ព័ត៌មានជាតិ
ឡូយមែន! ទោះបីនៅផ្ទះក៏អាចប្រើសេវាធនាគារបានដែរ
ស្ថិតក្នុងស្ថានភាព ដែលរដ្ឋាភិបាលបិទខ្ទប់មិនឲ្យពលរដ្ឋធ្វើដំណើរចេញក្រៅផ្ទះក្នុងរាជធានីភ្នំពេញនិងក្រុងតាខ្មៅនៃខេត្តកណ្តាល ប្រសិនបើអតិថិជនមានសេវាអេស៊ីលីដាម៉ូបាលប្រៀបបីដូចជាមានធនាគារមួយក្នុងផ្ទះដែរ ព្រោះសេវានេះអាចប្រើប្រាស់បានគ្រប់បែបយ៉ាង។
លោកស្រី សុខ សោភា នាយិកាប្រតិបត្តិជាន់ខ្ពស់ទីផ្សារ នៃធនាគារអេស៊ីលីដាបានមានប្រសាសន៍ថា មានអេស៊ីលីដាម៉ូបាលអតិថិជនអាចប្រើប្រាស់បានច្រើនយ៉ាងទៅតាមតម្រូវការដូចជាការផ្ទេរប្រាក់ទៅក្រុមគ្រួសារបងប្អូនឬផ្ទេរមកវិញ ការទូទាត់ទំនិញឬសំណើសុំខ្លីប្រាក់ពីធនាគារ បង់ទឹក ភ្លើង,បញ្ចូលទឹកប្រាក់ទូរសព្ទ, និងការបង់ប្រាក់ត្រឡប់ទៅធនាគារវិញផងដែរ ដោយមិនចាំបាច់ធ្វើដំណើរទៅកាន់ធនាគារឡើយ។ លោកស្រីបានបន្តថា កាន់តែពិសេសទៀតនោះ ការប្រើអេស៊ីលីដាម៉ូបាលនេះ ក៏ជួយអាចការពារអតិថិជនឲ្យចៀសផុតពីការឆ្លងជំងឺឆ្លងផ្សេងៗពិសេសជំងឺកូវីដ១៩ផងដែរ។
ធនាគារជាតិនៃកម្ពុជា ក៏បានលើកទឹកចិត្តឱ្យប្រើប្រាស់សេវាអេឡិចត្រូនិកផងដែរ ដើម្បីចូលរួម បង្ការនិងទប់ស្កាត់ការឆ្លងរាលដាលនៃជំងឺកូវីដ-១៩ ដែលកំពុងរាតត្បាតយ៉ាងធ្ងន់ធ្ងរ នៅក្នុង សហគមន៍។ ទន្ទឹមនេះ ធនាគារជាតិនៃកម្ពុជា ក៏សូមបន្តលើកទឹកចិត្ត ក្នុងការកាត់បន្ថយ ការប្រើប្រាស់ក្រដាសប្រាក់ក៏ដូចជាការប្រើប្រាស់/ចេញផ្សាយមូលប្បទានប័ត្រ សម្រាបធ្វើការ ផាត់ទាត់និងទូទាត់នានា ហើយជំនួសវិញដោយការប្រើប្រាស់ ការទូទាត់អេឡិចត្រូនិកតាម លទ្ធភាព ដែលអាចធ្វើទៅបាន។ ការប្រើប្រាស់សេវាទូទាត់អេឡិចត្រូនិក ដូចជាសេវាធនាគារ តាមកម្មវិធីទូរសព្ទចល័ត ក៏ដូចជា កម្មវិធីបាគង ដែលជាប្រព័ន្ធទូទាត់បែបទំនើបថ្មីមួយ នឹងផ្តល់ សុវត្ថិភាពខ្ពស់ភាពងាយស្រួលឆាប់រហ័ស និងចំណាយតិចផងដែរ។
លោក ហេង សួរ រដ្ឋលេខាធិការ និង ជាអ្នកនាំពាក្យក្រសួងការងារ និង បណ្ដុះបណ្ដាលវិជ្ជាជីវៈបានអំពាវនាវដល់ម្ចាស់រោងចក្រសហគ្រាសនៅតាមខេត្ត ដែលមិនស្ថិតនៅក្នុងតំបន់បិទខ្ទប់ឱ្យ ផ្លាស់ប្តូររបៀបប្រតិបត្តិការហិរញ្ញវត្ថុរបស់ខ្លួន ក្នុងការបើកប្រាក់ឈ្នួលជូនបងប្អូន កម្មករនិយោជិត។ លោក ហេង សួរ បានបញ្ជាក់ថា នៅក្នុងដំណាក់កាលបិទខ្ទប់នេះ ម្ចាស់ រោងចក្រសហគ្រាស នៅតាមបណ្តាខេត្ត ត្រូវប្រើប្រាស់ប្រព័ន្ធធនាគារ ដើម្បីផ្ទេរសាច់ប្រាក់ ពី គណនីធនាគាររបស់ខ្លួន នៅរាជធានីភ្នំពេញទៅសាខាធនាគារណាមួយ ដែលមានទីតាំង នៅក្បែររោងចក្រសហគ្រាសរបស់ខ្លួន ឬនៅទីរួមខេត្ត ដែលរោងចក្រសហគ្រាសរបស់ខ្លួនមាន អាសយដ្ឋាននៅ។ ការនាំគ្នាសម្រុកស្នើសុំលិខិតបេសកកម្ម ពីច្រកចេញចូលតែមួយរបស់ រដ្ឋបាលខេត្តនានា ដើម្បីឡើងមកភ្នំពេញបើកសាច់ប្រាក់ និងដឹកសាច់ប្រាក់ពីភ្នំពេញទៅខេត្ត វិញ មិនមែនជាជម្រើសដែលឆ្លាតវៃ និងសុវត្ថិភាពនោះទេ។ លោកស្រី សុខសោភា បានបន្ថែមថា សម្រាប់បងប្អូនដែលនៅមិនទាន់មានសេវាអេស៊ីលីដាម៉ូបាលនេះ សូមប្រញាប់ធ្វើការដោនឡូតតាមរយៈ APP Store , GooglePlay ឬAPPGalley ដើម្បីមានភាពងាយស្រួលក្នុងការចាយវាយប្រចាំថ្ងៃ ក្នុងអំឡុងពេលដែលរដ្ឋាភិបាលបិទខ្ទប់មិនឲ្យចេញពីផ្ទះនេះ៕
-
ព័ត៌មានអន្ដរជាតិ១១ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា