ជីវិតកម្សាន្ដ
ភាពយន្តជីវចលកូរ៉េ «The King of Kings» វ៉ាដាច់រឿងល្បីៗដោយរកចំណូលខ្ពស់បំផុតនៅអាមេរិក
ភាពយន្តគំនូរជីវចលកូរ៉េមួយក្រោមចំណងជើងថា «The King of Kings» ដែលផលិតដោយក្រុមហ៊ុន Mofac Studio បានវ៉ាដាច់រឿង «Parasite» របស់អ្នកដឹកនាំរឿង Bong Joon Ho ក្លាយជាខ្សែភាពយន្តកូរ៉េដែលរកចំណូលបានខ្ពស់បំផុតក្នុងប្រវត្តិចំណូលក្នុងវិស័យភាពយន្ត (Box office history) របស់សហរដ្ឋអាមេរិក។
កាលពីថ្ងៃទី ២៨ខែមេសា ក្រុមហ៊ុនផលិតកម្មភាពយន្ត Mofac Studio បានប្រកាសថា The King of Kings រកចំណូលបានសរុប ៥៤.៥១ លានដុល្លារនៅសហរដ្ឋអាមេរិក គិតត្រឹមថ្ងៃទី ២៧ មេសា ពោលគឺលើសពីចំណូលចុងក្រោយរបស់ចំណូលភាពយន្ត (Box Office) របស់ Parasite ដែលមានចំនួន៥៣.៨៤លានដុល្លារ។ ព្រឹត្តិការណ៍ចំណូលដ៏គួរឲ្យកត់សម្គាល់នេះត្រូវបានសម្រេចបានតែបីសប្តាហ៍ បន្ទាប់ពីការចេញផ្សាយរបស់ភាពយន្តជីវចលនេះប៉ុណ្ណោះ។
ប្រាក់ចំណូលរបស់ខ្សែភាពយន្តនេះត្រូវបានគេរំពឹងថានឹងកើនឡើងបន្ថែមទៀត ជាពិសេសដោយសារតែការកើនឡើងនៃទស្សនិកជនជាលក្ខណៈគ្រួសារនៅជុំវិញបុណ្យប្រពៃណីគ្រិស្តសាសនា (Easter) កាលពីថ្ងៃទី ២០ខែមេសា ដែលជាថ្ងៃឈប់សម្រាកដ៏សំខាន់មួយនៅក្នុងសហរដ្ឋអាមេរិក ហើយក៏ត្រូវបានគេរំពឹងថា នឹងជំរុញកំណើនប្រាក់ចំណូលរបស់ខ្លួនកាន់តែកើនឡើងលើសមុនទៅទៀត។
ភាពយន្តចំណងជើងរឿង «The King of Kings» ដឹកនាំ និងសរសេរដោយនាយកប្រតិបត្តិ Mofac Studio លោក Jang Sung Ho គឺផ្អែកលើដំណើរជីវិតរបស់ព្រះគ្រិស្ត នោះគឺអំពីជីវិតរបស់ព្រះយេស៊ូ ចាប់តាំងពីកំណើត រហូតដល់មានព្រះជន្មរស់ឡើងវិញ។
ដោយឡែក តារាហូលីវូដល្បីៗ ដូចជា៖ Pierce Brosnan, Oscar Isaac, Kenneth Branagh, Uma Thurman និង Forest Whitaker សុទ្ធតែជាតួអង្គដែលបានបញ្ចូលសំឡេងរបស់ពួកគេក្នុងខ្សែភាពយន្តនេះ ដោយបង្កើនគុណភាពផលិតកម្មឲ្យកាន់តែមានគុណភាពល្អជាងមុនទៀត។
បន្ទាប់ពីការចេញផ្សាយនៅសហរដ្ឋអាមេរិក The King of Kings បានបង្ហាញខ្លួនជាលើកដំបូងនៅលេខ២ ផ្អែកលើប្រាក់ចំណូល ដោយតាមពីក្រោយភាពយន្ត «Minecraft Movie» ដែលសម្តែងដោយ Jack Black និង Jason Momoa ហើយបានរក្សាសន្ទុះខ្លាំងចាប់តាំងពីពេលនោះមក។
ភាពយន្តនេះក៏ទទួលបានការសាទរយ៉ាងខ្លាំង ដោយទទួលបានចំណាត់ថ្នាក់កំពូលនៃ A+ ពី CinemaScore ដែលផ្អែកលើមតិរបស់អ្នកទស្សនាជាក់ស្តែង។
ទន្ទឹមនឹងនេះ រឿង «The King of Kings» គ្រោងនឹងចេញផ្សាយនៅក្នុងប្រទេសកូរ៉េខាងត្បូងនៅរដូវក្តៅនេះ។ ជាមួយនឹងគុណភាព និងភាពជោគជ័យដែលបានបញ្ជាក់រួចមកហើយនៅសហរដ្ឋអាមេរិក ខ្សែភាពយន្តដ៏ល្អឯក ត្រូវបានគេរំពឹងថានឹងទាក់ទាញចំណាប់អារម្មណ៍យ៉ាងខ្លាំងពីទស្សនិកជនកូរ៉េយ៉ាងភ្លូកទឹកភ្លូកដីជាក់ជាមិនខានឡើយ៕
អត្ថបទ៖ សាង ស្រីល័ក្ខ
ចុចអាន៖ភាពយន្ត «ណាចា» រកចំណូលលើសគេ តែលេចឮថា អ្នកដឹកនាំរឿងកំពុងរស់ក្រោមសម្ពាធធំ
-
ព័ត៌មានជាតិ២ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានជាតិ១ សប្តាហ៍ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ១ សប្តាហ៍ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ៦ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ១ សប្តាហ៍ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១២ ម៉ោង agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានជាតិ២ ថ្ងៃ agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
សន្តិសុខសង្គម៦ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