កីឡា

បន្ទាប់ពីឈ្នះខ្សែក្រវាត់ប្រាក់ Stamp និយាយអំពីការដណ្ដើមខ្សែក្រវាត់ ONE Atomweight នៅឆ្នាំ ២០២២

បានផុស

៤ years មុន

នៅ

ថ្ងៃចន្ទ ៦ ធ្នូ ២០២១

ដោយ

Stamp Stamp Fairtex កាច់ដៃ Ritu ឲ្យចាញ់នៅទឹកទី២ដើម្បីគ្រងជើងឯក Atomweight World Grand Prix ដែលជាខ្សែក្រវាត់ប្រាក់ នៅសង្វៀន ONE : WINTER WARRIORS កាលថ្ងៃសុក្រចុងសប្ដាហ៍មុន និងក្លាយជាបេក្ខភាពឡើងទៅដណ្ដើមខ្សែក្រវាត់មាស ONE Atomweight នាពេលខាងមុខផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅទឹកទី១ ពិតណាស់ Ritu ចាប់ផ្តើមភ្លាមចូលចាប់ផ្តួល និងព្យាយាមកាច់ផ្តួលជាច្រើនលើក ប៉ុន្តែ Stamp បានទប់ទល់ជំនាញក្រោមយ៉ាងល្អ។ ក្រៅពីការពារពីការបោកផ្តួលរបស់កីឡាការិនីឥណ្ឌា Stamp មានឱកាសឡើងជង្គង់ជាច្រើនទៀតផង។ នៅទឹកទី១ឃើញថា កីឡាការិនីថៃរឹងមាំជាង ហើយចូលទឹកទី២ Ritu នៅតែមានមហិច្ឆតាចូលអោប និងផ្តួលដដែល។ យ៉ាងណា កីឡាការិនីថៃអាចការពារបានយ៉ាងល្អ និងរើបម្រះ រួចហើយយកជើងកៀបករបស់ Ritu មុនពេលកាច់ដៃរហូតធ្វើឲ្យអាជ្ញាកណ្តាលបញ្ឈប់ក្នុងទឹកទី២ដើម្បីក្លាយជាជើងឯកពិភពលោក Atomweight World Grand Prix តែម្ដង។

បន្ទាប់ពីទទួលជ័យជម្នះធំធេងពីការកាច់ដៃនេះ Stamp ថ្លែងពីការប៉ះ Ritu Phogat បែបនេះ ៖«ដោយស្មោះត្រង់ទៅ ខ្ញុំមិនដែលគិតថា ខ្ញុំអាចឃ្លេដៃគេឲចុះចាញ់បែបនេះទេ។ យ៉ាងណាក្ដី ខ្ញុំមិនអាចនិយាយថា ខ្ញុំស្ថិតនៅកម្រិតកំពូល ឬ ល្អបំផុតនោះដែរ»។

Stamp នឹងទទួលបានឱកាសប្រកួតទល់នឹងម្ចាស់ខ្សែក្រវាត់ដែលជានិមិត្តរូប Angela Lee ។ Lee គឺជាម្ចាស់ខ្សែក្រវាត់ ONE Women’s Atomweight Champion ដែលត្រូវ Stamp ជាបេក្ខភាពអាចឡើងដណ្ដើមនៅឆ្នាំ ២០២២ ខាងមុខ៕