កីឡា
Ronaldo ខកខានផ្ញើរបាយការណ៍ហ្វឹកហាត់ផ្ទាល់ខ្លួនឲ្យ Man Utd ក្នុងអំឡុងពេល Pre-season
Cristiano Ronaldo មកទល់ពេលនេះបានខកខានក្នុងការរាយការណ៍ពីការហ្វឹកហាត់ផ្ទាល់ខ្លួនក្នុងអំឡុងពេលត្រៀមមុនបើករដូវកាល (Pre-Season) ក្នុងរដូវក្តៅនេះ ដោយបានលើកឡើងពីបញ្ហាគ្រួសារ ដ្បិតរូបគេបានខកខានដំណើរប្រកួតទេសចរណ៍របស់ក្លិបនៅប្រទេសថៃ និងអូស្ត្រាលី ផងដែរ។
យោងតាមសារព័ត៌មាន Mirror ខ្សែប្រយុទ្ធវ័យ ៣៧ ឆ្នាំរូបនេះ បានខកខានក្នុងការរាយការណ៍ពីកាតព្វកិច្ចក្រោមការដឹកនាំរបស់គ្រូបង្វឹកថ្មី លោក Erik ten Hag មុនពេលក្រុមធ្វើដំណើរទៅប្រទេសថៃ និងអូស្ត្រាលី ដោយកីឡាករសញ្ជាតិព័រទុយហ្គាល់រូបនេះបានលើកឡើងពីបញ្ហាគ្រួសារ ហើយថែមទាំងធ្វើឲ្យគេដឹងថាចង់ចាកចេញពីក្លិបនៅរដូវក្តៅនេះ។
សេចក្ដីរាយការណ៍បានបន្ថែមថា លោក Ten Hag ជាមួយក្លិប នឹងស្វែងរកពេលវេលាកំណត់ថាតើ Ronaldo គ្រោងនឹងត្រលប់មកកាន់ទីលានហ្វឹកហាត់ Carrington ដែលជាកន្លែងកីឡាកររបស់ Man Utd នឹងចូលជំរំឡើងវិញសម្រាប់ការហ្វឹកហាត់មុនបើករដូវកាលនៅថ្ងៃអង្គារខាងមុខនេះ។ ក្រុមបានឡើងយន្តហោះពីប្រទេសអូស្ត្រាលី បន្ទាប់ពីប្រកួតស្មើ ២-២ ជាមួយក្រុម Aston Villa ក្នុងទីក្រុង Perth កាលពីម្សិលមិញ ហើយលោក Ten Hag បានឲ្យពួកគេសម្រាកនៅថ្ងៃចន្ទ មុនពេលត្រលប់មកហ្វឹកហាត់វិញនៅថ្ងៃអង្គារ។
បន្ទាប់មក Man Utd នឹងត្រូវជួបប្រកួតមិត្តភាពមុនបើករដូវកាលចំនួនពីរទៀត ក្នុងចន្លោះពេលជាង ២៤ ម៉ោង នៅចុងសប្ដាហ៍ក្រោយ ដោយជួប Atletico Madrid ក្នុងទីក្រុង Oslo ថ្ងៃសៅរ៍បន្ទាប់ និងបន្ទាប់មក Rayo Vallecano នា Old Trafford នៅថ្ងៃអាទិត្យ។
វត្តមានរបស់ Ronaldo ក្នុងការប្រកួតទាំងពីរនេះ នៅតែជាការជជែកវែកញែកនៅឡើយ បន្ទាប់ពីខកខានមិនបានប្រកួតនៅមុនបើករដូវកាលមកទល់ពេលនេះ ដោយកីឡាករវ័យ ៣៧ ឆ្នាំរូបនេះ បានហ្វឹកហាត់ដោយខ្លួនឯងក្នុងគោលបំណងរក្សាភាពរឹងមាំរបស់គេ។
ជាមួយគ្នាផងដែរ គូប្រកួតក្លិប Atletico Mardid បានលេចចេញជាជម្រើសដ៏មានសក្ដានុពលសម្រាប់ Ronaldo ដែលត្រូវបាននិយាយជាប់ទាក់ទងយ៉ាងខ្លាំងជាមួយ Chelsea និង Bayern Munich កាលពីដើមរដូវក្តៅមុនពេលពួកគេទើបតែចុះហត្ថលេខាយកបានកីឡាករ Raheem Sterling និង Sadio Mane រៀងៗខ្លួន។ ខ្សែប្រយុទ្ធរូបនេះក៏ត្រូវបានក្លិបរបស់លីគអារ៉ាប៊ីសាអ៊ូឌីត ដាក់សំណើខ្ពស់ប្រាក់ខែថ្លៃផងដែរ ប៉ុន្តែគេមានបំណងចង់បន្តលេងនៅអឺរ៉ុប។
ចុងក្រោយនេះរបាយការណ៍មួយនៅក្នុងកាសែត The Times បង្ហាញថា Atletico Madrid កំពុងស្វែងរកលទ្ធភាពក្នុងការលក់ Antoine Griezmann ដើម្បីសម្រាលពីតារាងប្រាក់ឈ្នួលរបស់ពួកគេ ហើយទុកចំណែកនេះសម្រាប់ Ronaldo ដែលចង់បន្តលេងក្នុងក្របខ័ណ្ឌ UEFA Champions League បន្ទាប់ពី Man United មិនអាចរកកៅអីលេងបាននៅរដូវកាលនេះ (Man Utd ត្រូវលេង UEFA Europa League)។
