តារាសម្ដែង៦រូបដែល​ទស្សនិកជនចាត់ទុកជាតួស្រីសម្អប់បំផុតក្នុងភាពយន្តកូរ៉េ

មិនមែនគ្រប់តួឯកស្រី​ក្នុង​រឿងភាគកូរ៉េ «K-drama» សុទ្ធតែត្រូវបានទស្សនិកជនស្រលាញ់ចូលចិត្តនោះទេ។ អ្នក​ខ្លះ​ក្លាយ​ជា​​តំណាង​​​ភាព​​អាក្រក់​ដែលមិនអាចបំភ្លេចបាន ខណៈដែលអ្នក​ខ្លះ​ទៀត​ត្រូវ​​គេ​ចង​ចាំ ព្រោះ​ធ្វើ​ឲ្យអ្នក​ទស្សនាមានកំហឹងនឹងតួអង្គនោះកាន់តែខ្លាំងជាងមុនទៀត។

តួសម្តែង​ក្នុង​ភាព​យន្ត​ K-drama ដែលទស្សនិកជនស្អប់បំផុតគឺ តារាស្រី Shin Se Kyung ក្នុងរឿង «High Kick 2» ។ ក្នុងភាពយន្តនេះនាងមិនមែនជាមនុស្សអាក្រក់ ឬរំខាននោះទេ ប៉ុន្តែធ្វើឲ្យទស្សនិកជនខកបំណង ដោយសារតែតួស្រីល្ងង់​ខ្លាំង​ពេក​ រហូ​ត​ដល់​ធ្វើ​ឲ្យ​ទស្សនិកជន​​​ខកចិត្តខ្លាំង​និងខឹង​ជួស​។ នៅក្នុងរឿងកំប្លែងដែលបញ្ចូលថាមពលវិជ្ជមាន ភាពរឹងប៉ឹង និងកង្វះការបញ្ចេញមតិរបស់នាងគឺនៅឆ្ងាយពីតួអង្គលេចធ្លោដូចជា Hwang Jung Eum ឬ Yoon Shi Yoon។ ពាក្យចចាមអារ៉ាមដែលថា នាងមានឥទ្ធិពលលើការបញ្ចប់ដ៏សោកនាដកម្មរបស់ខ្សែភាពយន្ត (ក្រោយមកត្រូវបានបដិសេធ) ក៏បានធ្វើឲ្យអ្នកទស្សនាកាន់តែខកចិត្តបន្ថែមទៀត។

Jo Yi Seo (សម្តែងដោយ Kim Da Mi) ក្នុងរឿង «Itaewon Class» ពីដំបូងទស្សនិកជនហាក់ស្រឡាញ់បុគ្គលិកលក្ខណៈរឹងមាំ ឆ្លាតវៃ និងក្លាហាន ប៉ុន្តែក្រោយមកតារាស្រីរូបនេះ បានធ្វើឲ្យទស្សនិកជនបាត់បង់ក្តីអាណិត ដោយសារតែភាពអាត្មានិយម ការគ្រប់គ្រងហួសហេត និងការមើលងាយអ្នកដទៃ។ ថ្វីដ្បិតតែទទួលបានភាពស្និតស្នាលរបស់តួឯកប្រុសក៏ដោយ ក៏ការអភិវឌ្ឍចរិតលក្ខណៈរបស់នាង បានធ្វើឲ្យនាងពិបាកក្នុងការទទួលបានអ្នកគាំទ្រមកវិញ។

Joo Da Hae (សម្តែងដោយ Soo Ae) ក្នុងរឿង «Queen of Ambition» តួអង្គក្នុងរឿងមួយនេះគឺជាជនកំណាចដែលជ្រើសរើសអំណាចលើសីលធម៌ នាងមិនស្ទាក់ស្ទើរក្នុងការក្បត់ចិត្ត​គូស្នេហ៍ ហើយរៀបការដើម្បីលុយនិងសម្រេចគោលដៅរបស់នាង។ ថ្វីដ្បិតតែតារាស្រីដើរតួបានល្អណាស់ ប៉ុន្តែភាពឃោរឃៅនៃតួអង្គនេះ ធ្វើឲ្យអ្នកទស្សនាមានអារម្មណ៍​ភ័យខ្លាច ជាងការអាណិតទៅវិញ។

Eun Kang (សម្តែងដោយ Seo Ji Hye) ក្នុងរឿង «Red Balloon» ទស្សនិកជនចាប់ផ្តើមស្អប់នាងបន្តិចម្តងៗ នៅពេលដែលនាងក្បត់មិត្តភ័ក្តិ ហើយជ្រៀតជ្រែកក្នុងអាពាហ៍ពិពាហ៍របស់អ្នកដទៃ ព្រមទាំងបន្ទោសស្នេហាថា «មិនបានការ»។ ការគេចវេះ​ពីទំនួលខុសត្រូវ ធ្វើឲ្យនាងក្លាយជានិមិត្តរូបនៃភាពលាក់ពុតដែលមនុស្សជាច្រើនមានកំហឹងក្រោយពេលទស្សនា។

Jung Jae I (សម្តែងដោយ Roh Jeong Eui) ក្នុងរឿង «Hierarchy» ដោយសារតែចរិតត្រជាក់​ សុភាពខាងក្រៅ តួអង្គនេះបានធ្វើឲ្យទស្សនិកជនច្របូកច្របល់ កើត​ក្តីក្រហល់​ក្រហាយ​ នៅពេលដែលនាងតែងតែធ្វើបាបអ្នកដទៃជានិច្ច។ ប៉ុន្តែតែងតែនិយាយថា អ្វីគ្រប់យ៉ាងគឺសម្រាប់ស្នេហា។ ភាពព្រងើយកន្តើយនិងភាពឃោរឃៅរបស់នាង ធ្វើឲ្យតារាស្រីក្លាយជាតួអង្គដែលទស្សនិកជនពិបាកនឹងស្រលាញ់។

Yu Nabi (សម្តែងដោយ Han So Hee) ក្នុងរឿង «there’s no such thing as fate nevertheless» ក្នុងនាមជានិស្សិតសិល្បៈដ៏ឆ្លាតវៃ និងស្រស់ស្អាត តួអង្គ Yu Nabi ធ្វើឲ្យទស្សនិកជនខឹងសម្បារ ព្រោះនាងនៅតែបន្តទំនាក់ទំនងមិន​ប្រក្រតី។ ភាពមិនច្បាស់លាស់ និងការធ្វើទារុណកម្មផ្លូវចិត្តរបស់នាង បានប្រែក្លាយនាងទៅជានិមិត្តសញ្ញានៃសេចក្តីស្រឡាញ់ដែលបំផ្លាញខ្លួនឯង។ នោះហើយជាអ្វីដែលអ្នកទស្សនាចងកំហឹង ហើយមិនយល់ពីចរិតរបស់តួអង្គស្រីក្នុងភាពយន្ត៕

អត្ថបទ៖ សាង ស្រីល័ក្ខ

ចុចអាន៖មានរហស្សនាមជា «ស្តេច K-pop» តើ​ដឹងទេថា កាល​​ពីក្មេង G-Dragon វីវក់នឹង​តន្រ្តីកម្រិតណា?​