បច្ចេកវិទ្យា
ក្រុមហ៊ុន Httpool ណែនាំក្រុមហ៊ុនអន្ដរជាតិរបស់កម្ពុជា ត្រៀមខ្លួនបង្កើនលទ្ធភាពនៃការលក់ ក្នុងរដូវបុណ្យគ្រីស្ទស្មាស់
ក្រុមហ៊ុន Httpool ដែលជាមែកធាងមួយរបស់ក្រុមហ៊ុន Aleph Holding គឺជាដៃគូលក់ពាណិជ្ជកម្មដ៏ធំបំផុតជាមួយផ្លែតហ្វមឌីជីថលធំៗក្នុងពិភពលោក រួមទាំង Meta, Twitter, Snapchat និង Tripadvisor ជាដើម កំពុងតែធ្វើការណែនាំដល់ក្រុមហ៊ុននានានៅកម្ពុជា ដែលមានអតិថិជនអន្ដរជាតិ ក្នុងការត្រៀមខ្លួននាឱកាសថ្ងៃបុណ្យគ្រីស្ទស្មាស់នេះ។ ក្រុមហ៊ុនបានផ្ដល់ដំបូន្មានជាហូរហែដល់អ្នកទីផ្សារអំពីរបៀបនៃការរៀបចំ កែសម្រួល រុះរើ និងបង្កើតឡើងជាថ្មីនូវយុទ្ធនាការនៅថ្ងៃបុណ្យគ្រីស្ទស្មាស់ដ៏ពេញនិយម។
រដូវវិស្សមកាលនេះ តែងតែជាឱកាសដ៏មមាញឹកបំផុតប្រចាំឆ្នាំ។ ដោយកម្មវិធីបុណ្យកាន់តែខិតចូលមកជិត មហាជនកំពុងត្រៀមខ្លួនសម្រាប់ការចំណាយប្រាក់ដើរផ្សារប្រចាំរដូវកាល ដែលជាការប្រមាញ់រកកាដូល្អៗ ជាមួយការផ្ដល់ជូននូវអ្វីពិសេសសម្រាប់ឱ្យគ្នា។ ជាមួយជម្រើសគ្មានដែនកំណត់ តើមានវិធីណាអាចជួយសម្រួលកិច្ចការនេះ ដែលផ្ដល់ភាពងាយស្រួលដល់អតិថិជន ពេលពួកគេស្វែងរកផលិតផលនៅលើផ្លែតហ្វមមួយហើយមួយទៀត?
សម្រាប់អ្នកប្រើប្រាស់ Facebook ក្រុមហ៊ុន Httpool បានផ្ដល់ដំបូន្មានថា៖ តើមានបំណងចង់បង្កើនការលក់ក្នុងអំឡុងពេលរដូវបុណ្យនេះមែនទេ? មិនចាំបាច់គិតយូរទេ! ដោយសារថ្ងៃបុណ្យកាន់តែខិតមកជិត វាដល់ពេលត្រូវក្រឡេកមើលមេរៀនដែលបានរៀននាឆ្នាំនេះ និងរិះរកវិធីប្រើប្រាស់ដំណេះដឹងនេះដើម្បីបង្កើតយុទ្ធនាការលក់ប្រកបដោយជោគជ័យ។ ខាងក្រោមនេះ យើងរៀបរាប់អំពីគន្លឹះសំខាន់ៗទាំងអស់ក្នុងការផ្សព្វផ្សាយអាជីវកម្មរបស់លោកអ្នកនៅលើ Facebook សម្រាប់ឱកាសបុណ្យគ្រីស្ទស្មាស់ឆ្នាំនេះ។
និន្នាការដើរផ្សារ និងតម្រូវការរបស់មហាជនកំពុងតែមានការផ្លាស់ប្ដូរ ហើយបំណងចង់សប្បាយ និងបង្កើនសកម្មភាពរស់រវើក កំពុងតែជះឥទ្ធិពលលើទម្លាប់ដែលមហាជនឆ្លើយតបនឹងមតិកាទីផ្សារ។ សុំចូលទៅកាន់ Facebook Discovery Commerce។ ប្រព័ន្ធប្រតិបត្ដិការ ដែលត្រូវបានបង្កើតឡើងដោយ Facebook នេះ អាចជួយលោកអ្នកផ្សារភ្ជាប់ទំនាក់ទំនងជាមួយអតិថិជនប្រកបដោយប្រសិទ្ធភាព ក៏ដូចជាយល់ដឹងពីតម្រូវការរបស់ពួកគេ និងផ្ដល់ជាជំនួយជួយដល់ការផ្សព្វផ្សាយរបស់លោកអ្នកបានទៅដល់មហាជនសក្ដានុពល។
