ព័ត៌មានជាតិ
មន្ត្រីជំនាញអះអាងថា ការកើនឡើងសន្ទស្សន៍កាំរស្មី UVធ្វើឱ្យប៉ះពាល់ដល់ស្បែកនិងភ្នែកមនុស្ស
លោកវេជ្ជបណ្ឌិត លី សូវ៉ាន់ ប្រធាននាយកដ្ឋានប្រយុទ្ធនឹងជំងឺឆ្លងនៃក្រសួងសុខាភិបាលបានមានប្រសាសន៍នៅព្រឹកថ្ងៃទី១៨ ខែសីហានេះថា ការកើនឡើងសន្ទស្សន៍កាំរស្មីUV ចាប់ពី១០ឡើងទៅនេះ វាធ្វើឱ្យប៉ះពាល់ដល់សុខភាពរបស់មនុស្ស ពិសេសប៉ះពាល់ដល់ស្បែកអាចឱ្យងាយរលាកស្បែក សម្លាប់កោសិកាស្បែក ធ្វើឱ្យភ្នែកខូចគុណភាព ឬរលាកភ្នែកជាដើម។
លោកវេជ្ជបណ្ឌិតបានបន្តថា ករណីមួយទៀតនៅប្រទេសកម្ពុជាមិនមានទេ តែវាកើតឡើងនៅប្រទេសនៅជាប់ប៉ូលខាងជើង និងប៉ូលខាងត្បូង ដែលមានស្រទាប់អូហ្សូនស្តើងហើយមានមនុស្សខ្លះឧស្សាហ៍ដេកហាលថ្ងៃ អាចបង្កឱ្យមានជំងឺមហារីកស្បែក។
ការលើកឡើងរបស់លោកវេជ្ជបណ្ឌិត លី សូវ៉ាន់ នេះធ្វើឡើងបន្ទាប់ពីក្រសួងធនធានទឹកនិងឧត្តុនិយមដោយយោងតាមការស្រាវជ្រាវរបស់អង្គការឧតុនិយមពិភពលោក WMOបានបង្ហាញឲ្យឃើញនៅតំបន់ឥណ្ឌូចិន ចាប់ពីថ្ងៃទី១៨ ដល់ថ្ងៃទី២៤ ខែសីហា ឆ្នាំ២០២១ នេះ នឹងទទួលរងឥទ្ធិពលកាំរស្មីព្រះអាទិត្យ Uvដែលមានសន្ទស្សន៍កើនឡើងដល់កម្រិត១០ ដែលជាកម្រិតឲ្យមានការប្រុងប្រយ័ត្ននៅចន្លោះពីម៉ោង១០ ព្រឹក ដល់ម៉ោង០២រសៀល ដែលនឹងបង្កឲ្យមានហានិភ័យ និងប៉ះពាល់ដល់សុខភាពរបស់មនុស្ស សត្វនិងរុក្ខជាតិជាខ្លាំង ។
លោកវេជ្ជបណ្ឌិតបានណែនាំថា«អីចឹងដើម្បីបង្ការការការពារប្រជាពលរដ្ឋបើមិនចាំបាច់សូមកុំចេញពីផ្ទះក្នុងកំឡុងពេលពីម៉ោង១០ព្រឹកនេះទៅម៉ោង២រសៀល។ ប្រសិនយើងចង់ចេញត្រូវពាក់វ៉ែនតាខ្មៅការពារកម្តៅថ្ងៃ។ ត្រូវស្លៀកសំលៀកបំពាក់ជិតៗខ្លួន ហើយបាំងឆត្រ »។
លោកវេជ្ជបណ្ឌិតណែនាំដល់ប្រជាពលរដ្ឋត្រូវបង្កើនការប្រុងប្រយ័ត្នក្នុងកំឡុងពេលការកើនឡើងកម្តៅដែលប្រកាសដោយអង្គការឧតុនិយមពិភពលោកនេះ៕
អត្ថបទ ៖ សំអឿន
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម១៩ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