ឡើងកាន់តំណែងមិនទាន់បាន១ឆ្នាំផង ពេលនេះនាយករដ្ឋមន្រ្តីជប៉ុន គ្រោងលាលែងវិញ

ប្រភពពីរដ្ឋាភិបាលបានឲ្យដឹងនៅថ្ងៃសុក្រនេះថា នាយករដ្ឋមន្រ្តីជប៉ុនលោក Yoshihide Suga មានបំណងលាលែងពីតំណែង ចំពេលមានការរិះគន់យ៉ាងខ្លាំងអំពីការឆ្លើយតបរបស់លោកចំពោះជំងឺរាតត្បាត កូវីដ-១៩។

ព័ត៌មាននេះបានកើតឡើងមិនដល់មួយឆ្នាំផង បន្ទាប់ពីលោក Suga ចូលកាន់តំណែង និងចំពេលគណបក្សប្រជាធិបតេយ្យសេរីនិយម (LDP) ដែលកំពុងកាន់អំណាចរបស់លោក រៀបចំការបោះឆ្នោតជ្រើសរើសប្រធាននៅថ្ងៃទី២៩ខែកញ្ញា។ 

មន្ត្រីបក្សនិយាយថា លោក Suga​ នឹងមិនឈរឈ្មោះទេ។ ប្រភពដដែលបន្តថា លោក Suga ក៏បានច្រានចោលផែនការរុះរើនាយកប្រតិបត្តិ LDP ផងដែរ។

ការប្រកួតប្រជែងនេះ បានកើតឡើងមុនការបោះឆ្នោតសកល ខណៈអាណត្តិសមាជិកសភាតំណាងរាស្ត្រ នឹងផុតនៅថ្ងៃទី២១ខែតុលា។

អតីតរដ្ឋមន្រ្តីក្រសួងការបរទេសលោក Fumio Kishida និងលោក Sanae Takaichi អតីតរដ្ឋមន្ត្រីក្រសួងកិច្ចការផ្ទៃក្នុងនិងគមនាគមន៍ សុទ្ធតែជាបុគ្គលដែលមានប្រជាប្រិយភាព៕

ប្រែសម្រួល៖ Vann Vann

ប្រភព៖ Kyodo

ចុចអាន៖ អ្នកនាំពាក្យនាយករដ្ឋមន្ត្រីជប៉ុន លាលែងតំណែងដោយសារអាហារពេលល្ងាចមួយពេល