

បុរសម្នាក់កៀបជាប់ក្នុងកាប៊ីនរថយន្តរងរបួសស្រាល ក្នុងហេតុការណ៍គ្រោះថ្នាក់ចរាចរណ៍រវៀងរថយន្តធនតូចបុករថយន្តធុនធំបើកបត់ឆ្វេងកាត់មុខក្រឡាប់ថ្ងៃជើង ។

ហេតុការណ៍គ្រោះថ្នាក់ចរាចរណ៍ខាងលើនេះបានកើតឡើងនៅវេលាម៉ោង៩និង១០នាទី ថ្ងៃទី៣១ ខែមីនា ឆ្នាំ២០២១ នៅលើកំណាត់ផ្លូវជាតិលេខ៥ ចន្លោះបង្គោលគីឡូម៉ែត្រលេខ៨៦និង៨៧ត្រង់ចំណុចផ្លូវបំបែកចូលរោងទឹកកក ស្ថិតក្នុងភូមិត្រពាំងចឹក្សា សង្កាត់កំពង់ឆ្នាំង ក្រុងនិងខេត្តកំពង់ឆ្នាំង ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចនគរបាលក្រុងកំពង់ឆ្នាំងបានឲ្យដឹងថា ក្នុងហេតុការនេះគឺរថយន្តម៉ាកហ៊ីយ៉ាន់ដាយពណ៍ស ពាក់ស្លាក់លេខព្រះស៊ីហនុ 3A 7277អ្នកបើកបរមិនស្គាល់អត្តសញ្ញាណ ។ និងមួយគ្រឿងទៀតម៉ាកហ៊ីយ៉ានដាយធុនតូច ពណ៍ទឹកក្រូច ពាក់ស្លាកលេខ PP 3F4851 អ្នកបើកបរឈ្មោះនួនសុខឿន ភេទប្រុស អាយុ៤២ឆ្នាំរស់នៅក្នុងភូមិប្រស្និប ឃុំប្រស្និប ស្រុកអង្គស្នួល ខេត្តកណ្តាល បើកបររថយន្តឲ្យក្រុមហ៊ុនវរះប៊ុនថាំ។

ប្រជាពលរដ្ឋដែលបានឃើញហេតុការណ៍ខាងលើនេះនិយាយឲ្យដឹងថា មុនពេលកើតហេតុពួកគាត់បានឃើញរថយន្ត២គ្រឿងបើកបន្តកន្ទុយគ្នាពីជើងទៅត្បូង លុះដល់ចំណុចចុះទួលរថយន្តធុនធំមានបានបត់ឆ្វេងស្រាប់តែត្រូវបានរថយន្តធុនតូចរបស់ក្រុមហ៊ុនវីរៈប៊ុនថាំបានបុកចំពាក់កណ្តាល បណ្ដាលឱ្យក្រឡាប់ផ្ងារជើងតែម្ដង ។

ក្រោយពេលកើតហេតុប្រជាពលរដ្ឋក៏ដូចជាសមត្ថកិច្ចនគរបាលចរាចរណ៍ក្រុង និងខេត្តបានចុះដល់កន្លែងកើតហេតុជួយធ្វើអន្តរាគមន៍យករថយន្តទាញអ្នកបើកបរដែលកៀបជាប់ក្នុងកាប៊ីនរថយន្តចេញមកក្រៅដោយមានរបួសស្រាលបន្តិចបន្តួចតែប៉ុណ្ណោះ ។

ករណីគ្រោះថ្នាក់ខាងលើនេះត្រូវបានសមត្ថកិច្ចសន្និដ្ឋានថា មកពីការបើកបររថយន្តធំបត់ឆ្វេងមិនមើលក្រោយខ្វះការប្រុងប្រយ័ត្នទើបបណ្ដាលឲ្យមានគ្រោះថ្នាក់ដូចនេះ ៕

អត្ថបទ ៖ ឈៀងថារិទ្ធ