ពង្រីកវិសាលភាពអតិថិជនគោលដៅ៖ ចូរចាប់យកឱកាស ដែលនឹងអាចជួយពង្រីកវិសាលភាពនៃយុទ្ធនាការរបស់លោកអ្នក។ កុំភ្លេចថា ដោយសារតែបុគ្គលម្នាក់មិនមែនជាម៉ូយប្រចាំរបស់លោកអ្នក វាមិនមែនមានន័យថា ពួកគេនឹងមិនទិញផលិតផលណាមួយពីលោកអ្នកឡើយ។ ដោយអនុញ្ញាតឱ្យបច្ចេកវិទ្យាបង្ហោះពាណិជ្ជកម្មស្វ័យប្រវត្តិរបស់ Facebook ដឹងពីផលិតផលអ្វីដែលលោកអ្នកមាន និងមហាជនប្រភេទណាដែលចង់ឱ្យឃើញ វាកាន់តែងាយស្រួលសម្រាប់ការផ្សព្វផ្សាយពាណិជ្ជកម្មរបស់ Facebook ក្នុងការតម្រង់គោលដៅទៅរកមហាជនកាន់តែច្រើន។
បច្ចេកវិទ្យាវៃឆ្លាតរបស់ Facebook (Facebook AI) អាចរ៉ាប់រងកិច្ចការលំបាកៗជូនលោកអ្នក។ ដូចបានរៀបរាប់ខាងលើ វិសាលភាពមហាជនកាន់តែធំគឺជាជំហានដំបូងដែលអនុញ្ញាតឱ្យបច្ចេកវិទ្យាវៃឆ្លាតស្វែងរកមហាជនគោលដៅដ៏ត្រឹមត្រូវ។ ខណៈការជ្រើសរើសផ្លែតហ្វមណាខ្លះ ដែលត្រូវបង្ហោះការផ្សព្វផ្សាយពាណិជ្ជកម្ម ចូរកុំជ្រើសរើសតែផ្លែតហ្វមណាដែលលោកអ្នកគិតថា ល្អស័ក្ដិសមបំផុត។ ចូរប្រើប្រាស់មុខងារ Automatic Placements ក្នុងការគ្រប់គ្រងលើកម្មវិធីវិភាគទិន្នន័យរកដំណោះស្រាយដោយស្វ័យប្រវត្ដិ ដែលអាចស្វែងរកមហាជនដែលមើលការផ្សព្វផ្សាយរបស់លោកអ្នកដ៏ត្រឹមត្រូវ ដោយមិនសំដៅលើផ្លែតហ្វមមួយណាដែលពួកគេប្រើឡើយ។ ការផ្សព្វផ្សាយពាណិជ្ជកម្មបែបច្នៃប្រឌិតគឺជាមធ្យោបាយដ៏ល្អក្នុងការបង្ហាញប្រភេទផលិតផលរបស់លោកអ្នកទាំងអស់ជារួម និងចងប្រទាក់គ្នា។
ជួយបង្កើនការផ្សព្វផ្សាយដល់អាជីវកម្មធុនតូច៖ Facebook គឺជាមជ្ឈមណ្ឌលដ៏សកម្មបំផុតសម្រាប់អតិថិជនសក្ដានុពល ដែលស្វែងរកផលិតផលរបស់អាជីវកម្មផ្សេងៗ ក៏ដូចជាការសម្រេចថា តើគួរទាក់ទងមួយណា។ សម្រាប់ក្រុមហ៊ុនតូចៗ វាហាក់ដូចជាក្ដីបារម្ភតិចតួច ហើយលោកអ្នកអាចមានការងឿងឆ្ងល់ថា តើអាជីវកម្មរបស់លោកអ្នកទទួលបានអត្ថប្រយោជន៍យ៉ាងដូចម្ដេចពីការធ្វើទីផ្សាររបស់ Facebook។ ជាការពិត ការធ្វើទីផ្សាររបស់ Facecbook បានលើកទឹកចិត្ដឱ្យមានការប្រាស្រ័យទាក់ទងជាមួយក្រុមហ៊ុនតូចៗ។ ជាក់ស្ដែង ចំពោះអ្នកដើរផ្សារក្នុងឱកាសវិស្សមកាល របាយការណ៍បានបង្ហាញថា អ្នកដើរផ្សារ ៧នាក់ក្នុងចំណោម ១០នាក់ យ៉ាងហោចណាស់បានជួយទិញផលិតផលមួយមុខពីអាជីវកម្មក្នុងស្រុក ឬអាជីវកម្មឯករាជ្យ។
