កីឡា
ក្លិបបាល់ទាត់កំពូលអឺរ៉ុប ២ បានបង្ហោះកីឡាកររបស់ខ្លួននៅប្រាសាទអង្គរវត្តក្នុងខែនេះ
ក្លិបបាល់ទាត់នៅតំបន់អឺរ៉ុបចំនួន ២ បានបង្ហោះកីឡាកររបស់ខ្លួនស្ថិតនៅប្រាសាទអង្គរវត្ត ក្នុងខេត្តសៀមរាប ប្រទេសកម្ពុជា ដែលជាផ្នែកមួយដ៏សំខាន់ក្នុងការជួយផ្សព្វផ្សាយពីវិស័យទេសចរណ៍កម្ពុជា។
កាលពីថ្ងៃទី២៤ ខែធ្នូ ឆ្នាំ ២០២៥ ក្លិបបាល់ទាត់ Getafe C.F ដែលជាសមាជិកលីគបាល់ទាត់កំពូលអេស្ប៉ាញ Laliga បានបង្ហោះកីឡាកររបស់ខ្លួនឈ្មោះ Carlos នៅប្រាសាទក្នុងខេត្តសៀមរាប។ ក្លិបបានសរសេរថា ៖«វាជាពេលវេលាវិស្សមកាល ពេលវេលាធ្វើដំណើរ។ Carlos ស្ថិតនៅក្នុងប្រទេសកម្ពុជា»។
ក្លិបបាល់ទាត់ Getafe C.F មានអ្នកតាមដាននៅលើផេកផ្លូវការរបស់ខ្លួនចំនួនជាង ២.៥ លាននាក់ ហើយការបង្ហោះរូបភាពរបស់កីឡាករខ្លួននៅប្រាសាទបុរាណខ្មែរមានចែករំលែកបន្តជិត ១ ម៉ឺននាក់។
កាលពីថ្ងៃទី២៨ ខែធ្នូ ឆ្នាំ ២០២៥ ក្លិបបាល់ទាត់ Sporting CP នៃលីគបាល់ទាត់កំពូលព័រទុយហ្គាល់ បានបង្ហាញកីឡាកររបស់ខ្លួនស្ថិតនៅប្រាសាទអង្គរវត្ត ខេត្តសៀមរាប ប្រទេសកម្ពុជា។ ក្លិបបានសរសេរថា «រលកបៃតងរបស់យើងនៅថ្ងៃកីឡា»។ ផេកផ្លូវការរបស់ក្លិប Sporting CP មានអ្នកតាមដានជាង ៣ លាននាក់ ហើយការបង្ហោះនេះមានអ្នកចែករំលែកបន្តរាប់ពាន់នាក់។
ការបង្ហោះរូបភាពពីកីឡាករ ឬអ្នកគាំទ្ររបស់ក្លិបនៅតំបន់អឺរ៉ុបដែលភ្ជាប់ជាមួយប្រាសាទបុរាណខ្មែរគឺជាផ្នែកមួយដ៏សំខាន់ក្នុងការផ្សព្វផ្សាយតំបន់ទេសចរណ៍កម្ពុជាទៅកាន់ពិភពលោកឲ្យស្គាល់កាន់តែច្រើន។ ជាមួយគ្នានេះ ក៏ក្លិបក៏ទទួលបានការគាំទ្រ និងក្តីស្រឡាញ់កាន់តែច្រើនពីប្រជាជនកម្ពុជា។
ការបង្ហោះរូបភាពពីប្រាសាទបុរាណខ្មែររបស់កីឡាករ និងក្លិបបាល់ទាត់ធំៗនៅអឺរ៉ុបគឺបង្ហាញសុខសុវត្ថិភាពក្នុងការដើរកម្សាន្តនៅក្នុងប្រទេសកម្ពុជា បើទោះជាមានវិបត្តិព្រំដែនក៏ដោយ។ កន្លងមកក៏កីឡាករបាល់ទាត់ល្បីៗលំដាប់ពិភពលោកជាច្រើនបានមកទស្សនាប្រាសាទបុរាណខ្មែរនៅក្នុងខេត្តសៀមរាប៕
អត្ថបទ៖ វីរបុត្រ
-
ព័ត៌មានអន្ដរជាតិ១២ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