មូលនិធិក្រុមហ៊ុន WOWNOW សម្រាប់ជនភៀសសឹក

     នាថ្ងៃទី ១០ ដល់ថ្ងៃទី ១៣ ខែធ្នូ ឆ្នាំ២០២៥ ក្រុមហ៊ុន WOWNOW បានបើកមូលនិធិទទួលអំណោយជាសម្ភារៈប្រើប្រាស់ និងគ្រឿងឧបភោគបរិភោគពីសប្បុរសជននានា ដើម្បីចែកជូនបងប្អូនប្រជាពលរដ្ឋដែលជាជនភៀសសឹក រងគ្រោះដោយការឈ្លានពានពីសំណាក់កងទ័ពសៀម។ ហើយនៅថ្ងៃទី១៤ ខែធ្នូ ឆ្នាំ២០២៥ ក្រុមការងារ WOWNOW បាននាំយកនូវអំណោយរបស់សប្បុរសជន ទៅចែកជូនប្រជាពលរដ្ឋដែលជាជនភៀសសឹកក្នុងខេត្តសៀមរាប។

     ក្រៅពីអំណោយដែលទទួលបានមកពីសប្បុរសជន ក្រុមហ៊ុន WOWNOW ក៏បានរៀបចំសម្ភារៈប្រើប្រាស់ និងអាហារបន្ថែមសរុបជាង ៨ តោនមានដូចជា៖

• អង្ករ ចំនួន ៣៥០០ គីឡូក្រាម (បីតោនកន្លះ)
• ទឹកដោះគោ និងភេសជ្ជៈផ្សេងៗ ចំនួន ១៥០ កេស
• ត្រីងៀត និងសាច់ក្រក ចំនួន ៣០០ គីឡូក្រាម
• ទឹកសុទ្ធចំនួន ៣០០ កេស
• ខោអាវ និងមុងភួយ ចំនួន ៤០ ថង់
• សាប៊ូ និងសំឡីអនាម័យ ចំនួន ១០ កេស
• ម៉ាស់ការពារផ្សែងពុល និងសំឡីម៉ាស់ ចំនួន ១ កេស
• ទឹកស៊ីអ៊ីវ និងទឹកត្រី ចំនួន ២០ យួរ និងគ្រឿងសម្ភារៈប្រើប្រាស់ផ្សេងៗជាច្រើនមុខទៀត។

     ក្រុមហ៊ុន WOWNOW សូមថ្លែងអំណរគុណដល់ក្រុមហ៊ុននានា ដែលបានចូលរួមបរិច្ចាគ ជាមួយមូលនិធិរបស់ WOWNOW ដើម្បីចែកជូនប្រជាពលរដ្ឋដែលជាជនភៀសសឹក ដែលកំពុងខ្វះខាត និងត្រូវការជំនួយជាចាំបាច់។ តាមរយៈមូលនិធិនេះដែរ ក៏បានបង្ហាញនូវសា្មរតីស្នេហាជាតិ និងកម្លាំងសាមគ្គីជាតិខ្មែរ ដែលចេះជួយគ្នា រួមគ្នាជាធ្លុងមួយក្នុងគ្រាដែលប្រទេសជាតិកំពុងរងគ្រោះដោយការឈ្លានពានពីសំណាក់បរទេសជិតខាង។

ដៃគូរសហការដែលបានចូលរួមបរិច្ចាគ រួមមាន៖

១.ក្រុមហ៊ុន VTenh
២.ក្រុមហ៊ុនទឹកបរិសុទ្ធគិរីរម្យ
៣.ក្រុមហ៊ុន美伦美奂
៤.ក្រុមហ៊ុន Anken Auto
៥.ក្រុមហ៊ុន Provida
៦. Vanna Restaurant
៧. ក្រុម​កីឡា​អេឡិចត្រូនិក​​ CFU Gaming

     ហើយក្រុមហ៊ុន WOWNOW ក៏នៅតែបន្តទទួលជំនួយសម្រាប់ជនភៀសសឹកនៅតាមបណ្ដាទីតាំងផ្សេងៗទៀត។ បងប្អូនសប្បុរសជនទាំងអស់ អាចបន្តបរិច្ចាគបានដោយផ្ទាល់នៅការិយាល័យកណ្តាលរបស់ក្រុមហ៊ុន WOWNOW ឬតាមរយះ WOWNOW តាក់ស៊ីផ្ទាល់ដោយដាក់ទីតាំងមកការិយាល័យកណ្តាល WOWNOW ផ្លូវ ៣១០។

WOWNOW Hotline:
Cellcard: 0763777022
Metfone: 0313777022
Smart: 0963777022