សហគមន៍អ្នកដើរផ្សារ៖ ច្បាស់ណាស់ ការប្រើប្រាស់ប្រព័ន្ធប្រតិបត្ដិការរបស់ Facebook នឹងពង្រីកវិសាលភាពនៃការផ្សព្វផ្សាយពាណិជ្ជកម្ម និងលើកទឹកចិត្ដឱ្យអតិថិជនទិញផលិតផលនោះ។ យ៉ាងណាមិញ លទ្ធផលកាន់តែគាប់ចិត្ដបន្ថែមទៀតគឺជាការបង្កើតផ្លែតហ្វមសហគមន៍ ដែលការសន្ទនាផ្អែកលើសហគមន៍អាចផ្ដល់ជាអត្ថប្រយោជន៍ជាងការទិញលក់ផលិតផលផ្ទាល់ធម្មតាៗ ដោយប្ដូរមកផ្ដោតលើការកសាងកេរ្ដិ៍ឈ្មោះ និងការទទួលស្គាល់។ របាយការណ៍បានបង្ហាញថា អំឡុងពេលរដូវដើរផ្សារសម្រាប់ឱកាសវិស្សមកាលក្នុងឆ្នាំ២០២០ អ្នកដើរផ្សារ ៥៨ភាគរយ ចូលទៅកាន់បណ្ដាញសង្គមក្នុងការទិញផលិតផលជាមួយមិត្ដភក្ដិ ក្រុមគ្រួសារ និងអ្នកគាំទ្រ។ ដូច្នេះ ថាមិន អតិថិជនបានទិញដោយផ្ទាល់ពីហាងលក់ផលិតផលរបស់លោកអ្នក ឬក៏អត់នោះទេ ផ្លែតហ្វមនេះនៅតែអាចជួយផ្សព្វផ្សាយអំពីផលិតផល និងសេវាកម្មនោះ។
ផ្សព្វផ្សាយក្នុងឱកាសលក់ពិសេសៗ៖ នរណាក៏ចង់បានតម្លៃថោក! យើងទាំងអស់គ្នាសុទ្ធតែដឹងថា ថ្ងៃណា ឱកាសណា ដូចជា Black Friday និង Cyber Mondy មានន័យដូចម្ដេច។ វាជាឱកាសសន្សំសំចៃលុយដ៏សម្បើម។ ដូច្នេះ គួរតែឆ្លៀតក្រើនរំឭកអំពីថ្ងៃលក់ដ៏វិសេសនេះ កុំឱ្យរំលងឱកាសបង្កើនសកម្មភាពទំនាក់ទំនងក្នុងចំណោមអតិថិជនចាស់ៗ បើកការសន្ទនាថ្មីៗ និងពង្រីកវិសាលភាពទៅដល់អតិថិជនថ្មីៗ។ ចូរចងចាំថា អតិថិជនអន្ដរជាតិ ៨នាក់ក្នុងចំណោម ១០នាក់ បាននិយាយថា ការចូលរួមក្នុងថ្ងៃ Mega Sale Days (MSD) ធ្វើឱ្យពួកគេមានអារម្មណ៍ដូចបានក្លាយជាផ្នែកមួយនៃសហគមន៍។
បង្កើតបទពិសោធដើរផ្សារយ៉ាងពិសេស៖ ពេលមានបំណងចង់បង្កើនការលក់តាមរយៈអាជីវកម្មអនឡាញ ដែលជាបទពិសោធផ្ទុះស្រឡះពីការដើរផ្សារនៅតាមហាងផ្ទាល់ សំខាន់ត្រូវយល់ថា សាមញ្ញភាពនៃផលិតផលល្អៗនឹងមិនអាចរំលេចនូវភាពលេចធ្លោរអ្វីឡើយ។ យុទ្ធនាការធ្វើទីផ្សារប្រកបដោយជោគជ័យ គឺជាអ្វីដែលធានាថា ចំណូលចិត្ដលើបណ្ដាញផ្សព្វផ្សាយ និងមាតិកា របស់មហាជនគោលដៅ រមែងស្ថិតនៅជាអាទិភាពបំផុត៕
