ព័ត៌មានអន្ដរជាតិ
លោក ពូទីន ព្រមានគ្រោះថ្នាក់នុយក្លេអ៊ែរ ក្នុងលិខិតសំដែងសមានទុក្ខមេដឹកនាំអ៊ីរ៉ង់
ក្រោយការប្រកាសដំណឹងផ្លូវការនៃ«ការធ្វើឃាត» មេដឹកនាំកំពូលអ៊ីរ៉ង់ លោក Ayatollah Ali Khamenei ក្នុងការវាយប្រហាររបស់សហរដ្ឋអាមេរិក-អ៊ីស្រាអែលនៅថ្ងៃទី១ខែមីនា មេដឹកនាំរុស្ស៊ីដែលជាសម្ព័ន្ធមិត្តសំខាន់បំផុតរបស់អ៊ីរ៉ង់ចាប់តាំងពីសង្គ្រាមរុស្ស៊ីនិងអ៊ុយក្រែនបានផ្ទុះឡើង គឺ លោក វ្ល៉ាឌីមៀរ ពូទីន បានបង្ហាញនូវការសោកស្ដាយយ៉ាងខ្លាំង និងបានផ្ញើសាររំលែកទុក្ខយ៉ាងជ្រាលជ្រៅ។
សារព័ត៌មាន themoscowtimes បានចេញផ្សាយថា នៅក្នុងសារមួយផ្ញើទៅកាន់ប្រធានាធិបតីអ៊ីរ៉ង់ លោក Masoud Pezeshkian ដែលបានចេញផ្សាយដោយវិមានក្រឹមឡាំង ប្រធានាធិបតីរុស្ស៊ី លោក វ៉្លាឌីមៀរ ពូទីន សរសេរថា «សូមទទួលយកការចូលរួមរំលែកទុក្ខដ៏ជ្រាលជ្រៅបំផុតរបស់ខ្ញុំ ទាក់ទងនឹងការធ្វើឃាតមេដឹកនាំកំពូលនៃសាធារណរដ្ឋអ៊ីស្លាមអ៊ីរ៉ង់ ដែលជាការប្រព្រឹត្តអំពើរំលោភបំពានយ៉ាងឃោរឃៅលើបទដ្ឋានសីលធម៌មនុស្សធម៌ និងច្បាប់អន្តរជាតិទាំងអស់»។
ខ្លឹមសារលិខិតបានលើកឡើងបន្តថា នៅក្នុងប្រទេសរុស្ស៊ី ប្រមុខដឹកនាំអ៊ីរ៉ង់ នឹងត្រូវបានគេចងចាំជានិច្ចថា ជាមេដឹកនាំដ៏ឆ្នើមម្នាក់ ដែលបានលះបង់ភាពរីករាយផ្ទាល់ខ្លួនរបស់លោក ដើម្បីនាំទំនាក់ទំនងរុស្ស៊ី-អ៊ីរ៉ង់ ទៅកាន់កម្រិតនៃភាពជាដៃគូយុទ្ធសាស្ត្រដ៏ទូលំទូលាយ។ ការចាកចេញរបស់លោក ត្រូវបានទីក្រុងមូស្គូចាត់ទុកថាជាការខាតបង់មិនត្រឹមតែចំពោះទីក្រុងតេហេរ៉ង់ប៉ុណ្ណោះទេ ប៉ុន្តែថែមទាំងចំពោះស្ថិរភាពនៃរចនាសម្ព័ន្ធសន្តិសុខក្នុងតំបន់ ដែលប្រទេសទាំងពីរបានកសាងជាមួយគ្នាអស់រយៈពេលជាច្រើនទសវត្សរ៍មកហើយ។
ជាមួយគ្នានោះដែរ ក្រសួងការបរទេសរុស្ស៊ីនៅថ្ងៃដដែលបានប្រកាសថ្កោលទោសយ៉ាងដាច់អហង្ការ ចំពោះការធ្វើឃាតអ្នកនយោបាយ រួមទាំងការ «តាមប្រមាញ់ធ្វើឃាត» មេដឹកនាំនៃរដ្ឋអធិបតេយ្យ។ នៅក្នុងនោះ ក្រសួងការបរទេសរុស្ស៊ីបានអំពាវនាវឲ្យមាន ការបន្ធូរបន្ថយភាពតានតឹងជាបន្ទាន់ ការបញ្ឈប់អរិភាព និងការវិលត្រឡប់ទៅរកដំណើរការនយោបាយ និងការទូត ដោយព្រមានថា ការវាយប្រហាររបស់សហរដ្ឋអាមេរិក-អ៊ីស្រាអែលលើអ៊ីរ៉ង់ នឹងនាំតំបន់នេះធ្លាក់ចូលទៅកាន់ជ្រោះមរណៈ ពោលគឺ«គ្រោះថ្នាក់នុយក្លេអ៊ែរ»៕
អត្ថបទ៖ សាង ស្រីល័ក្ខ
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