ខេត្តរតនគិរី រកឃើញអ្នកឆ្លងជំងឺកូវីដថ្មីតែ២នាក់ប៉ុណ្ណោះ និងជាសះស្បើយ៧៣នាក់

រដ្ឋបាលខេត្តរតនគិរីបានចេញសេចក្តីប្រកាសព័ត៌មាន ស្តីពីរកឃើញអ្នកឆ្លងជំងឺកូវីដ១៩ ចំនួន២នាក់ និងករណីជាសះស្បើយចំនួន៧៣នាក់ នៅថ្ងៃទី១២ ខែកក្កដា ឆ្នាំ២០២១។ នេះបើយោងតាមសេចក្តីប្រកាសព័ត៌មានពីរដ្ឋបាលខេត្តបានចេញប្រកាសព័ត៌មាន នៅថ្ងៃទី១៣ ខែកក្កដា ឆ្នាំ២០២១ ដែលកម្ពុជាថ្មី ទទួលបាន។

ក្រុមការងារឆ្លើយតបបន្ទាន់មន្ទីរសុខាភិបាល នៃរដ្ឋបាលខេត្តរតនគិរី បានខិតខំបន្តស្រាវជ្រាវ និងរកឃើញករណីវិជ្ជមានកូវីដ១៩ចំនួន២នាក់ថ្មីបន្ថែម សម្រាប់នៅថ្ងៃទី១២ ខែកក្កដា ឆ្នាំ២០២១ និងករណីព្យាបាលជាសះស្បើយចំនួន៧៣នាក់។ អ្នកជាសះស្បើយទាំង៧៣នាក់ ត្រូវបានអនុញ្ញាតឲ្យចេញពីមណ្ឌលព្យាបាល និងត្រូវបន្តធ្វើ​ចត្តាឡីស័ក ដោយខ្លួនឯងរយះពេល១៤ថ្ងៃបន្ថែមទៀត។

គិតត្រឹមថ្ងៃទី១៣ ខែកក្កដា ឆ្នាំ២០២១ ខេត្តរតនគិរីរកឃើញអ្នកវិជ្ជមានជំងឺកូវីដ១៩ សរុបចំនួន៦១៣នាក់ ព្យាបាលជាសះស្បើយសរុបចំនួន២៦៨នាក់ និងស្លាប់៤នាក់៕

អត្ថបទ ៖ វុទ្ធឦសាន