ទ្វីបអាហ្វ្រិក ប្រឈមនឹងការផ្ទុះឡើងនៃជំងឺអាសន្នរោគដ៏អាក្រក់បំផុតរយៈពេល២៥ឆ្នាំមិនធ្លាប់មាន

ទ្វីបអាហ្វ្រិកកំពុងប្រយុទ្ធប្រឆាំងនឹងការផ្ទុះឡើងនៃជំងឺអាសន្នរោគដ៏អាក្រក់បំផុតរបស់ខ្លួនក្នុងរយៈពេល២៥ឆ្នាំមិនធ្លាប់មាន ដោយមជ្ឈមណ្ឌលត្រួតពិនិត្យ និងបង្ការជំងឺអាហ្វ្រិក (CDC) បានរាយការណ៍ពីករណីជិតឆ្លង ៣០០,០០០ ករណី និងករណីស្លាប់ជាង ៧,០០០ នាក់រហូតមកដល់ពេលនេះក្នុងឆ្នាំ ២០២៥ដែលជាការកើនឡើងយ៉ាងខ្លាំងលើសចំនួនសរុបកាលពីឆ្នាំមុនទៅទៀត។ នេះបើយោងតាមការចេញផ្សាយរបស់សារព័ត៌មាន Al Jazeera នៅថ្ងៃទី១៤ខែវិច្ឆិកា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រទេសមួយចំនួនកំពុងមានការកើនឡើងវិញនៃការឆ្លងយ៉ាងសកម្ម។ ជាពិសេសជំងឺអាសន្នរោគរីករាលដាលតាមរយៈទឹកដែលមានមេរោគ ហើយអាចសម្លាប់មនុស្សក្នុងរយៈពេលប៉ុន្មានម៉ោងប្រសិនបើមិនបានព្យាបាល។ មជ្ឈមណ្ឌលត្រួតពិនិត្យ និងបង្ការជំងឺអាហ្វ្រិក (CDC) និយាយថា ជម្លោះ អនាម័យមិនល្អ និងការទទួលបានទឹកស្អាតមានកម្រិតកំពុងជំរុញវិបត្តិនេះ ជាពិសេសនៅក្នុងជំរំជនភៀសខ្លួន។

ចំពោះប្រទេសស៊ូដង់បានរងផលប៉ះពាល់ខ្លាំងជាងគេ ដោយមានករណីឆ្លងជាង ៧១,០០០ ករណី និងករណីស្លាប់ចំនួន ២,០០០ នាក់នៅឆ្នាំនេះ ខណៈដែលសង្គ្រាមបំផ្លាញប្រព័ន្ធទឹក និងធ្វើឱ្យការបំពុលកាន់តែអាក្រក់ទៅៗ។ ក្រុមវេជ្ជសាស្ត្រព្រមានថា ការផ្ទុះឡើងកំពុងកើនឡើង ដោយជំរុញឱ្យមានសកម្មភាពបន្ទាន់ដើម្បីកែលម្អការទទួលបានទឹក និងអនាម័យនៅទូទាំងតំបន់ដែលរងផលប៉ះពាល់៕

អត្ថបទ៖ ប៊ុន សុភាព