Man United បើកចំហចំពោះគំនិត នៃការអនុញ្ញាតឲ្យ Ronaldo ចាកចេញពីក្លិបក្នុងកិច្ចសន្យាខ្ចីជើងរយៈពេល ១ ឆ្នាំ ប៉ុន្តែប្រសិនបើកីឡាករសញ្ជាតិព័រទុយហ្គាល់ចុះហត្ថលេខាបន្តកុងត្រាថ្មីជាមួយ Old Trafford ហើយត្រលប់ទៅក្លិបវិញនៅរដូវក្តៅក្រោយ លុះត្រាតែពួកគេបានកៅអីលេង UEFA Champions League៕
អត្ថបទ ៖ មន្នីរ័ត្ន
ក្នុងពេល២០ឆ្នាំដែលសន្លប់ ព្រះអង្គម្ចាស់អារ៉ាប៊ី សាអូឌីត ទទួលការព្យាបាលអ្វីខ្លះទើបអាចរក្សាព្រះជន្មបាន?
មន្ត្រីជាន់ខ្ពស់ក្រសួងការងារ អំពាវនាវឲ្យពលរដ្ឋបន្តស្មារតីជាតិនិយម ដើម្បីបង្ហាញពីទឹកចិត្តមោះមុតក្នុងការទប់ស្កាត់រាល់សកម្មភាពឈ្លានពានរបស់សត្រូវ
រដ្ឋបាលខេត្តតាកែវ ចាប់ផ្តើមផ្តល់ពាក្យ និងទទួលពាក្យស្នើសុំប្រឡងចូលក្របខ័ណ្ឌមន្រ្តីពន្ធនាគារ
ថៃ កំពុងភ័យថា បើតុលាការអន្តរជាតិមិនទទួលយកសំណុំរឿងទាហានខ្លួនជាន់មីនទេនោះ កម្ពុជាអាចវាយបកវិញ
កីឡាការិនី យ៉ុន យ៉ើន បង្កើតប្រវត្តិផ្ទាល់ខ្លួនទៅលេងប្រទេសទី៣ក្នុងអាជីព
មេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា
ហួសចិត្ត! ថៃ រកឃើញមីនថ្មីថែមទៀតលើដីខ្លួនឯង តែបែរជាស្នើឲ្យអាស៊ានមកថ្កោលទោសកម្ពុជា ទៅវិញ
ថៃ ក្រពុលមុខ រឿងចៅអធិការវត្តនិងស្រីស្នេហ៍ ទើបពន្លឿនការស៊ើបអង្កេត កុំឲ្យកាន់តែអាម៉ាស់
លិខិតមិត្តអ្នកអាន៖ ការនាំយកសំណុំរឿងទាហានថៃជាន់មីននៅតំបន់មុំ៣ទៅប្តឹងអង្គការ សហប្រជាជាតិគឺជាឱកាសមាសសម្រាប់កម្ពុជា
អ្នកស្លាប់ព្រោះភ្លៀងធ្លាក់ខ្លាំង៥ថ្ងៃជាប់គ្នានៅកូរ៉េខាងត្បូង កើនដល់ ១៤នាក់ និងបាត់ខ្លួន ១២នាក់
-
ព័ត៌មានអន្ដរជាតិ១ ថ្ងៃ agoព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
-
ព័ត៌មានជាតិ២ ថ្ងៃ agoអគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
បច្ចេកវិទ្យា៥ ថ្ងៃ agoOPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានអន្ដរជាតិ១ សប្តាហ៍ agoថៃ អះអាងថា ជនកំសាកដែលលួចវាយទាហានកម្ពុជា គឺជាទេសចរ ប៉ុណ្ណោះ
-
ព័ត៌មានជាតិ១ សប្តាហ៍ agoកម្ពុជា រងឥទ្ធិពលពីព្យុះមួយទៀត គឺជាព្យុះទី៥ ឈ្មោះ ណារី (Nari)
-
ព័ត៌មានអន្ដរជាតិ៥ ថ្ងៃ agoរដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង
-
ព័ត៌មានអន្ដរជាតិ៨ ម៉ោង agoមេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា
-
ព័ត៌មានអន្ដរជាតិ១ សប្តាហ៍ ago«នាយករដ្ឋមន្ត្រី៣នាក់ក្នុងពេល៣ថ្ងៃ» ជារឿងដែលមួយពិភពលោក មិនអាចធ្វើបានដូចថៃ