កូវីដ-១៩
យុទ្ធនាការចាក់វ៉ាក់សាំង កូវីដ របស់ទ្វីបអាហ្រ្វិក កំពុងឈរជើង បន្ទាប់ពីឥណ្ឌាហាមឃាត់ការនាំចេញទៅឲ្យ COVAX យូរទៅៗ
មន្រ្តីសុខាភិបាលកំពូលរបស់ទ្វីបអាហ្រ្វិក បាននិយាយថា យុទ្ធនាការចាក់វ៉ាក់សាំងរបស់ទ្វីបអាហ្រ្វិក ដើម្បីប្រយុទ្ធប្រឆាំងនឹងជំងឺកូវីដ ១៩ កំពុងប្រឈមមុខនឹងការពន្យារពេលយ៉ាងខ្លាំង ដោយសារតែការហាមឃាត់ ការនាំចេញរបស់ប្រទេសឥណ្ឌា បន្ទាប់ពីប្រទេសមួយនេះ កំពុងរងការផ្ទុះឡើងវិញ នូវរលកទី ២ នៃជំងឺកូវីដ ១៩ ។
វ៉ាក់សាំង AstraZeneca ផលិតដោយវិទ្យាស្ថាន Serum នៃប្រទេសឥណ្ឌា គឺជាផ្នែកសំខាន់មួយនៃគំនិតផ្តួចផ្តើមកម្មវិធី COVAX ដែលគាំទ្រដោយ WHO ក្នុងការចែកចាយវ៉ាក់សាំង ដល់ប្រទេសដែលមានប្រាក់ចំណូលទាប និងមធ្យម ។
លោក John Nkengasong នាយកមជ្ឈមណ្ឌលគ្រប់គ្រង និងបង្ការជំងឺអាហ្វ្រិក បាននិយាយកាលពីថ្ងៃព្រហស្បតិ៍ថា វិបត្តិដ៏អាក្រក់របស់ប្រទេសឥណ្ឌា និងការសម្រេចបញ្ឈប់ ការនាំចេញវ៉ាក់សាំងទាំងអស់ដែលខ្លួនផលិតបាន ប៉ះពាល់យ៉ាងខ្លាំងដល់ការចាក់វ៉ាក់សាំង របស់ទ្វីបអាហ្រ្វិក ។
នៅក្នុងសន្និសីទសារព័ត៌មានប្រចាំសប្តាហ៍ លោក Nkengasong បានឲ្យដឹងថា ប្រទេសអាហ្វ្រិកមួយចំនួនបានចាក់វ៉ាក់សាំង AstraZeneca ដែលពួកគេបានទទួល ដោយរំពឹងថានឹងមានការចែកចាយថ្មីៗ សម្រាប់ការចាក់ដូសទី ២ ដល់ប្រជាជនរបស់ពួកគេ ។
លោក Nkengasong បាននិយាយថា ប៉ុន្តែជាលទ្ធផល ប្រទេសទាំងនោះមិនមានវ៉ាក់សាំង AstraZeneca ដើម្បីចាក់ឲ្យប្រជាជនរបស់ពួកគេ នូវដូសទី ២ ឡើយ ។ ទន្ទឹមនោះ លោកក៏បានស្នើឲ្យប្រើវ៉ាក់សាំងផ្សេងទៀតផងដែរ ដោយសារអ្វីដែលកំពុងកើតឡើងនៅក្នុងប្រទេសឥណ្ឌា នឹងមានការពន្យាពេលរយៈពេលកាន់តែយូរទៀត” ។
លោកបាននិយាយថា “បណ្តាប្រទេសនានា គួរតែពិនិត្យមើលជម្រើស នៃការប្រើវ៉ាក់សាំងចាក់តែមួយដូស Johnson & Johnson ដែលអាចរកបានតាមរយៈក្រុមការងារ ទទួលការចាក់វ៉ាក់សាំងរបស់សហភាពអាហ្រ្វិក” ។
លោក Nkengasong បានមានប្រសាសន៍ថាទ្វីបនេះមានចំនួនអ្នកឆ្លងចំនួន ៤.៧ លាននាក់ដែលត្រូវបានបញ្ជាក់រាប់បញ្ចូលទាំងការស្លាប់ចំនួន ១២៧,០០០ នាក់ចាប់តាំងពីការផ្ទុះវីរុសដែលមានចំនួន ៣ ភាគរយនៃការឆ្លងសកលនិង ៤ ភាគរយនៃការស្លាប់ទូទាំងពិភពលោក។
គួរបញ្ជាក់ថា គិតត្រឹមពេលនេះ ទ្វីបអាហ្វ្រិកមានករណីឆ្លងជំងឺកូវីដ ១៩ ជាង ៤.៧ លានករណី និងមានអ្នកស្លាប់ ១២៧,០០០ នាក់ ចាប់តាំងពីការផ្ទុះឡើង នៃរោគរាតត្បាតជាសកលមួយនេះ ៕
ប្រែសម្រួលដោយ ៖ ជីវ័ន្ត
ប្រភព ៖ Al Jazeera
ចុចអាន ៖ COVAX ផ្ដល់វ៉ាក់សាំងកូវីដ ១០០ លានដូសដល់ប្រទេសក្រីក្របំផុតនៅលើពិភពលោក
-
ព័ត៌មានអន្ដរជាតិ២ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៤ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
អត្ថាធិប្បាយ១ សប្តាហ៍ agoសេចក្ដីអធិប្បាយលើសុភាសិតខ្មែរ៖«អណ្តាតជាអាទិ៍កន្លង បានសុខទុក្ខផងពីព្រោះអណ្តាត»
-
កីឡា៥ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៧ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សន្តិសុខសង្គម២ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម