ព័ត៌មានជាតិ
ឈើស្រឡៅចំនួន៣៩កំណាត់ត្រូវបានសមត្ថកិច្ចចុះបង្ក្រាបនិងរឹបអូសនៅស្រុកអូរយ៉ាដាវ
ឈើស្រឡៅដែលជាឈើប្រណីតប្រភេទលេខ១ចំនួន៣៩កំណាត់ ត្រូវឈ្មួញទុច្ចរិតដឹកជញ្ជូនយកមកលាក់ទុកតាមដងទន្លេសេសាន្ត បម្រុងដឹកបន្តយកទៅលក់នៅប្រទេសជិតខាង ត្រូវបានសមត្ថកិច្ចចុះបង្ក្រាបនិងរឹបអូស។
ការចុះប្រតិបត្តិការបង្ក្រាបឈើខាងលើនេះ មានកម្លាំងអធិការនគរបាលស្រុកអូរយ៉ាដាវ សហការ ជាមួយ ក្រុមការងារចម្រុះដឹកនាំដោយលោក ស៊ឹម លីន អភិបាលរងស្រុក និងជាអនុប្រធានអនុគណៈកម្មាធិការទប់ស្កាត់ និងបង្រ្កាបបទល្មើសធនធានធម្មជាតិស្រុកអូរយ៉ាដាវ បានចុះស្រាវជ្រាវរុករកឃើញឈើនៅជាប់តាមដងមាត់ទន្លេសេសាន្ដ ស្ថិតនៅក្នុងភូមិភិ ឃុំសេសាន្ត ស្រុកអូយ៉ាដាវ កាលពីថ្ងៃទី១២ ខែធ្នូ ឆ្នាំ២០២០ វេលាម៉ោង១០និង១៥នាទី។
ឈើដែលសមត្ថកិច្ចចុះបង្ក្រាបនិងរឹបអូសនេះ មានចំនួន២គំនរផ្សេងៗគ្នា ដែលជាឈើប្រភេទលេខ ១ ស្រឡៅចំនួនសរុប៣៩ដុំ។
គំនរទី១នៅត្រើយម្ខាង ខាងឆ្វេង ជិតប៉ុស្តិ៍នគរបាលភូមិភិ(៥០៩) និងវរៈទាហានការពារព្រំដែនកង អនុសេនាតូចលេខ២ ចំងាយប្រហែល២០០ម៉ែត្រ ទៅ៣០០ម៉ែត្រ ឃើញមានឈើប្រភេទលេខ១ ស្រឡៅចំនួន១៤កំណាត់ ត្រង់និយាមការលេខ (០៧៦៤០៦៥-១៥២៤៤២២)។
និងគំនរទី២ នៅខាងក្រោយប៉ុស្តិ៍នគរបាលនិងប៉ុស្តិ៍យោធាខាងលើចំងាយ ប្រហែល៤០០ម៉ែត្រ ទៅ ៥០០ម៉ែត្រ ពីត្រើយម្ខាងខាងស្តាំ ឃើញមានឈើប្រភេទលេខ១ចំនួន២៥កំណាត់ ជាប្រភេទឈើ ចម្រុះ នៅត្រង់ចំណុចនិយាមការលេខ (០៧៦៤៦៩៦-១៥២៥៧២០)។
ក្នុងនោះឈើនៅគំនរទី១ សមត្ថកិច្ចជំនាញបានប្រគល់ជូនទៅឲ្យកម្លាំងឧទ្យានជាតិអូរយ៉ាដាវដើម្បី រក្សាទុក និងឈើនៅគំនរទី២ កម្លាំងឧទ្យានជាតិអូរយ៉ាដាវ កំពុងរកមធ្យោបាយក្នុងការដឹកជញ្ជូនយកចេញក្រៅដើម្បីចាត់ការបន្តតាមនិតិវិធីច្បាប់។
សូមបញ្ជាក់ថា បទល្មើសធនធានធម្មជាតិព្រៃឈើនៅតាមជាប់ព្រំដែនកម្ពុជា-វៀតណាម ឈ្មួញនៅតែបន្តធ្វើសកម្មភាពក្នុងការដឹកជញ្ជូនយកទៅប្រទេសជិតខាង ខណៈនៅតំបន់នោះដាច់ស្រយាល ពីទីរួមខេត្តផង។ ហើយមួយវិញទៀត កម្លាំងប៉ុស្តិ៍នៅជាប់ព្រំដែននៃប្រទេសជិតខាងបានឃុបឃិតគ្នាជាមួយឈ្មួញឈើក្នុងការដឹកជញ្ជូនបានយ៉ាងស្ងៀមស្ងាត់ផងដែរ៕
អត្ថបទ ៖ អ៊ុច សាវុទ្ធ
-
ជីវិតកម្សាន្ដ៣ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ជីវិតកម្សាន្ដ៦ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៣ ថ្ងៃ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ១ សប្តាហ៍ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ៣ ថ្ងៃ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
ព័ត៌មានជាតិ១ សប្តាហ៍ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង១ សប្តាហ៍ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល
-
ព័ត៌មានជាតិ៦ ថ្ងៃ ago
អតីតប្រធានអង្គការភូមិកុមារ SOS ធ្លាប់ជួយកុមារលើពិភពលោកជិត៣ទសវត្សរ៍ បានទទួលមរណភាព