សេដ្ឋកិច្ច
១១ ខែ កម្ពុជានាំចេញកសិផលទៅទីផ្សារ ៦៨ ប្រទេស ទឹកប្រាក់ជាង ៤ ពាន់លានដុល្លារ
ក្នុងរយៈពេល ១១ ខែ ឆ្នាំ ២០២១ កម្ពុជាបាននាំផលិតផលកសិផល (ដោយមិនបានរាប់បញ្ចូលផលិតផលជលផល ផលិតផលសត្វ ព្រៃឈើ និងឈើកៅស៊ូ) ទៅកាន់គោលដៅទីផ្សារ ៦៨ ប្រទេស មានទឹកប្រាក់ប្រមាណជាង ៤ ពាន់ ៤៣៥ លានដុល្លារសហរដ្ឋអាមេរិក។
តាមរយៈគេហទំព័រហ្វេសបុកផ្លូវការរបស់ លោក វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និង នេសាទ នៅព្រឹកថ្ងៃទី០១ ខែធ្នូ នេះបានឱ្យដឹងថា កសិផលដែលកម្ពុជាបាននាំចេញទាំងនោះរួមមាន អង្ករ មានចំនួនទឹកប្រាក់ជាង ៤៥៤ លានដុល្លារអាមេរិក, ស្រូវ មានចំនួនជាង ៥៤៦ លានដុល្លារអាមេរិក, កសិផលក្រៅពីស្រូវ-អង្ករ មានចំនួនជិត ៣ ពាន់ លានដុល្លារអាមេរិក និងកៅស៊ូធម្មជាតិមានជាង ៤៤៣ លានដុល្លារអាមេរិក។
រីឯបរិមាណកសិផលក្នុងរយៈពេល ១១ ខែ ឆ្នាំ ២០២១ នេះបាននាំចេញទៅក្រៅប្រទេស មានបរិមាណសរុបជាង ៧ លានតោន ទៅកាន់ទិសដៅ ៦៨ ប្រទេស មានការកើនឡើងជាង ៣ លានតោនស្មើនឹង ៨៧,៥៣% បើធៀបនឹងរយៈពេលដូចគ្នាក្នុងឆ្នាំ ២០២០ ដែលទទួលបានត្រឹមតែ ៣ ៦៨៧ ៦២៦,៨៦ តោន។
កសិផលសំខាន់ៗដែលបាននាំចេញមានដូចជាអង្ករមានជាង ៥៣២ ពាន់តោន ថយចុះជាង ៦៨ ពាន់តោន (-១១,៤៦%) បើធៀបនឹងបរិមាណនាំចេញក្នុងរយៈពេល ១១ ខែឆ្នាំ ២០២០ មានចំនួនជាង ៦០ ពាន់តោន។
ការនាំចេញស្រូវមានមរិមាណជាង ៣ លានតោន មានការកើនឡើងជាង ១ លានតោន (៧៥,៧៥%) បើធៀបនឹងរយៈពេលដូចគ្នានៅឆ្នាំ ២០២០ មានជាង ១ លាន ៧៧ ម៉ឺនតោន។
ការនាំចេញកសិផលក្រៅពីស្រូវ-អង្ករ ក្នុងរយៈពេល ១១ ខែ ឆ្នាំ ២០២១ មានចំនួនជាង ៤ លានតោន កើនឡើងជាង ១ លានតោន ស្មើនឹង ៤៩,៤៧% បើធៀបនឹងរយៈពេលដូចគ្នាក្នុងឆ្នាំ ២០២០ មានជាង ៣ លានតោន។
ដំឡូងមីស្រស់មានចំនួន ៨៨៧ ៧២០ តោន (កើនឡើងចំនួន ៣៣,៦៨%)។ ម៉្សៅដំឡូងមីមានចំនួន ៣០ ៤៧១,៧៤តោន (កើនឡើងចំនួន ១១%)។ កាកសំណល់ដំឡូងមីមានចំនួន ៨ ១៨៥ តោន (ថយចុះចំនួន -៣៤,១៥%)។ គ្រាប់ស្វាយចន្ទីមានចំនួន ៩២១ ០៦១,៤៧ តោន (កើនឡើងចំនួន ៣២៨,៩៦%)។ គ្រាប់ពោតមានចំនួន ១៧៨ ០៦៩,៣៤ តោន (ថយចុះចំនួន -៨,៤៥%)។ គ្រាប់សណ្តែកបាយមានចំនួន ២៦ ១៩២,៣៥តោន (កើនឡើងចំនួន ៣៣០,៨២%)។ គ្រាប់សណ្តែកសៀងមានចំនួន ៨៨ ១៦៥,០៤តោន (កើនឡើងចំនួន ២៨៣,២៤%)។ ផ្លែចេកស្រស់មានចំនួន ៣៩៥ ៨៦៣,៧៨តោន (កើនឡើងចំនួន ៣១,៨៨%)។ ផ្លែក្រូចថ្លុងមានចំនួន ៣៤ ៩១៨,៤៤តោន (កើនឡើងចំនួន ១១៩,៦១%)។
ផ្លែស្វាយស្រស់មានចំនួន ២២៦ ៥៧៧,៧១ តោន (កើនឡើងចំនួន ១៤៩,៥៣%)។ ដំណាប់ស្វាយមានចំនួន ១៦ ៧៧៧,៨២ តោន (កើនឡើងចំនួន ១៩១,៤៩%)។ ទឹកស៊ីរ៉ូស្វាយមានចំនួន ៤ ៨៤៦,៦៣ តោន (កើនឡើងចំនួន ៣៥,២៥%)។ ម្រេចមានចំនួន ២៧ ៧៣០,០៧ តោន (កើនឡើងចំនួន ៤៥៦,៥៣%)។ ថ្នាំជក់មានចំនួន ៤ ២៩៤,០៥តោន (ថយចុះចំនួន -២៤,៤២%)។ បន្លែចម្រុះមានចំនួន ៩៣,០៨តោន (ថយចុះចំនួន -៥,៧៤%)។ ម្ទេសស្រស់មានចំនួន ៨៩ ៣៥៧,១២តោន (កើនឡើងចំនួន ៤៣,១៣%) នាំ។ ម្ទេសក្រៀមមានចំនួន ២ ១៦០,២៣ តោន (កើនឡើងចំនួន ២០,០១%) និងផលិតផលចំនួន ៨៧ មុខផ្សេងទៀតមានចំនួន ១៧៧ ៤៧៨,៧៨ តោន៕
អត្ថបទ៖ សំអឿន
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
អត្ថាធិប្បាយ១ សប្តាហ៍ agoសេចក្ដីអធិប្បាយលើសុភាសិតខ្មែរ៖«អណ្តាតជាអាទិ៍កន្លង បានសុខទុក្ខផងពីព្រោះអណ្តាត»
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សន្តិសុខសង្គម២ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម