កីឡា

U-18 នារីកម្ពុជា ចាញ់ថៃ ប្រកួតដំបូង ក្នុងពាន AFF U-18 Women’s Championship 2022

បានផុស

៣ years មុន

នៅ

ថ្ងៃសុក្រ ២២ កក្កដា ២០២២

ដោយ

ក្រុមបាល់ទាត់ជម្រើសជាតិនារី អាយុក្រោម១៨ឆ្នាំកម្ពុជា បានរងបរាជ័យប្រកួតដំបូងពានរង្វាន់ជើងឯកនារីអាស៊ានអាយុក្រោម ១៨ឆ្នាំ (AFF U-18 Women’s Championship 2022) ក្រោមថ្វីជើងក្រុមជម្រើសជាតិនារី អាយុក្រោម១៨ឆ្នាំថៃ ពូល B ដោយលទ្ធផល ០-៤ នាល្ងាចថ្ងៃទី២២ ខែកក្កដា នេះ។

ក្នុងការប្រកួត U-18 នារីថៃ មានប្រៀបជាងកម្ពុជា ខ្លាំងដោយគ្រាន់តែចាប់ផ្ដើមការប្រកួតបាន ៤នាទីក៏អាចរកគ្រាប់បាល់នាំមុខមុន ដោយកីឡាការិនី Aimee។ លុះចូលដល់នាទីទី១០ គ្រាប់បាល់ទី២ ក៏បានកើតឡើងសម្រាប់ថៃ និងបន្តរកគ្រាប់បាប់ទី៣ បានសម្រេចនៅនាទី១៨ ដោយកីឡាការិនី Gina Thongphan និងកីឡាការិនី Praewa Nudnabi។ គ្រាប់បាល់ចុងក្រោយនៃវគ្គទី១ គឺនៅនាទី៣២ ទាត់ចូលដោយកីឡាការិនី Gina Thongphan ជាថ្មីម្ដងទៀត ហើយក៏បានរក្សាលទ្ធផល ០-៤ ដល់ចប់វគ្គទី១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចូលដល់វគ្គទី២ ថៃ នៅតែបន្តមានប្រៀបជាង ហើយក៏មានឱកាសទាត់ទីកម្ពុជា ជាច្រើនលើកច្រើនសារ ប៉ុន្តែធ្វើពុំបានសម្រេចឡើយ និងបានរក្សាលទ្ធផល ០-៤ ដល់ចប់ការប្រកួត។

ដូច្នេះលទ្ធផលចាញ់នេះធ្វើឱ្យនារីកម្ពុជា ឈរនៅលេខ៥បាតតារាងជាបណ្ដោះអាសន្ន។ ដោយឡែកប្រកួតបន្ទាប់របស់ U-18 នារីកម្ពុជា ត្រូវជួបក្រុម U-18 នារីឥណ្ឌូនេស៊ី នៅថ្ងៃទី២៤ ខែកក្កដា ខាងមុខ៕

អត្ថបទ ៖ មន្នីរ័ត្ន