កីឡា
សហព័ន្ធកីឡាប្រដាល់គុនខ្មែរសម្រេចដាក់ពិន័យផ្អាកការងារស្នងការការប្រកួត ៦ សប្តាហ៍ និងអាជ្ញាកណ្តាល៤សប្តាហ៍
លោកឧត្ដមសេនីយ៍ឯក តែម ម៉ឺន ប្រធានសហព័ន្ធកីឡាប្រដាល់គុនខ្មែរ កាលពីថ្ងៃទី១៦ ខែកក្កដា ឆ្នាំ២០២១ បានបើកកិច្ច ប្រជុំតាមប្រព័ន្ធបច្ចេកវិទ្យា ZOOM ដើម្បីពង្រឹងការងារដឹងនាំ ជាពិសេសការងារបច្ចេកទេសសហព័ន្ធកីឡាប្រដាល់គុនខ្មែរឲ្យមានលក្ខន្តិកៈបទបញ្ជាផ្ទៃក្នុង និងបទបញ្ជាគ្រប់គ្រងការប្រកួតដែលបទបញ្ជាបច្ចេកទេសសម្រាប់គ្រប់គ្រងការប្រកួត។
កិច្ចប្រជុំនេះ ធ្វើឡើងបន្ទាប់ពីបានទទួលអនុសាសន៍ណែនាំដ៏ខ្ពង់ខ្ពស់ពីសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ក្រសួងអប់រំ យុវជន និង កីឡា និងគណៈកម្មធិការជាតិអូឡាំពិកកម្ពុជា។ សំណូមពរទាំង៥ របស់ក្រសួងអប់រំ យុវជន និង កីឡា មានដូចខាងក្រោម៖ អនុវត្តឲ្យបាននូវច្បាប់ប្រកួតបទបញ្ជាបច្ចេកទេសក្នុងកាប្រកួត ត្រូវកាត់សេចក្ដីដោយ យុត្តិធម៌បំផុត បែងចែកភារកិច្ច រវាងសហព័ន្ធទូរទស្សន៍ និង អ្នកឧបត្ថម្ភគាំទ្រ បន្តពង្រឹងគុណភាពមន្ត្រីបច្ចេកទេស និង មានវិធានការលើកទឹកចិត្តចំពោះមន្ត្រីដែលស កម្មនិងមានវិធានការអប់រំណែនាំព្រមទាំង ពង្រឹងចំពោះមន្ត្រីទាំងឡាយណាដែលអសកម្ម។
លោកឧត្តមសេនីយ៍ តែម ម៉ឺន ប្រធានសហព័ន្ធកីឡាប្រដាល់គុនខ្មែរសម្រេចដាក់ពិន័យផ្អាកការងារលោក មាស សុខគ្រី សមាជិកគណៈកម្មាធិការសហព័ន្ធកីឡា ប្រដាល់គុនខ្មែរ និងជាស្នងការប្រកួតប្រចាំស្ថានីយ៍ទូរទស្សន៍ CNC រយៈពេល៦ សប្ដាហ៍ ដែលមានកំហុសឆ្គង ក្នុងការផ្តល់យោបល់លើការកាត់សេចក្ដីប្រកួត រវាងកីឡាករ ឃីម បូរ៉ា និងកីឡាករ ម៉ឺន មេឃា មិនត្រឹមត្រូវតាមបទបញ្ជាបច្ចេកទេស នៃការប្រកួតរបស់សហព័ន្ធ។
សហព័ន្ធកីឡាប្រដាល់គុនខ្មែរ ក៏បានដាក់ពិន័យផ្អាកលើលោក រាម កុសល ជាអាជ្ញាកណ្តាលដឹកនាំការប្រកួតរយៈពេល ៤សប្តាហ៍ ដែលមានកំហុសឆ្គងធ្វេសប្រហែសនិងយឺតយ៉ាវ និងធ្វើការព្រមានដល់កីឡាករ ម៉ឺន មេឃា ជាលើកដំបូង ដែលប្រកួតខុសបច្ចេកទេស នៃការប្រកួត យ៉ាងធ្ងន់ធ្ងរ កាលពីថ្ងៃទី១០ ខែកក្កដា ឆ្នាំ ២០២១ នៅស្ថានីយ៍ទូរទស្សន៍ CNC ប្រកួតជាមួយកីឡាករ ឃីម បូរ៉ា មកពីក្លិបរស្មីភូមិគាប ខេត្តបន្ទាយមានជ័យ៕
អត្ថបទ៖ វិសិទ្ធ
-
ព័ត៌មានអន្ដរជាតិ២ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
អត្ថាធិប្បាយ១ សប្តាហ៍ agoសេចក្ដីអធិប្បាយលើសុភាសិតខ្មែរ៖«អណ្តាតជាអាទិ៍កន្លង បានសុខទុក្ខផងពីព្រោះអណ្តាត»
-
សេដ្ឋកិច្ច៤ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៥ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៧ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សន្តិសុខសង្គម៣ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម