រឿងភាគ​របស់ Jisoo សមាជិក Blackpink ត្រូវប្រជាជនកូរ៉េដាក់ញត្តិស្នើឲ្យបិទចោល

កាលពីថ្ងៃទី១៨ ខែធ្នូ ​ឆ្នាំ២០២១ កន្លងទៅនេះ ខ្សែភាពយន្តភាគ “Snow Drop” ដែលមានការចូលរួមសម្ដែងដោយតារាសម្តែងលោក Jung Hae In និងតារាចម្រៀង Jisoo សមាជិកក្រុម Blackpink ត្រូវបានមហាជនកូរ៉េជាង ២០ម៉ឺននាក់​នាំគ្នាដាក់ញត្តិស្នើសុំឲ្យបិទចោល ខណៈអ្នកដាក់ពាក្យស្នើសុំនៅតែបន្ដកើនឡើងរាល់ថ្ងៃ។

ទើបតែចាក់ផ្សាយបាន២ភាគប៉ុណ្ណោះ ខ្សែភាពយន្តភាគ “Snow Drop” បានក្លាយជាប្រធានបទក្ដៅគគុក និងជជែ កវែកញែកក្នុងចំណោមសាធារណជនប្រទេសកូរ៉េខាងត្បូង សុំឱ្យបញ្ឈប់ការចាក់ផ្សាយ ដោយសារតែរឿងនេះបង្ហាញទិដ្ឋភាពពាក់ព័ន្ធបញ្ហានយោបាយ ចារកម្ម និងការបោះឆ្នោតប្រធានាធិបតីឆ្នាំ១៩៨៧ ខណៈព្រឹត្តិការណ៍ដែលមានក្នុងខ្សែភាពយន្តហាក់ផ្ទុយស្រឡះពីរឿងពិតនៃប្រវត្តិសាស្រ្ដ។

គួររំលឹកថា មុនពេលចាក់ផ្សាយ រឿង “Snow Drop” ធ្លាប់ត្រូវបានមហាជនរិះគន់យ៉ាងចាស់ដៃម្ដងរួចហើយ ទាក់ទងនឹងសាច់រឿង ដែលខុសចាកពីប្រវត្តិសាស្រ្ដដើម ដែលអាចបង្កការយល់ច្រឡំពីបរទេសទៅលើប្រទេសកូរ៉េ។ យ៉ាងណាមិញ មកទល់ពេលនេះ ពាក់ព័ន្ធនឹងការដាក់ញត្តិស្នើឲ្យបិទខ្សែភាពយន្តនេះចោល មិនទាន់មានក្រុមការងារ ខាងបុស្ដិ៍ទូរទស្សន៍ JTBC ចេញមកបកស្រាយអ្វីនៅឡើយទេ៕

ប្រែសម្រួល៖ សន្យា

ចុចអាន៖ Jennie សមាជិក​ Blackpink រកចំណូលពីការថតស្ប៉តស៊ីដាច់​គេ ក្នុង​វិស័យ K-Pop

ចុចអាន៖ កូនស្រីពៅស្ដេចចម្រៀង Michael Jackson ស្រាតននលគោក ក្នុងពិធីបុណ្យមួយ