ADB ៖ សេដ្ឋកិច្ចកម្ពុជានឹងមានកំណើន ៦,១% ក្នុងឆ្នាំនេះ ប៉ុន្តែកំណើននេះប្រឈមនឹងហានិភ័យពន្ធគយអាមេរិក
កម្ពុជា-វៀតណាម ពេញចិត្តចំពោះកិច្ចសហការលើការទប់ស្កាត់បទល្មើសតាមព្រំដែន
ទីក្រុង Yangon ប្រទេសមីយ៉ាន់ម៉ាលុបចោលការប្រារព្ធពិធីបុណ្យចូលឆ្នាំថ្មី ក្រោយរងគ្រោះរញ្ជួយដី
ក្រោមស្ពានជ្រោយចង្វារ ក្លាយជាចំណតរថយន្ដដឹកទំនិញ និងជម្រកជនអនាថា
ស្នងការនគរបាលខេត្តសៀមរាប ត្រៀមកម្លាំងជាង ៣ពាន់នាក់ រក្សាសន្ដិសុខ សណ្ដាប់ធ្នាប់ ក្នុងព្រឹត្តការណ៍អង្គរសង្ក្រាន្ត
ទារលុយមិនបានហើយ ត្រូវកូនបំណុលប្តឹងពីបទគំរាមកំហែងហែកកេរ្តិ៍ទៀត! តើអ្វីទៅ ជាអំពើគំរាមកំហែងហែកកេរ្តិ៍?
ក្រឡាប់រថយន្តដឹកមាន់ សង្កត់រថយន្តអ្នកដំណើរ កៀបជាប់មនុស្ស ០៤ នាក់ នៅស្រុកមុខកំពូល
អ៊ីរ៉ង់យល់ព្រមធ្វើកិច្ចព្រមព្រៀងនុយក្លេអ៊ែរ ទាល់តែអាមេរិកឈប់ធ្វើរឿងមួយនេះសិន
ស្លាប់មនុស្ស៦៦នាក់ និងរបួសជាង១៦០នាក់ ក្នុងហេតុការណ៍បាក់ដំបូលក្លឹបរាត្រី នៅប្រទេស ដូមីនីក
អ៊ុយក្រែន ចាប់បានជនជាតិចិន ២នាក់ ដែលប្រយុទ្ធឲ្យរុស្ស៊ី នៅ Donetsk
-
សន្តិសុខសង្គម៣ ថ្ងៃ agoឥទ្ធិពលថ្នាំញៀន! កូនមេភូមិបែកថ្នាំចូលកាប់សម្លាប់ប្រពន្ធនាយកសាលានៅបាត់ដំបង
-
សន្តិសុខសង្គម២ ថ្ងៃ agoកុំចេះតែហ៊ាន! អ្នកចងការប្រាក់ម្នាក់ត្រូវកូនបំណុលប្ដឹងឲ្យជាប់ពន្ធនាគារ២ឆ្នាំ ក្រោយឆាតទារលុយតាមហ្វេសប៊ុក
-
ព័ត៌មានជាតិ២ ថ្ងៃ agoក្រសួងយុត្តិធម៌កំពុងសិក្សាលើករណីម្ចាស់បំណុលជាប់ពន្ធនាគារព្រោះទារលុយកូនបំណុលហើយ
-
សន្តិសុខសង្គម៤ ថ្ងៃ agoភរិយាមេព្រហ្មទណ្ឌកម្រិតធ្ងន់ខេត្តបាត់ដំបង និងបក្សពួកត្រូវចាប់ខ្លួន ករណីជួញដូរគ្រឿងញៀន
-
ព័ត៌មានជាតិ១ សប្តាហ៍ agoក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ៤ ថ្ងៃ agoបាតុភូតចម្លែក៖ ខេត្តថៃទាំង៧៧ កើតបាតុភូតព្រះអាទិត្យដើរចំពីលើក្បាល
-
ព័ត៌មានអន្ដរជាតិ១ សប្តាហ៍ agoនិស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
សន្តិសុខសង្គម១ ថ្ងៃ agoលោក ជួន ណារិន្ទ៖ សមត្ថកិច្ចមិនអនុញ្ញាតឲ្យយកដងផ្លូវសាធារណៈជាទីលានលេងគប់ទឹក ឬប៉ាតម្សៅឡើយ