សន្តិសុខសង្គម

មន្ត្រីជំនាញ ឃាត់រថយន្ត ១ គ្រឿង ដឹកស៊ុតមាន់ ៩ ម៉ឺន ៦ ពាន់គ្រាប់ ខុសច្បាប់មកពីវៀតណាម

បានផុស

១ year មុន

នៅ

ថ្ងៃព្រហស្បតិ៍ ៦ កុម្ភៈ ២០២៥

ដោយ

មន្ត្រីជំនាញ ធ្វើការត្រួតពិនិត្យ និងឃាត់រថយន្ត ១ គ្រឿង ដែលដឹកស៊ុតមាន់ចំនួន ៩៦ ០០០ គ្រាប់ នាំចូលពីប្រទេសវៀតណាម តាមច្រកភ្នំដិន រួចបន្តទៅលក់ចែកចាយនៅស្រុកបរិបូណ៍ ខេត្តកំពង់ឆ្នាំង ដោយគ្មានលិខិតអនុញ្ញាតអ្វីទាំងអស់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីវេលាម៉ោង ១៣ និង ០៥ នាទី ថ្ងៃទី ០៦ ខែកុម្ភៈ ឆ្នាំ ២០២៥ នេះ ក្រុមការងារអន្តរាគមន៍បង្ក្រាបបទល្មើសចលនាសត្វ នៃអគ្គនាយកដ្ឋានសុខភាពសត្វ និងផលិតកម្មសត្វ សហការជាមួយការិយាល័យផលិតកម្ម និងបសុព្យាបាល នៃមន្ទីរកសិកម្ម រុក្ខាប្រមាញ់ និងនេសាទខេត្តកំពង់ឆ្នាំង ចុះប្រតិបត្តិការ ដោយធ្វើការត្រួតពិនិត្យជាក់ស្ដែងលើការដឹកជញ្ជូនសត្វ និងផលិតផលសត្វ ក្នុងរថយន្ត ១ គ្រឿង ម៉ាក HYUNDIA ពាក់ស្លាកលេខ ភ្នំពេញ ៣F-៥៤៩១ ឃាត់នៅលើផ្លូវជាតិលេខ ៥ ជិតរង្វង់មូលរូបសំណាកឆ្នាំងដី ឃុំអណ្ដូងស្នាយ ស្រុករលាប្អៀរ ខេត្តកំពង់ឆ្នាំង។

កិច្ចប្រតិបត្តិការនេះ មន្ត្រីជំនាញ បានរកឃើញស៊ុតមាន់ចំនួន ៣២០ ដុំ ស្មើនឹង ៩៦ ០០០ គ្រាប់ ដែលស៊ុតមាន់ទាំងអស់នេះ បាននាំចូលពីប្រទេសវៀតណាម តាមច្រកភ្នំដិន ស្រុកគីរីវង់ ខេត្តតាកែវ រួចដឹកជញ្ជូនបន្តទៅលក់ចែកចាយ នៅស្រុកបរិបូណ៍ ខេត្តកំពង់ឆ្នាំង ដោយគ្មានលិខិតអនុញ្ញាតអ្វីទាំងអស់។